Dimècres passat, Thierry Le Sommer foguèt menaçat d’expulsion de l’estadi de fotbòl de Glasgow: aquí se jogava una partida entre la seleccion francesa, que la filha de Thierry Le Sommer ne fasiá partida, e la seleccion estatsunidenca. La rason de l’expulsion: Thierry Le Sommer portava un drapèl breton.
Se n’es plan parlat dins l’Estat francés; lo jornal Le Parisienpubliquèt qualques declaracions de Le Sommer qu’explica qu’après quaranta cinc minutas dins l’estadi, un vigil de seguretat lo rapelèt a l’òrdre pr’amor que portava la bandièra bretona.
Segon lo jornal Ouest-France, Bretanha s’es sentida consternada per la situacion del paire d’Eugénie Le Sommer, davantièra de la seleccion femenina de fotbòl. L’òme poguèt veire jogar la siá filha perque acceptèt la repression e mostrèt pas lo drapèl breton.
Ouest-Franceexplica tanben que las solas bandièras permesas als Jòcs Olimpics son las dels estats participants. Ça que la Le Sommer indicava que dins lo meteis estadi, ont la bandièra bretona foguèt enebida, n’i aviá d’escocesas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dignitat passa per la visibilitat dins un contèxte positiu. Mas es pechat de veire qu'es encara dificil de s'afichar publicament sensa empachas se siètz breton (e quitament occitan...).
#2 Lo problèma ven puslèu deis oficiaus dau CIO, pas de França, per lo còp...
Costat Espanha, contravencions costosas per la presentacion publica d'una bandièra catalana o euskala independentista. Costat França, amenaças de faidiment per d'esportius presentant bandièras bretonas (o d'ont qué siá mai)… Lo general Franco pòt dormir tranquille coma Guston quand tornava d'escodre. Amb o sens PP, la relèva es assegurada dels dos penjals dels Pirenèus !
E òc, es la diferença entre un pòble que se bat e que vòl èstre independent e un autre que dobta. Les escosseses forman una nacion reconeguda pel Règne Unit, encara qu’aja pas d’Estat (mès aquò deuriá vénguer). Una bona leiçon pels occitans tanbens : es pas en contunhant de refusar de parlar de nacion occitana que trobarem le respècte per çò qu’èm.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari