Actualitats
La Val d’Aran aculhirà la sortida d’una estapa del Torn de França en 2016
Aquò es lo resultat de doas reünions que lo govèrn d’Aran a tengut amb l’organizacion de l’eveniment ciclista
Lo 10 de julhet de 2016, una estapa del Torn de França començarà en la Val d’Aran. Aquò es lo resultat de doas reünions que lo govèrn d’Aran a tengut aqueste mes de setembre amb l’organizacion del Torn de França, un dels eveniments màgers del ciclisme que cada an travèrsa tanben Occitània.
Lo director del Torn, Christian Prudhomme, avalorèt plan positivament l’experiéncia de 2006, quand una estapa de l’eveniment esportiu s’acabèt al Plan de Beret, al cap de la Val d’Aran, e pr’amor d’aquò lo país de Garona aculhirà la sortida de l’estapa Aran-Andòrra.
L’eveniment serà cofinançat pel Conselh General d’Aran, per las comunas de Naut Aran e de Vielha e Mijaran e per la Generalitat de Catalonha. “Eth Conselh Generau d’Aran escomet, damb es autes administracions implicades, en aguest inici d’estapa coma ua grana oportunitat entà mostrar era capacitat d’acuelhuda en infrastructures toristiques qu’a Aran e tanben entà mostrar es valors païsatgistics que configuren era natura e es pòbles aranesi”, çò a declarat lo sindic d’Aran Carlos Barrera.
Lo director del Torn, Christian Prudhomme, avalorèt plan positivament l’experiéncia de 2006, quand una estapa de l’eveniment esportiu s’acabèt al Plan de Beret, al cap de la Val d’Aran, e pr’amor d’aquò lo país de Garona aculhirà la sortida de l’estapa Aran-Andòrra.
L’eveniment serà cofinançat pel Conselh General d’Aran, per las comunas de Naut Aran e de Vielha e Mijaran e per la Generalitat de Catalonha. “Eth Conselh Generau d’Aran escomet, damb es autes administracions implicades, en aguest inici d’estapa coma ua grana oportunitat entà mostrar era capacitat d’acuelhuda en infrastructures toristiques qu’a Aran e tanben entà mostrar es valors païsatgistics que configuren era natura e es pòbles aranesi”, çò a declarat lo sindic d’Aran Carlos Barrera.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una escasença per l'occitan. Cal esperar que la lenga i siá plan presenta e vesedoira.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari