Actualitats
La Dépêche parla de l’independéncia de Catalonha en un editorial
Lo jornal tolosan ditz que lo govèrn catalan se tròba entre lo dialòg e l’afrontament
Lo jornal tolosan La Dépêche publicava diluns passat un editorial entitolat La fronde catalane.
A prepaus de la situacion sul pache fiscal demandat pel Parlament de Catalonha e refusat per Espanha, l’editorial de La Dépêche ditz que l’opcion independentista es de mai en mai granda, e quitament ne parla coma d’una solucion pel nòstre país vesin e fraire.
Segon lo jornal, distribuit en dètz-e-sèt edicions desparièras per l’Occitània centrala, l’independéncia fiscala, “coma la qu’an los bascos”, es la “sola manièra de sortir de la crisi”.
“Los Catalans abandonan pas e contunhan de luchar ferme per una independéncia que los mai ardents defensors preveson que poiriá intervenir dins lo cors de las legislaturas prèpas”, çò ditz Marie-Louise Roubaud, dins aquel editorial.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per un còp que un dels mèdias francofònes parla onestament de Catalonha, òsca de va joslinhar !
La fòto d'illustracion es un archiu de la correspondéncia sovietica de la Dépêche en 1989 ?
Veiram plan se los catalans auràn mei coratge que non pas los quebequés quan e s'agisca deu referendum vertadèr. Parlar-ne e arresponer òc aus sondatges qu'ei ua causa, decidir per de bon que n'ei ua auta.
E supausam que i aja ua majoritat per "l'òc a l'independéncia" a las comarcas gironinas (pausat per cas) , e que l'òc non sia pas majoritari la rèsta deu Principat ,, e serà possibla la particion deu Principat en Estat independent e ua auta partida estacada a l'Estat espanhòu? Que caleré prevéder un dusau referéndum en aqueth cas, ça'm sembla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari