Actualitats
Escòcia: la coneissença del gaelic creis demest los menors d’edat
Los mai joves començan de venir la granda resèrva dels parlants de la lenga
Coma se passa amb l’occitan, lo gaelic en Escòcia es una lenga qu’es a pèrdre de parlants d’un biais ininterromput dempuèi dos sègles. Fins ara, èran los vièlhs que tenián la lenga, mas ara, per contra, la coneissença de la lenga creis demièg los enfants d’entre 3 e 17 ans, segon los resultats del darrièr recensament lingüistic publicat la setmana passada. Aqueles joves començan de venir la granda resèrva dels parlants de la lenga, çò rapòrta Nationalia.
A l’ora d’ara son 57 600 las personas qu’an respondut que sabon parlar la lenga, çò es l’1,1% de la populacion. D’eles, 25 000 emplegan la lenga abitualament en familha. Fa dètz ans aquela chifra èra leugièrament superiora.
L’esperança es doncas dins los mai joves de mens de 18 ans. La proporcion d’escoceses capables de parlar gaelic aumenta, mai que mai dins lo grop dels enfants d’entre 5 e 11 ans, qu’es passat del 0,9% fa dètz ans a l’1,2% actualament.
Al delà d’aqueles 57 600 que declaran saber parlar la lenga, d’autres 29 500 an d’autras coneissenças: la sabon legir o la comprenon oralament.
Per regions, es dins las Illas Ebridas Exteriors que coneissença del gaelic es mai nauta, amb lo 61% dels abitants. Dins los Highlands es parlat per lo 7,4% de la populacion e a Glasgow es lo tresen conselh en nombre de parlants (1,7%).
A l’ora d’ara son 57 600 las personas qu’an respondut que sabon parlar la lenga, çò es l’1,1% de la populacion. D’eles, 25 000 emplegan la lenga abitualament en familha. Fa dètz ans aquela chifra èra leugièrament superiora.
L’esperança es doncas dins los mai joves de mens de 18 ans. La proporcion d’escoceses capables de parlar gaelic aumenta, mai que mai dins lo grop dels enfants d’entre 5 e 11 ans, qu’es passat del 0,9% fa dètz ans a l’1,2% actualament.
Al delà d’aqueles 57 600 que declaran saber parlar la lenga, d’autres 29 500 an d’autras coneissenças: la sabon legir o la comprenon oralament.
Per regions, es dins las Illas Ebridas Exteriors que coneissença del gaelic es mai nauta, amb lo 61% dels abitants. Dins los Highlands es parlat per lo 7,4% de la populacion e a Glasgow es lo tresen conselh en nombre de parlants (1,7%).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Lo gaelic escòcès ei ua lenga officiau en Escòcia. Ne cau pas s'enganar dab lo scots qu'ei ua lenga germanica regionau d'Escòcia, non officiala. Lo gaelic escòcès qu'ei parlat sonque dins ua partida d'Escòcia mes qu'ei un simbòl fòrt.
Lo gaelic, lenga non oficiau en Escòcia, que i ganha locutors, mentre que ne pèrd en Iranda on i ei oficiau e ensenhat a l'escòla de manèira obligatòria. Qu'ei la demostracion que son plan la gent -lo pòble- qui hèn qu'ua lenga e's parle o non, que non l'administracion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari