Actualitats
Araneses e catalans vòtan uèi en un plebiscit sus l’independéncia
S’elegís un parlament regional que, se se complís los sondatges, proclamarà l’independéncia de Catalonha e Aran
Mai de sièis mila nòu cents araneses e aperaquí cinc milions e mièg de catalans son cridats uèi a votar dins una eleccion fòrça especiala al Parlament de Catalonha: un plebiscit sus l’independéncia del país. Es lo sol biais legal que s’es trobat per far lo referendum independentista que l’estat espanhòl permet pas.
Après una campanha internacionalizada e caracterizada pel jòc brut, los araneses e los catalans elegisson uèi un nòu parlament que, se se complisson las previsions dels sondatges, proclamarà l’independéncia del país.
Dos blòcs: òc o non
Lo plebiscit en forma d’eleccions a obligat totes los partits de se definir sus la creacion d’un estat independent catalan. Lo blòc de l’“òc” es configurat per la coalicion nomenada “Amassa per l’Òc” —amb CDC, ÈRC, Democratas, Movement d’Esquèrra e Avancem, que compta amb lo sosten de l’Assemblada Nacionala Catalana (ANC) e d’Òmnium Cultural— e per la candidatura de la CUP-Crida Constituenta. Dins lo blòc del “non” i a las listas del PSC, del PP e de Ciutadans. Amb una posicion indefinida e amb d’elements dels dos blòcs i a Union Democratica e la coalicion nomenada “Catalonha Si que se Pòt” (qu’amassa Podemos, Equo e ICV-EUIA).
Seguiment en occitan
Totas las informacions d’aquelas eleccions se pòdon seguir dins lo sit web Parlament2015.cat que lo govèrn de Catalonha a mes en linha, tanben en occitan. Aquel sit ofrirà tanben las primièras donadas de participacion e los primièrs resultats de l’escrutini.
Tanben podètz seguir lo compte Twitter de @Jornalet qu’avançarà las informacions que nos arribaràn.
Après una campanha internacionalizada e caracterizada pel jòc brut, los araneses e los catalans elegisson uèi un nòu parlament que, se se complisson las previsions dels sondatges, proclamarà l’independéncia del país.
Dos blòcs: òc o non
Lo plebiscit en forma d’eleccions a obligat totes los partits de se definir sus la creacion d’un estat independent catalan. Lo blòc de l’“òc” es configurat per la coalicion nomenada “Amassa per l’Òc” —amb CDC, ÈRC, Democratas, Movement d’Esquèrra e Avancem, que compta amb lo sosten de l’Assemblada Nacionala Catalana (ANC) e d’Òmnium Cultural— e per la candidatura de la CUP-Crida Constituenta. Dins lo blòc del “non” i a las listas del PSC, del PP e de Ciutadans. Amb una posicion indefinida e amb d’elements dels dos blòcs i a Union Democratica e la coalicion nomenada “Catalonha Si que se Pòt” (qu’amassa Podemos, Equo e ICV-EUIA).
Seguiment en occitan
Totas las informacions d’aquelas eleccions se pòdon seguir dins lo sit web Parlament2015.cat que lo govèrn de Catalonha a mes en linha, tanben en occitan. Aquel sit ofrirà tanben las primièras donadas de participacion e los primièrs resultats de l’escrutini.
Tanben podètz seguir lo compte Twitter de @Jornalet qu’avançarà las informacions que nos arribaràn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un bèl resultat. Ara la democracia a parlat, e tornamai despuèi 5 ans!
Mercés catalans e occitans d'Aran!
#1 bisca la fe publica rancesa!
#1 "uiue la republiqueu franssèzeu"
Bogre de patejant!
Òsca e endavans Occitans d'Aran e Catalans dau Principat!
Visca era republica Françaisa !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari