Actualitats
Stephen Hawking: “L’umanitat deu quitar la planeta se vòl subreviure”
“La subrevivéncia de la nòstra espècia dependrà de sa capacitat de trobar de luòcs nòus ont demorar”
Amb aquestes mots lo scientific Stephen Hawking (nascut en Oxford en 1942 e que patís una malautiá degenerativa) a volgut dire clar que lo futur de l’umanitat comença a èsser un pauc fosc. Las sieunas declaracions se son reculhidas en una entrevista qu’a concedit al jornal espanhòl El País. Aquestas e d’autras afirmacions pas gaire positivas s’incluson dins una teoria qu’establís que l’òme deu conquistar l’espaci se vòl subreviure coma espècia demest d’autras idèas.
Aital, malgrat que defenda que l’umanitat deu partir ja de la planeta se vòl subreviure coma espècia, tanben confirma que, uèi, un rescontre entre d’umans e d’èssers d’autras galaxias poiriá significar la roïna de l’espècia umana pr’amor que se passariá exactament çò meteis que quand los espanhòls arribèron en America e trobèron los indigènas americans: eles non aguèron pas un futur gaire bon, coma l’istòria o a demostrat. Çò melhor, çò ditz Hawking, es de contunhar de trabalhar subre cossí podèm sortir d’aquesta planeta mas sens anar pas tròp luènh.
Per Hawking, que ja aviá dich fa d’ans qu’èra melhor de trobar pas encara cap de civilizacion en defòra la Tèrra, la sortida de l’òme de la nòstra planeta originària convertiriá la nòstra umanitat en una espècia nomada e aquò fariá que los umans viatgèsson totjorn per l’espaci a la recèrca d’autras planetas amb vida e que, tanben, las lor calguèsse conquistar. Mas justament per aquò cal pensar que d’autras civilizacions tanben serián en la meteissa posicion —çò ditz lo scientific— e per aquò caldriá evitar de las rescontrar pr’amor que lors civilizacions poirián èsser plan mai avançadas que la nòstra.
Un futur pas gaire bon
Al delà d’aquela observacion, Stephen Hawking tanben es estat valent a l’ora de devinar qual es lo futur de l’espècia umana sus la Tèrra.
L’intelligencia artificiala, çò confirmèt Hawking a El País, arribarà a un ponch que serà superiora a la dels umans e, arribats aquí, caldrà que las tòcas dels ordenadors sián identicas a las dels umans. E aquò arribarà dins mens de cent ans.
La subrevivéncia de la nòstra espècia —çò manten Hawkings— dependrà de sa capacitat de trobar de luòcs nòus ont demorar. Lo risc d’aver un cataclisme sus la Tèrra es de mai en mai grand. Pr’amor d’aquò cal que l’umanitat s’interèsse de mai en mai als viatges espacials. Solament aital poirem trobar una solucion per la subrevivéncia de l’espècia umana. Encara i a plan de causas a far.
“Es important que totes ajan de bonas coneissenças sus la sciéncia e la tecnologia”, çò diguèt Hawkins al jornal El País. “Aquelas matèrias càmbian totalament lo Mond e nos cal èsser prèstes per poder prene las decisions corrèctas. Sens coneissença son d’autres que prenon las decisions e soi pas segur qu’aqueste camin siá lo corrècte per l’umanitat. Cal pas precisar fòrça mas pensi que totes devèm aver una idèa generala sus cossí fonciona l’Univèrs e qual es lo nòstre luòc dedins. L’informacion es vitala”.
Christian Andreu
Aital, malgrat que defenda que l’umanitat deu partir ja de la planeta se vòl subreviure coma espècia, tanben confirma que, uèi, un rescontre entre d’umans e d’èssers d’autras galaxias poiriá significar la roïna de l’espècia umana pr’amor que se passariá exactament çò meteis que quand los espanhòls arribèron en America e trobèron los indigènas americans: eles non aguèron pas un futur gaire bon, coma l’istòria o a demostrat. Çò melhor, çò ditz Hawking, es de contunhar de trabalhar subre cossí podèm sortir d’aquesta planeta mas sens anar pas tròp luènh.
Per Hawking, que ja aviá dich fa d’ans qu’èra melhor de trobar pas encara cap de civilizacion en defòra la Tèrra, la sortida de l’òme de la nòstra planeta originària convertiriá la nòstra umanitat en una espècia nomada e aquò fariá que los umans viatgèsson totjorn per l’espaci a la recèrca d’autras planetas amb vida e que, tanben, las lor calguèsse conquistar. Mas justament per aquò cal pensar que d’autras civilizacions tanben serián en la meteissa posicion —çò ditz lo scientific— e per aquò caldriá evitar de las rescontrar pr’amor que lors civilizacions poirián èsser plan mai avançadas que la nòstra.
Un futur pas gaire bon
Al delà d’aquela observacion, Stephen Hawking tanben es estat valent a l’ora de devinar qual es lo futur de l’espècia umana sus la Tèrra.
L’intelligencia artificiala, çò confirmèt Hawking a El País, arribarà a un ponch que serà superiora a la dels umans e, arribats aquí, caldrà que las tòcas dels ordenadors sián identicas a las dels umans. E aquò arribarà dins mens de cent ans.
La subrevivéncia de la nòstra espècia —çò manten Hawkings— dependrà de sa capacitat de trobar de luòcs nòus ont demorar. Lo risc d’aver un cataclisme sus la Tèrra es de mai en mai grand. Pr’amor d’aquò cal que l’umanitat s’interèsse de mai en mai als viatges espacials. Solament aital poirem trobar una solucion per la subrevivéncia de l’espècia umana. Encara i a plan de causas a far.
“Es important que totes ajan de bonas coneissenças sus la sciéncia e la tecnologia”, çò diguèt Hawkins al jornal El País. “Aquelas matèrias càmbian totalament lo Mond e nos cal èsser prèstes per poder prene las decisions corrèctas. Sens coneissença son d’autres que prenon las decisions e soi pas segur qu’aqueste camin siá lo corrècte per l’umanitat. Cal pas precisar fòrça mas pensi que totes devèm aver una idèa generala sus cossí fonciona l’Univèrs e qual es lo nòstre luòc dedins. L’informacion es vitala”.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste invalit dins sa cadiera de raudas, vede la vida molt negra. E de totas manieras dis causes que sorprenon un pauc, que se hi ha ET, es milhor haver pas contacte amb eles perquè podriem sortir nafrats. Francament cresi que son molt mai civilizats que la cia e lo pentagona, que nomai volen conquistar l'espai per posar armas e fotre als que s'oposen a sa conquesta de la terra. E creire que poden sortir a altres planetas sense primier posar-se d'acord amb eles ,cresi que voldran pas, ja que coneisson als barbars umans, e que los cal tenir controlats perquè destruican pas sa terra a base de guerras nuclears.
Ara qu'avèm mes de pollucion un pauc de'n pertot, fa esperar qu'anam plus ne'n metre autra part.
Defòra Hawwking.
La sciença officiala es moribonda. Laissattz la plaça aus scientifics contestataires.
La sciença es responsable si deman lo futur es negre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari