Actualitats
Las violéncias al sit d’Air France an fach lo torn del Mond
La societat, que mandarà 2900 salariats al caumatge, poiriá licenciar encara 5000 emplegats de mai
Las violéncias de diluns passat dels salariats contra los dirigents d’Air France, après anonciar la supression de 2900 emplecs, an fach lo torn del Mond. Ièr de matin los imatges èran a las primièras paginas dels mèdias internacionals. Lo president francés François Hollande qualifiquèt los imatges d’“inacceptables”, que segon el pòdon prejudicar “l’imatge de França”, çò rapòrta Le Monde.
Se passèt diluns 5 d’octòbre al sit d’Air France près de l’aeropòrt parisenc de Roissy. La reünion del comitat central d’entrepresa d’Air France, qu’aviá anonciat la supression de 2900 emplecs, se deguèt suspendre. Mai d’un milièr de salariats, que manifestavan, ocupèron lo sit e batèron qualques dirigents. Lo conselh d’administracion de divendres passat aviá aprovat, alavetz, una reduccion d’emplecs tocant 300 pilòts, 900 navigants e 1700 salariats de personal al sòl dins los dos ans venents, coma consequéncia de la reduccion del 10% de las linhas. Per tant, diluns, los quatre sindicats de l’aerolinha avián convocat una cauma. E ansin protestavan davant lo sit ont los dirigents se reünissián.
La direccion d’Air France a condemnat los faches e fa sa denóncia en justícia per “violéncia agravada”. Segon la companhiá, sèt personas ne resultèron feridas.
Ara lo debat es dobèrt. Los imatges son espantants e la violéncia es condemnabla. Ça que la, enviar 2900 personas al caumatge es, de segur, la vertadièra violéncia d’aquel afar.
E mai 5000 emplecs menaçats
Segon una informacion de Reuters, que cita de fonts sindicalas, Air France metrà en òbra encara 5000 supressions d’emplecs de mai, al delà de las anonciadas diluns, dins “una segonda fasa del plan”. Una pòrtavotz d’Air France a pas volgut far de comentari segon La Provence.
La concurréncia del Golf Persic
Davant la concurréncia creissenta de companhiás de bas còst dins los vòls de corta e mejana distància, e de las aerolinhas del Golf Persic dins los vòls de longa distància, Air France metèt en marcha un plan d’aumentacion de la productivitat que cercava d’obténer per consens amb los sindicats. Mas la setmana passada se trenquèron las negociacions e lo comitat central d’entrepresa acusèt los representants dels pilòts d’intransigents. Coma resultat, l’entrepresa metèt sus la taula un plan alternatiu ont se prevei pel primièr còp de reduccions de personal.
Se passèt diluns 5 d’octòbre al sit d’Air France près de l’aeropòrt parisenc de Roissy. La reünion del comitat central d’entrepresa d’Air France, qu’aviá anonciat la supression de 2900 emplecs, se deguèt suspendre. Mai d’un milièr de salariats, que manifestavan, ocupèron lo sit e batèron qualques dirigents. Lo conselh d’administracion de divendres passat aviá aprovat, alavetz, una reduccion d’emplecs tocant 300 pilòts, 900 navigants e 1700 salariats de personal al sòl dins los dos ans venents, coma consequéncia de la reduccion del 10% de las linhas. Per tant, diluns, los quatre sindicats de l’aerolinha avián convocat una cauma. E ansin protestavan davant lo sit ont los dirigents se reünissián.
La direccion d’Air France a condemnat los faches e fa sa denóncia en justícia per “violéncia agravada”. Segon la companhiá, sèt personas ne resultèron feridas.
Ara lo debat es dobèrt. Los imatges son espantants e la violéncia es condemnabla. Ça que la, enviar 2900 personas al caumatge es, de segur, la vertadièra violéncia d’aquel afar.
E mai 5000 emplecs menaçats
Segon una informacion de Reuters, que cita de fonts sindicalas, Air France metrà en òbra encara 5000 supressions d’emplecs de mai, al delà de las anonciadas diluns, dins “una segonda fasa del plan”. Una pòrtavotz d’Air France a pas volgut far de comentari segon La Provence.
La concurréncia del Golf Persic
Davant la concurréncia creissenta de companhiás de bas còst dins los vòls de corta e mejana distància, e de las aerolinhas del Golf Persic dins los vòls de longa distància, Air France metèt en marcha un plan d’aumentacion de la productivitat que cercava d’obténer per consens amb los sindicats. Mas la setmana passada se trenquèron las negociacions e lo comitat central d’entrepresa acusèt los representants dels pilòts d’intransigents. Coma resultat, l’entrepresa metèt sus la taula un plan alternatiu ont se prevei pel primièr còp de reduccions de personal.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 que'm demandi se n'ètz pas vaduts tots hòus...E pensatz tà de bon que los emplegats d'Air France e son espleitats, com dens las usias d'un còp èra ? Que i auré de qué arrider se n'èra pas tan pèc. Vam, que'vs vau deishar enter vos, a saunejar deu gran chaple, perdon, deu gran ser...
De familha bona o marrida, aquò rai ! Se reconeis un arbre a sas frutas (e aquela, es pas de Marx !!!) S'un amòri te quicha coma un citron quicha lo coma un amòri. Los fotèires de oai an enfin entendut MSS e la fèsta sembla començar… Los esclavagistas non entendon ren mai que lo oaï. Lo oaï, o nos cal fotre totes, los que n'avèm lo sadol d'endurar aquela rasclanha d'espleitaires de carn umana. “ Tout ce que l'on retiendra, c'est que le refrain disait ça : à l'agonie, ils nous mènent à l'agonie". E se cal pas estomacar de constatar que n'i ajan qu'an causit de cambiar de musica.
Quin sabetz, Pirolet, qu'aqueth òmi atau umiliat ei un "enfant de bona familha" ? E quan seré vertat que meritaré d'estar agredit fiscament ? E'vs rendetz compte de las asoladas dangerosas que disetz ? Los mei violents d'extrèma dreta ne harén pas miélher, ailàs !
Aquò fa plaser de veire un DRH, un encargat de preissar los trabalhaires coma de citrons, confrontat a çò que darrièr las chifras i a de vidas umanas. Mas, de lo veire plorinôs al fenestron, segur qu'aquel enfant de bona familha a pas comprés encara.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari