Lo govèrn francés a validat la realizacion de las linhas de granda velocitat (LGV) entre Bordèu e Tolosa e entre Bordèu e Dacs, dins l’encastre d’un grand projècte ferroviari de Gasconha (GPSO segon sa sigla e lo vejaire geografic en francés). Amb aquò Tolosa seriá a 3h10 de París, çò es exactament lo meteis temps que pren lo TGV entre Tolosa e Barcelona, mas cal prene en compte que la Ciutat Mondina es a 700 quilomètres de París e a mens de 400 quilomètres de Barcelona.
 
Lo projècte se menarà a tèrme malgrat un avís negatiu de la comission d’enquèsta publica, qu’estima que i a de mancanças environamentalas e un impacte negatiu sus las zònas ruralas e las vilas mejanas.
 
Lo còst estimat de l’òbra es de 8,3 miliards d’èuros e sa mesa en servici se prevei en 2024 per Bordèu-Tolosa e en 2017 per Bordèu-Dacs, segon çò que rapòrta Le Figaro.
 
Los elegits an reagit de manièra desparièra sus Twitter. D’un costat se’n felicitan Alain Juppé, primièr cònsol de Bordèu, e Alain Rousset, president del conselh regional d’Aquitània. De l’autre costat, l’eurodeputat ecologista José Bové planh que lo projècte se faga malgrat una enquèsta publica desfavorabla. Segon lo conselhièr regional occitanista, Dàvid Grosclaude es “ua error economica, ecologica e ua vision centralista deu amenatjament deu territòri”.
 

 

Bonne nouvelle pour l'#Aquitaine : poursuite de la procédure #GPSO#Bordeaux#Dax. Elle sera ensuite soumise au Conseil d'Etat #LGV

— Alain Rousset (@al_rousset) September 26, 2015

 

La LGV ira à Toulouse et à Dax vers l'Espagne. Bonne nouvelle pour Bordeaux et l'Aquitaine. Le gouvernement a entendu nos collectivités.

— Alain Juppé (@alainjuppe) September 26, 2015

 

#LGV Bordeaux Toulouse : enquête publique défavorable, avis négatif de la cour des comptes mais accord du gouvernement. On marche à l'envers

— José Bové (@josebove) September 26, 2015