Actualitats
Lo pòble occitan se reconeis occitan
Aital o mòstra un sondatge de cinc jornals sul nom de la futura nòva region del centre-sud d’Occitània
Lo procès de reorganizacion territoriala de l’estat francés, amb la creacion d’una nòva division regionala, a generat plusors debats, dont un dels mai importants es lor nom. Un còp de mai França crèa de regions que s’adaptan pas a cap de realitat culturala ni logica istorica, e donc, lor trobar un nom es un afar complicat. Aquel debat es de mai en mai viu al centre-sud d’Occitània, amb la fusion de las regions de Lengadòc-Rosselhon e de Miègjorn-Pirenèus.
Al delà d’un collòqui que se debanèt a Tolosa en abril passat, los principals jornals locals an fach un sondatge per Internet entre lo 7 e lo 28 de setembre, çò rapòrta BFMTV. Los sits de L’Indépendant, Centre Presse Aveyron, La Dépêche du Midi, Midi Libre et La Nouvelle République des Pyrénées an prepausat als legeires 13 noms, dont lo mond an causit majoritàriament “Occitània” amb lo 23% dels aperaquí 200 000 vòtes. En segonda posicion se tròba “Occitània-País Catalan” amb lo 20% dels vòtes, e seguisson las opcions “Lengadòc” amb lo 8% e Miègjorn-Lengadòc amb lo 7%.
E Catalonha?
Cal soslinhar que l’opcion “Occitània-País Catalan” es arribada a la primièra plaça pels legeires de L’Indépendant e de La Nouvelle République, qu’aqueles dos jornals an mobilizat los vòtes de Catalonha Nòrd. Los autres tres jornals, Centre Presse, Midi-Libre e La Dépêche du Midi, distribuits mai que mai en Lengadòc, an “Occitània” coma opcion ganhanta.
Division dins l’occitanisme
L’occitanisme es devesit per rapòrt a aquel nom. D’un costat, i a un sector que crei qu’es fòrça important de plaçar lo nom d’Occitània dins las mapas politicas oficialas, çò qu’ajudariá a una cèrta recuperacion nacionala. De l’autre, i a un sector que se planh que se mesprèse tota la partida d’Occitània qu’es enfòra dels limits d’aquela region: çò es Agenés, los Alps de Provença, Auvèrnhe, Borbonés, lo Comtat de Niça, lo Dalfinat, la mitat de Gasconha, Lemosin, Mónegue, Peiregòrd, Provença, las Valadas, Velai e Vivarés.
A la Costièra de Nimes se sentisson provençals
Lo departament de Gard compren entretant la Costièra de Nimes: es un país provençal qu’administrativament fa partida de Lengadòc, e doncas, que farà partida d’aquela nòva regionassa. Pasmens, segon d’informacions de France 3 (vidèo çai jos), qualques elegits son a militar per rejónher la region de Provença.
Editorial de 8 de junh de 2014: La nòva e pervèrsa division regionala.
Al delà d’un collòqui que se debanèt a Tolosa en abril passat, los principals jornals locals an fach un sondatge per Internet entre lo 7 e lo 28 de setembre, çò rapòrta BFMTV. Los sits de L’Indépendant, Centre Presse Aveyron, La Dépêche du Midi, Midi Libre et La Nouvelle République des Pyrénées an prepausat als legeires 13 noms, dont lo mond an causit majoritàriament “Occitània” amb lo 23% dels aperaquí 200 000 vòtes. En segonda posicion se tròba “Occitània-País Catalan” amb lo 20% dels vòtes, e seguisson las opcions “Lengadòc” amb lo 8% e Miègjorn-Lengadòc amb lo 7%.
E Catalonha?
Cal soslinhar que l’opcion “Occitània-País Catalan” es arribada a la primièra plaça pels legeires de L’Indépendant e de La Nouvelle République, qu’aqueles dos jornals an mobilizat los vòtes de Catalonha Nòrd. Los autres tres jornals, Centre Presse, Midi-Libre e La Dépêche du Midi, distribuits mai que mai en Lengadòc, an “Occitània” coma opcion ganhanta.
Division dins l’occitanisme
L’occitanisme es devesit per rapòrt a aquel nom. D’un costat, i a un sector que crei qu’es fòrça important de plaçar lo nom d’Occitània dins las mapas politicas oficialas, çò qu’ajudariá a una cèrta recuperacion nacionala. De l’autre, i a un sector que se planh que se mesprèse tota la partida d’Occitània qu’es enfòra dels limits d’aquela region: çò es Agenés, los Alps de Provença, Auvèrnhe, Borbonés, lo Comtat de Niça, lo Dalfinat, la mitat de Gasconha, Lemosin, Mónegue, Peiregòrd, Provença, las Valadas, Velai e Vivarés.
A la Costièra de Nimes se sentisson provençals
Lo departament de Gard compren entretant la Costièra de Nimes: es un país provençal qu’administrativament fa partida de Lengadòc, e doncas, que farà partida d’aquela nòva regionassa. Pasmens, segon d’informacions de France 3 (vidèo çai jos), qualques elegits son a militar per rejónher la region de Provença.
Editorial de 8 de junh de 2014: La nòva e pervèrsa division regionala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Occitanie Centrale" fariá OC coma acronim.
Es pas colhon comercialament...
#28 Par ton explicacion d'embé un ostau e 'na sala de minjar... Quò marcha pas, qu'es coma se sonavam tot l'ostau "sala de minjar"... pfff!!! Aquèlu comentarí tèn pas dreit, coma ton ostau... :-(
Quò auriá estat mai aisat se quèla desparticion auriá reünida la mieuna region d'Auvernha 'bei le Lemosin, qu'auriem pogut sonar “Nòrd d'Occitània” v-o “Occitània de bisa”, auriá belheu simplificat nòstras besunhas... Mas los poderós z-an chauvits 'na jumelada 'bei Ròse-Arpes en luòc d'aquèla mai logica d'embé nos frairs dau Lemosin que partajam mai d'una particularitat en mai d'aquèla lingüistica!
i si li poseu ''OCCITÀNIA CENTRAL''
I compreni pas res a n'aquela contèsta . D'un jamai auriai cregut qu'una majoritat sortiguèsse per causir lo nom Occitania encara mens amb pais catalan . Que totes los saberuts donavan "Sud de France" favorit çò qu'esplica la causida de Delga e autres tocamanetas . D'unes semblan d'oblidar que jamai foguèt pas question de demandar als occitans, d'onte que vengon, de batejar son pais.
Doncas nos trobem que dins LO SOL airal ont la question es pausada , un brava molon de ciutadans que mantunes disiàn nècis, amnesics, causisson Occitania . ES UNA SUSPRESA DIVENCA. Degun auria pas jogat un sòu aqui dessus. Donc sèm en facia d'un miracle! Que dona un vam nobèl per totes los occitanistas vertadièrs que sian de Pau de Marselha , de Limotges o Clarmont, o Viseò o Aran . Viscan los occitans!
E la seguida es naturalament : que la question sia pausada dins Occitania tota e que lo mond repongan çò meteis . Pel moment es un eveniment que totes los embolhs e los rasonaments d'aquela discutida , nos poirian far oblidar. Cal plan a un moment s'acontentar de çò qu'avèm e que nos arriba directament del pòble , oblidem pas?
De segur a ieu m'agradariài " Occitania centrala". Mas cresi que lo PS , per pas dire lo Pas(oc) francimand nos van enganar , coma nos enganarà l'UDR d'uèi, deman e a l'ora de nòstra mòrt .
Doncas caldrà pausar la question als gascons , als provencals , als limosins , als auvernhats , es aqui lo "challenge" mas cal quitar de reganhar après los maluroses occitanistas de Tolosa o de Montpelhièr qu'an l'astrada de veire espelir una responsa que degun esparava pas pus , e de sortir enfin del desèrt ont vivèm totes .
Nos enganèm pas aquela consulta èra pas qu'una presa de temperatura . La resulta mòstra que sèm pas encara mòrts. Avèm encara un pauc la fèbre!
Pensatz al paure Caseneuve que se deu demandar consi tirar quicòm dels nòstres embrolhs ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari