Fin finala, Fendic (en breton Ilfentig, en francés Iffendic) es una comuna ont lo galò (lenga d’oïl de la Nauta Bretanha) es mesa a l’onor. Après l’iniciativa originala del conselh municipal d’ofrir a cada novèlnat enregistrat dins la comuna un libre per enfants en galò, lo cònsol Christophe Martins e los conselhièrs municipals an decidit de donar un nom en galò a totas las carrièras del futur lotejament que serà liurat a l’intrada.
 
Lo nòu lotejament serà doncas apelat “Domenn du Metivier” e las siás carrièras: “Ruèll du Chanvr”, “Ruèll de la Pomèll”, “Ruèll de l’Avainn”, “Ru d’la Parbatt” e ”Ruèll du Lin”.
 
Cal remarcar que Christophe Martins es egalament vicepresident del conselh general del departament d’Il-ha-Gwilun (Ille-et-Vilaine).



 
 
 
Aqueste article ven del jornal breton 7Seizh.info, amb qui Jornalet a un acòrdi de cooperacion.