Las darrièras inondacions en Vencenc e la Costièra Niçarda, qu’an causat la mòrt d’un vintenat de personas e de damatges fòrça grèus, an mes en question l’embetumatge excessiu e la subreurbanizacion de las zònas inondablas. Dins aquel sens s’exprimís un comunicat del Partit Occitan de Provença, que critica l’excès de betum e los apetits dels promotors e embetumaires que meton en perilh las populacions; apèlan a l’arrèst de las construccions en zònas inondablas e al respècte de las zònas agricòlas.
 
Ara, lo jornal Libération a publicat un dorsièr que met en evidéncia de vastes chantièrs lançats en Occitània, especialament a Marselha, Canha de Mar e Montpelhièr, sus de terrens de risc, que poirián provocar de situacions aitan catastroficas.
 
 
 

---

Libération: Construire en zone inondable, mode d’emploi