Actualitats
Grècia: Syriza a ganhat las eleccions generalas amb una fòrta abstencion
Tsipras ganha l’espròva de fuòc après aver signat un tresen salvament refusat pel pòble en referendum
La coalicion de l’esquèrra grèga, Syriza, a ganhat las eleccions legislativas que se son celebradas aqueste dimenge amb lo 36,34% dels vòtes. Aquò se tradutz per 149 deputats suls 300 que compausan lo parlament grèc. E mai, Syriza apondrà los 50 deputats del “bònus” que prevei la legislacion grèga per facilitar lo govèrn que ven de la formacion mai votada.
Aquel resultat daissa lo partit de drecha, Nòva Democracia, amb 76 deputats, en tot aver obtengut lo 27,81% dels vòtes. De fach, lo cap d’aquel partit de drecha, Evaggelos Meïmarakis, a reconegut sa desfacha e a felicitat lo cap de Syriza per sa victòria.
En tresena posicion i a lo partit neonazi Chrysi Avgi (Alba Daurada) amb 17 deputats (lo 6,28% dels vòtes) e lo Partit Comunista Grèc amb 15 deputats (lo 5,47% dels vòtes). Seguís lo Movement Socialista Panellenic o PASOK, amb 13 deputats (lo 4,68% dels vòtes); lo partit centrista To Potami (lo Flume) qu’a obtengut 16 deputats (lo 6,04% dels vòtes); los Grècs Independents o Anel (13 deputats e lo 4,75% dels vòtes) e l’Union dels Centristas (10 sètis e lo 3,52% dels vòtes).
Unitat Populara, lo partit venent d’una scission de l’ala esquèrra de Syriza e sostengut per Giannis Varoufakis, intrarà pas dins lo parlament, e mai se son resultat se sarra del 3% dels vòtes.
Segon los analistas, lo pache mai probable que Syriza farà per formar govèrn serà amb los Grècs Independents (Anel) qu’an ja governat en coalicion amb lo partit de Tsipras.
Granda abstencion
Ça que la, lo grand ganhant d’aquelas eleccions es l’abstencion. Gaireben la mitat dels dètz milions de grècs cridats a votar, lo 45,5%, an decidit de votar pas. Aquò fa dètz ponches de mai qu’a l’eleccion precedenta.
Se tracta de las cinquenas eleccions generalas dins los sièis darrièrs ans. Sièis meses après l’estrambordanta victòria de la coalicion Syriza, lo primièr ministre Alexis Tsipras aviá decidit en agost d’avançar las eleccions après aver signat, lo 13 de julhet, lo tresen salvament de Grècia amb l’Union Europèa e lo Fons Monetari Internacional (FMI) d’86 miliards d’èuros en tres ans. Aquel salvament impausa un dur programa de privatizacions e reduccions budgetàrias, refusadas per la majoritat del pòble grèc en un referendum.
Aquel resultat daissa lo partit de drecha, Nòva Democracia, amb 76 deputats, en tot aver obtengut lo 27,81% dels vòtes. De fach, lo cap d’aquel partit de drecha, Evaggelos Meïmarakis, a reconegut sa desfacha e a felicitat lo cap de Syriza per sa victòria.
En tresena posicion i a lo partit neonazi Chrysi Avgi (Alba Daurada) amb 17 deputats (lo 6,28% dels vòtes) e lo Partit Comunista Grèc amb 15 deputats (lo 5,47% dels vòtes). Seguís lo Movement Socialista Panellenic o PASOK, amb 13 deputats (lo 4,68% dels vòtes); lo partit centrista To Potami (lo Flume) qu’a obtengut 16 deputats (lo 6,04% dels vòtes); los Grècs Independents o Anel (13 deputats e lo 4,75% dels vòtes) e l’Union dels Centristas (10 sètis e lo 3,52% dels vòtes).
Unitat Populara, lo partit venent d’una scission de l’ala esquèrra de Syriza e sostengut per Giannis Varoufakis, intrarà pas dins lo parlament, e mai se son resultat se sarra del 3% dels vòtes.
Segon los analistas, lo pache mai probable que Syriza farà per formar govèrn serà amb los Grècs Independents (Anel) qu’an ja governat en coalicion amb lo partit de Tsipras.
Granda abstencion
Ça que la, lo grand ganhant d’aquelas eleccions es l’abstencion. Gaireben la mitat dels dètz milions de grècs cridats a votar, lo 45,5%, an decidit de votar pas. Aquò fa dètz ponches de mai qu’a l’eleccion precedenta.
Se tracta de las cinquenas eleccions generalas dins los sièis darrièrs ans. Sièis meses après l’estrambordanta victòria de la coalicion Syriza, lo primièr ministre Alexis Tsipras aviá decidit en agost d’avançar las eleccions après aver signat, lo 13 de julhet, lo tresen salvament de Grècia amb l’Union Europèa e lo Fons Monetari Internacional (FMI) d’86 miliards d’èuros en tres ans. Aquel salvament impausa un dur programa de privatizacions e reduccions budgetàrias, refusadas per la majoritat del pòble grèc en un referendum.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A despart de las eleccions e del referendum, lo ciutadan Tsipras o a perdut tot, la dignitat, la credibilitat e, mai que mai, la sieuna identitat politica. Esclafat dins lo ponh de fèrre de la finançalha europeïsta, Syriza non es mai un partit d'esquèrra, e se pòt d'ara enlà aligar a quin partit siá disent socio-democrat que siá… Papandreu li pòt quitament servir de ministra de la finançalha. Cambiarà pas res mai. Son totes d'enterraires de democracia… Varofakis a seguida la sola via possibla e credibla per un elegit d'esquèrra seriós.
Esperi que sia per ben, lo paure president acolhonit, primier fa un referendum per aprés far lo contrari, se pas coma acabarà tot aquò. Mas betleu que la prensa "liura" mos agi enganat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari