Actualitats
La region d’Auvèrnhe aderís a l’Ofici Public de la Lenga Occitana
En mai d’aquò lo president de la region de Provença a fach saber tanben son interès per jónher l’organisme
La region d’Auvèrnhe a votat per aderir a l’Ofici Public de la Lenga Occitana (ÒPLO). Segon una comunicacion del conselhièr regional d’Aquitània Dàvid Grosclaude, recebuda a la redaccion de Jornalet, lo conselh regional d’Auvèrnhe votèt ièr de matin a l’unanimitat lo principi de demandar son adesion a l’ÒPLO.
“Que pròva que las regions qu’an en comun la lenga nòsta se pòden tornar trobar en un organisme public comun entà promòver ua politica de desvolopament de l’occitan”, çò ditz Grosclaude, que precisa que “l’Ofici Public pòt estar dens quauques mes lo primèr organisme public comun a tots los occitans en avent per objectiu la promocion d’ua politica publica en favor de la lenga occitana”.
Maitot, dins son comunicat, lo conselhièr gascon explica que “lo president de la region de Provença a hèit saber tanben lo son interès per l’ÒPLO”, pet tant conclutz “que l’ÒPLO pòt estar un instrument au servici de totas e de tots los qui vòlen promòver la lenga”.
L’Ofici Public de la Lenga Occitana es un organisme public que sa tòca es de definir una politica publica en favor de l’occitan. Arunan La Setmana ne publicava un article ont disiá qu’aquel esplech “permetr[iá] de menar una vertadièra politica publica per l’occitan a l’escala de mai d’un territòri”. De fach, La Setmana, que compara l’ÒPLO amb los oficis ja existents al Bascoat e en Bretanha, ditz que la tòca del nòu organisme serà de far trabalhar amassa de collectivitats e d’operators sul terren.
Una cauma de la fam per l’obténer
E mai se la creacion de l’ÒPLO foguèt aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude menèsse a tèrme una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
Se pòt dire que la cauma de la fam de Grosclaude, de mai d’una setmana, faguèt espelir en Occitània, amb de sostens internacionals, un movement de revòlta pacifica e solidària organizat jos l’eslogan “N’i a pro d’èsser mespresats”. L’eslogan faguèt lo torn d’Internet e dels rets socials, sovent amb las fotografias de caras d’occitanistas de divèrsas sensibilitats e d’amics de la causa occitana. Lo 3 de junh, s’organizèt una jornada de mobilizacion, e una compatriòta, Evalina Houlès, decidiguèt de far ela tanben una cauma de la fam.
“Que pròva que las regions qu’an en comun la lenga nòsta se pòden tornar trobar en un organisme public comun entà promòver ua politica de desvolopament de l’occitan”, çò ditz Grosclaude, que precisa que “l’Ofici Public pòt estar dens quauques mes lo primèr organisme public comun a tots los occitans en avent per objectiu la promocion d’ua politica publica en favor de la lenga occitana”.
Maitot, dins son comunicat, lo conselhièr gascon explica que “lo president de la region de Provença a hèit saber tanben lo son interès per l’ÒPLO”, pet tant conclutz “que l’ÒPLO pòt estar un instrument au servici de totas e de tots los qui vòlen promòver la lenga”.
L’Ofici Public de la Lenga Occitana es un organisme public que sa tòca es de definir una politica publica en favor de l’occitan. Arunan La Setmana ne publicava un article ont disiá qu’aquel esplech “permetr[iá] de menar una vertadièra politica publica per l’occitan a l’escala de mai d’un territòri”. De fach, La Setmana, que compara l’ÒPLO amb los oficis ja existents al Bascoat e en Bretanha, ditz que la tòca del nòu organisme serà de far trabalhar amassa de collectivitats e d’operators sul terren.
Una cauma de la fam per l’obténer
E mai se la creacion de l’ÒPLO foguèt aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude menèsse a tèrme una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
Se pòt dire que la cauma de la fam de Grosclaude, de mai d’una setmana, faguèt espelir en Occitània, amb de sostens internacionals, un movement de revòlta pacifica e solidària organizat jos l’eslogan “N’i a pro d’èsser mespresats”. L’eslogan faguèt lo torn d’Internet e dels rets socials, sovent amb las fotografias de caras d’occitanistas de divèrsas sensibilitats e d’amics de la causa occitana. Lo 3 de junh, s’organizèt una jornada de mobilizacion, e una compatriòta, Evalina Houlès, decidiguèt de far ela tanben una cauma de la fam.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La luita ha donat son fruit. Visca Grosclaude ! Visca la lenga d'Oc !
Des charras mai finalament sabem pas ges que faran dins aquel ofici...S'es coma a l'Ostal d'Occitània ont podèm trapar de mond que parlan pas la lenga e an una visibilitat fòrça...limitada als "occitanistas".
i a ja una "assembla", un "congrés", qué mai? Pertant avança pas la lenga...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari