Actualitats
La polícia espanhòla deten l’activista saharauí Hassanna Aalia
D’institucions del Bascoat li prepausan un estatut de refugiat que l’estat espanhòl li refusa
La polícia espanhòla detenguèt dimars passat lo refugiat saharauí Hassanna Aalia per “sojorn illegal”. Aalia es un jove de 26 ans qu’en 2010 participèt als eveniments del 8 de novembre dins lo campament de Gdeim Izik a Al Aayun, e foguèt jutjat e condemnat a quatre meses de preson. Puèi, viatgèt al Bascoat per far sos estudis e quand deviá tornar dins son país aprenguèt qu’un tribunal de Marròc l’aviá condemnat a perpetuitat. Alavetz lo jove saharauí demandèt l’asil politic a l’estat espanhòl, que li refusèt l’estatut de refugiat. El a presentat un recors e es a l’espèra de la resolucion d’aquel recors.
Après la detencion, de manifestacions de sosten al jove refugiat se debanèron per tot lo Bascoat e endacòm mai del temps que las principalas institucions bascas —lo govèrn autonòm, la comuna de Bilbao, la diputacion de Guipuscoa, etc.— n’an reclamat l’asil politic, segon çò que rapòrta Naiz.
Aalia foguèt mes en libertat 48 oras après sa detencion. Ara a un òrdre d’expulsion de l’estat espanhòl, qu’es en suspension per ara, fins que la justícia resòlga son recors contra la decision del govèrn espanhòl de li refusar l’asil politic.
“Se me repòrtan en Marròc, i trobarai la tortura e una vida en preson”, çò declarèt dimècres passat Hassanna Aalia dins una entrevista a Cuarto Poder.
Lo 14 de novembre que ven se complirà 35 ans de la partença de l’estat espanhòl dels territòris de la Republica Aràbia Saharauí Democratica (RASD, Sahara Occidental). Après la partença dels espanhòls, los saharians proclamèron la lor independéncia mas l’invasion marroquina provoquèt un conflicte qu’encara es luènh d’èsser resolgut.
EiTB: La situación actual de Hassanna Aalia
Après la detencion, de manifestacions de sosten al jove refugiat se debanèron per tot lo Bascoat e endacòm mai del temps que las principalas institucions bascas —lo govèrn autonòm, la comuna de Bilbao, la diputacion de Guipuscoa, etc.— n’an reclamat l’asil politic, segon çò que rapòrta Naiz.
Aalia foguèt mes en libertat 48 oras après sa detencion. Ara a un òrdre d’expulsion de l’estat espanhòl, qu’es en suspension per ara, fins que la justícia resòlga son recors contra la decision del govèrn espanhòl de li refusar l’asil politic.
“Se me repòrtan en Marròc, i trobarai la tortura e una vida en preson”, çò declarèt dimècres passat Hassanna Aalia dins una entrevista a Cuarto Poder.
Lo 14 de novembre que ven se complirà 35 ans de la partença de l’estat espanhòl dels territòris de la Republica Aràbia Saharauí Democratica (RASD, Sahara Occidental). Après la partença dels espanhòls, los saharians proclamèron la lor independéncia mas l’invasion marroquina provoquèt un conflicte qu’encara es luènh d’èsser resolgut.
EiTB: La situación actual de Hassanna Aalia
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
coneissetz la Gambia ? sus la mapa, es un estat que sembla una longa lama de cotèu tancada au còr dau Senegal. se li parla anglés e en Catalonha, a LLoret de mar, son nombrós que trabalhan dins lei jardins de plasença. zou mai una frontiera coloniala que trenca leis etnias e pòdon èstre sorça de conflits, qu'ei lo cas de l'ancian Rio de Oro espanhòu que fauta de se batre per l'aur an trobat moïen de se batre per lo pôder, leis uns que vòlon aguer totis lei privilègias d'un estat dich progressista que seriá sostengut per lei subvencions europencs e leis autres que pensan que lei saraoui auràn un melhor destin dins lo reiaume cherifen.e l'Argeria a l'agachon !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari