Actualitats
Catalonha: la justícia espanhòla met en causa Artur Mas e l’acusa de desobesissença grèva
Lo president de la Generalitat, la vicepresidenta e la conselhièra de l’educacion son convocats en justícia per aver organizat la consultacion del 9 de novembre de 2014
La justícia a convocat lo president de Catalonha, Artur Mas, e l’a acusat de desobesissença grèva, prevaricacion, malversacion de fonzes publics e usurpacion de foncions dins l’organizacion del procès participatiu del 9 de novembre de 2014. Aqueste darrièr foguèt una mobilizacion istorica en Catalonha e Aran, que consitiguèt en una consultacion sus l’independéncia de Catalonha, e mai s’èra enebida per l’estat espanhòl. La justícia espanhòla tanplan a convocat la vicepresidenta Joana Ortega e la conselhièra de l’educacion Irene Rigau. La consultacion se tenguèt dins d’escòlas publicas e foguèt organizada per l’executiu amb l’adjuda de benevòls e de las associacions independentistas. Riscan de penas d’inabilitacion e quitament la preson.
Lo jorn del 75n anniversari de l’execucion de Companys
Lo president catalan es convocat lo 15 d’octòbre, jorn que se remembrarà lo 75n anniversari de l’execucion de Lluís Companys, lo darrièr president de la Generalitat de Catalonha abans la dictadura de Franco. Rigau e Ortega son convocadas dos jorns abans. Lo procuraire tanplan a cridat divèrses testimònis.
An esperat d’o far après las eleccions
Lo ministre espanhòl de la justícia, Rafael Catalá, a reconegut que la convocacion s’èra pas producha abans per influir pas sus lo resultat de las eleccions del 27 de setembre passat. Mas ara que l’eleccion s’es passada, es “logic e rasonable” que la justícia contunhe sas cambadas.
Solidaritat amb lo president e acceleracion del procès d’independéncia
Convergéncia Democratica de Catalonha (CDC) considèra que de “far declarar lo president Mas lo jorn de l’execucion de Lluís Companys es una provocacion”, e qu’aquò tòca “la dignitat de tota Catalonha”. De lor costat, los sòcis d’Esquèrra Republicana de Catalonha (ÈRC) pensan qu’es ora d’accelerar l’independéncia e de “metre en marcha lo procès amb una session parlamentària que mòstre al Mond que lo camin vèrs l’independéncia es començat”. ÈRC tanben considèra que la coïncidéncia de la declaracion en justícia amb lo 75n anniversari del fusilhament de Lluís Companys “es mostrós”.
La CUP a mostrat tota sa solidaritat amb lo president e a soslinhat qu’aquela “desobesissença” per la quala seràn enseguits Mas, Rigau e Ortega es una via que la cal seguir a partir d’ara. L’èx-deputat de la CUP David Fernández s’es mostrat “incontestablament quilhat” amb sa “solidaritat entièra fàcia a un estat neurotic, demofobic, autoritari e inquisitorial”.
Las associacions independentistas ANC e Òmnium Cultural an mostrat lor “sosten absolut” a Artur Mas, Joana Ortega e Irene Rigau e an avertit qu’aquela imputacion “demorarà pas sens responsa”. Per tant, son a perpensar una accion populara per mostrar lo refús d’aquel “gèst” de l’estat espanhòl. Acusan l’estat espanhòl d’èsser contra “una decision politica centrala per que lo mond s’exprimiscan”.
L’esquèrra o planh del temps que la drecha o celèbra
De representants de Catalonha Si que se Pòt, indefinits dins l’afar independentista, considèran qu’es una “absurditat de l’estat”.
Del costat dels partits espanholistas, los socialistas del PSC asseguran que l’imputacion “es una error” e qu’“ajuda pas brica al dialòg”. Per contra, Ciutadans e lo Partit Popular celèbran l’acusacion e dison que “l’estat de drech se deu aplicar a totes”, del temps que soslinhan qu’un òme mes en causa per la justícia pot pas èsser president.
Cal remarcar la declaracion de l’èx-pòrtavotz del govèrn del Partit Popular, Miguel Ángel Rodríguez, qu’a dich sus son Twitter qu’Artur Mas “serà aürós pr’amor qu’aurà quicòm de semblable a una fusilhada”.
Lo jorn del 75n anniversari de l’execucion de Companys
Lo president catalan es convocat lo 15 d’octòbre, jorn que se remembrarà lo 75n anniversari de l’execucion de Lluís Companys, lo darrièr president de la Generalitat de Catalonha abans la dictadura de Franco. Rigau e Ortega son convocadas dos jorns abans. Lo procuraire tanplan a cridat divèrses testimònis.
An esperat d’o far après las eleccions
Lo ministre espanhòl de la justícia, Rafael Catalá, a reconegut que la convocacion s’èra pas producha abans per influir pas sus lo resultat de las eleccions del 27 de setembre passat. Mas ara que l’eleccion s’es passada, es “logic e rasonable” que la justícia contunhe sas cambadas.
Solidaritat amb lo president e acceleracion del procès d’independéncia
Convergéncia Democratica de Catalonha (CDC) considèra que de “far declarar lo president Mas lo jorn de l’execucion de Lluís Companys es una provocacion”, e qu’aquò tòca “la dignitat de tota Catalonha”. De lor costat, los sòcis d’Esquèrra Republicana de Catalonha (ÈRC) pensan qu’es ora d’accelerar l’independéncia e de “metre en marcha lo procès amb una session parlamentària que mòstre al Mond que lo camin vèrs l’independéncia es començat”. ÈRC tanben considèra que la coïncidéncia de la declaracion en justícia amb lo 75n anniversari del fusilhament de Lluís Companys “es mostrós”.
La CUP a mostrat tota sa solidaritat amb lo president e a soslinhat qu’aquela “desobesissença” per la quala seràn enseguits Mas, Rigau e Ortega es una via que la cal seguir a partir d’ara. L’èx-deputat de la CUP David Fernández s’es mostrat “incontestablament quilhat” amb sa “solidaritat entièra fàcia a un estat neurotic, demofobic, autoritari e inquisitorial”.
Las associacions independentistas ANC e Òmnium Cultural an mostrat lor “sosten absolut” a Artur Mas, Joana Ortega e Irene Rigau e an avertit qu’aquela imputacion “demorarà pas sens responsa”. Per tant, son a perpensar una accion populara per mostrar lo refús d’aquel “gèst” de l’estat espanhòl. Acusan l’estat espanhòl d’èsser contra “una decision politica centrala per que lo mond s’exprimiscan”.
L’esquèrra o planh del temps que la drecha o celèbra
De representants de Catalonha Si que se Pòt, indefinits dins l’afar independentista, considèran qu’es una “absurditat de l’estat”.
Del costat dels partits espanholistas, los socialistas del PSC asseguran que l’imputacion “es una error” e qu’“ajuda pas brica al dialòg”. Per contra, Ciutadans e lo Partit Popular celèbran l’acusacion e dison que “l’estat de drech se deu aplicar a totes”, del temps que soslinhan qu’un òme mes en causa per la justícia pot pas èsser president.
Cal remarcar la declaracion de l’èx-pòrtavotz del govèrn del Partit Popular, Miguel Ángel Rodríguez, qu’a dich sus son Twitter qu’Artur Mas “serà aürós pr’amor qu’aurà quicòm de semblable a una fusilhada”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es que francament aquesta volta han tengut molt de coratge. Lo que vol lo pp es que tenguin paur, mas aquesta volta van a tota màquina ! Precisament Artur s'havia posat al quart loc, per evitar aquestes esglasis.
Espantant, Espanha es lo país que la democracia es illegala!
Tecnica Pinochet ; quora non ès pas d'accòrid amb ieu, aquò's illegal ! Made in C.I.A. ?
Sabi pas quina serà la responsa d'Artús Mas e sos companhs a n'aquesta convocacion de la justícia espanhòla, mas aprèp las eleccions de dimenge passat, me sembla qu'a pas a i respondre. Aquò pròva que i a urgéncia que lo Parlament nòu de Catalonha se recampe per votar una Constitucion e declarar l'independéncia del país. Puèi, de seguida, metre en òbra un sistèma judiciari catalan. Cresi que lo trabalh es ja avançat dins mantunes domènis. Ai pas de conselh a balhar als Catalans, mas me sembla que i pas de temps de pèrdre. Mai trigossarán e mai balharán presa als ennemics de Catalonha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari