Actualitats
Demandan uèch meses de preson per l’escrivan napolitan Erri De Luca
Segon la cort, De Luca faguèt d’“incitacion a la violéncia” en disent que compreniá los actes de sabotatge contra lo tunèl del TGV en construccion dins la Val de Susa
Lo tribunal de Turin, a travèrs de son procuraire, demandèt ièr uèch meses de preson per l’escrivan napolitan Erri De Luca, que son jutjament comencèt en genièr passat. De Luca es jutjat per aver dich en una entrevista a l’Huffington Post que los trabalhs del TGV dins la Val de Susa, en Arpitània e al limit d’Occitània, los caliá sabotar. De Luca a pas pensat de se retractar, al contrari, vòl emplegar aquel jutjament per denonciar l’atac contra la libertat d’expression e l’especulacion que destrutz lo territòri.
Lo jutjament contra l’escrivan, de 65 ans d’edat, es fòrça polemic perque met en question la libertat d’expression dins l’estat italian.
Segon la cort, De Luca faguèt d’“incitacion a la violéncia” en disent que compreniá los actes de sabotatge contra lo tunèl entamenat dins la Val de Susa, que la majoritat de sos estatjants s’i opausan. Lo meteis tribunal ditz que la notorietat de l’escrivan fa que sos prepauses se considèren “determinants” per la comission d’actes de sabotatge contra la linha.
Al moment que l’escrivan faguèt aquelas declaracions, i aviá dins la Val de Susa 200 militars italians per protegir las installacions del tunèl.
La paraula contrària
De Luca a publicat un libre entitolat La parola contraria (La paraula contrària) coma responsa al tractament que recep. Dins lo libre, l’escrivan fa una allegacion en defensa de la libertat d’expression e dels ligams qu’a la cultura amb las luchas socialas.
Dins sos 65 ans, De Luca es un simbòl de la campanha italiana contra lo TGV. La construccion d’aquela linha, començada dins los ans 1990, ten los abitants de la Val de Susa en pè de guèrra a causa de l’enòrme impacte sus l’environament e dels risques per la santat derivats de la perforacion d’aquelas montanhas, qu’an de nauts nivèls d’amiant.
La campanha de sosten a De Luca se difond suls rets socials amb l’etiqueta #iostoconerri.
Solidaritat en Catalonha
En març passat se presentèt a Barcelona la traduccion catalana del libre. Entitolat La paraula contrària, aquela version conten un avantdire de l’èx-deputat de la CUP, David Fernández.
Amb la presentacion del libre, lo sosten a De Luca se manifestèt sus Twitter per una fiulada massissa. Los twitterejaires acompanhèron lors fiuladas amb las etiquetas #iostoconerri (ieu soi amb Erri), #laparaulacontraria (la paraula contrària) e #notav (pas de TGV), e capitèron a portar l’etiqueta #EsticambErri (soi amb Erri) als nivèls de subjèctes de mòda de l’estat espanhòl.
Ara, après conéisser la demanda del procuraire, la protèsta sus Twitter es tornarmai massissa.
Lo jutjament contra l’escrivan, de 65 ans d’edat, es fòrça polemic perque met en question la libertat d’expression dins l’estat italian.
Segon la cort, De Luca faguèt d’“incitacion a la violéncia” en disent que compreniá los actes de sabotatge contra lo tunèl entamenat dins la Val de Susa, que la majoritat de sos estatjants s’i opausan. Lo meteis tribunal ditz que la notorietat de l’escrivan fa que sos prepauses se considèren “determinants” per la comission d’actes de sabotatge contra la linha.
Al moment que l’escrivan faguèt aquelas declaracions, i aviá dins la Val de Susa 200 militars italians per protegir las installacions del tunèl.
La paraula contrària
De Luca a publicat un libre entitolat La parola contraria (La paraula contrària) coma responsa al tractament que recep. Dins lo libre, l’escrivan fa una allegacion en defensa de la libertat d’expression e dels ligams qu’a la cultura amb las luchas socialas.
Dins sos 65 ans, De Luca es un simbòl de la campanha italiana contra lo TGV. La construccion d’aquela linha, començada dins los ans 1990, ten los abitants de la Val de Susa en pè de guèrra a causa de l’enòrme impacte sus l’environament e dels risques per la santat derivats de la perforacion d’aquelas montanhas, qu’an de nauts nivèls d’amiant.
La campanha de sosten a De Luca se difond suls rets socials amb l’etiqueta #iostoconerri.
Solidaritat en Catalonha
En març passat se presentèt a Barcelona la traduccion catalana del libre. Entitolat La paraula contrària, aquela version conten un avantdire de l’èx-deputat de la CUP, David Fernández.
Amb la presentacion del libre, lo sosten a De Luca se manifestèt sus Twitter per una fiulada massissa. Los twitterejaires acompanhèron lors fiuladas amb las etiquetas #iostoconerri (ieu soi amb Erri), #laparaulacontraria (la paraula contrària) e #notav (pas de TGV), e capitèron a portar l’etiqueta #EsticambErri (soi amb Erri) als nivèls de subjèctes de mòda de l’estat espanhòl.
Ara, après conéisser la demanda del procuraire, la protèsta sus Twitter es tornarmai massissa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lei pobladas europencas se socitan gaire de" donar un sens pus pur ai mots de la tribù" per reprene la formula de Paul Eluard qu'assaja de definir la poesia, se foton de la coëréncia e son esquiozofrens que se pòt pas mai, d'un costa vòlon aprofichar de la tecnologia mai modèrna per lei transports -avion, tren, autòs e de l'autre vòlon pas deis infraestructuras que permeton de se desplaçar a son grat e, de preferéncia, lo pus rapidament possible e van fins qu'a recomandar lo sabotatge, a sovetar qu'arribèsse pas quand elei meteis son dins lo tren o l'avion o que passèsson a costat d'un pont que lei terrorristas de l'environament farián sautar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari