Atal, tre divendres 3, la jornada medievala al castèl de Tèrmes se clava pel son e lum del grop Òc sus la Crosada.

 

Dissabte 4, La Grassa aculhís dins son abadiá un rendètz-vos del festenal Los trobadors cantan l’art roman e fa ausir voses de Galicia amb lo grop Leilia. 

 

Dimenge 5, a la capèla de Nòstra-Dòna de la Consolacion du Bartàs clava lo festenal de musica dedicat al Carles Cròs a Fabresan.

 

Dimars 7 e dimècres 8, Camplong d’Aude organiza sas annadièras jornadas occitanas amb lo dimars 7 un programa eclectic: contes (Alan Roch, a 14h), balèti (Castanha e Vinovèl a 16h), tasta de vins en musica amb la fanfara dels Golamàs (18h), la taulejada (se marcar alprèp de la Comuna: +33 (0)4 68 43 60 72 mairie-camplong@orange.fr e l’espectacle Òc-Catars-la Crosada-1209  en serada (22 h).

 

Lo dimècres 8, l’Art à tatouille balharà un concèrt. D’aqueste dimècres 8 al dimenge 12, lo canton de Durban reçaup la manifestacion Le Vin se Livre que mescla, de comuna en comuna, descobèrta dels vins, mercats de produits e mòstra de libres, lecturas e musicas.

 

Atal, Carivari’Òc farà dançar lo dijòus 9 a Durban e Musica d’aicí, musica d’ailà a Tesan lo dimenge 12.

 

De retorn de l’Estivada, Mans de Breish e sos musicaires del Butus occitanus se produsiràn a l’Ostal Gibèrt de Lesinhan, lo dijòus 9 d’agiost en serada.

 

Lo dimars 14, auretz la causida entre un concèrt de la Mal-cofada al castèl de la Sabina a Sant-Laurenç de la Cabrarissa o un novèl recital de L’Art à tatouille aqueste còp a Montseret.

 

Lo divendres 17, Sant Andrieu de Ròcalonga dobrirà sas jornadas Vin, occitan e rugbí amb l’espectacle de Claudi Alranq: Rugby-Club Village.

 

Vesètz que se passan causas plan interessantas en Corbièras! Mas pas pro encara que cavas organizan de manifestacions artisticas per promòure lo vin del país e es de notar que se totes los genres musicals de la planeta an lor plaça dins aquelas programacion, ne manca una (anciana o modèrna): l’occitana. Plan domatge! L’an que ven benlèu…

 

 

 

 

Mirelha Braç