La novèla màger de quela setmana dins la Copa dau Mond de rubgi es l’eliminacion de la nacion organizaira.
Adonc, lo XV de la Ròsa participarà pas a la fasa finala de quela Copa dau Mond per lo primier còp de l’istòria de la competicion. Perdèt las doas partidas que l’opausèron a sos adversaris principaus. Mai generalament, los qualifiats per la seguda son coneguts dins chada grop. Retorn sus una setmana decisiva.
Grop A: Austràlia e País de Galas qualifiats
Lo 1r d’octòbre, los galés an confirmat lor posicion en tot batre 23 a 13 daus Fijians Volants fòrça bons. La victòria d’Austràlia fàcia au XV de la Ròsa 33 a 13 lor a assegurat la qualificacion. La partida de dissabte nos dirà quau daus Wallabies o de la Porrada serà primier.
Lo XV de la Ròsa patiguèt la pression australiana dins quela partida istorica. Los australians, aplicats dins la conservacion dau balon, inspirats dins l’ataca, dominèron quitament en mesclada. Quò es una desfacha amara per los anglés que participaràn pas a la fasa finala de lor mondiau.
A la fin dau classament, trobam las Illas Fiji e Uruguai que s’afrontèron dimars passat. Los fijians ganhèron lor primiera partida de la competicion 47 a 15. Marquèron 7 eissais dont 2 de penalitats. La performança de l’alier Nemani Nadolo emb un eissai mai 12 punts au pè es de notar. Mas los Teros faguèron bona figura en marcar dos eissais.
Grop B: los Boks sauvats e los japonés brilhants
Maugrat un meschant debut de competicion, los Springboks reüssisson a ’chabar primiers de lor grop. Umilièron las Aglas americanas 64 a 0 en marcar dètz eissais e batèron Escòcia, lor adversari dirècte. Lo XV dau Chardon endurèt chada impacte sud-african, tant en ataca coma en defensa. E mai lo juec de l’obreire André Pollard, plan realista e eficaç, permetèt aus Springboks de demorar fòra portada daus cèltas, quitament se manquèron lo bònus ofensiu.
Los japonés son a reüssir lo melhor mondiau de lor istòria. Emb lor victòria contra los samoans 26 a 5, faguèron tombar doas esquipas mielhs plaçadas qu’ilhs au classament World Rugby. Dins quela partida son estats melhors en possession de la bala mai en ocupacion dau terren. La segonda plaça dau grop lor es totjorn accessibla mas faudrà un esplech daus samoans contra los escocés. Seràn aumens los tresesmes e adonc qualifiats per la Copa dau Mond venenta.
Grop C: Georgia a sa bilheta per 2019
Sens surpresa, la Nuòva Zelanda s’impausèt fàcia aus Lelos 43 a 10 emb lo bònus ofensiu. E mai los Blacks marquèsson quatre eissais en mens de 25 minutas, los georgians èran plan presents e opausèron una brava defensa.
Georgia s’assegura la tresesma plaça dau grop e la qualificacion per lo mondiau venent mercés a sa corta victòria 16 a 17 contra Namibia. Los africans, privats de Jacques Burger, lor capitani, nafrat en debut de partida, resistiguèron 50 minutas. A la meitat, menavan 6 a 0 mercés a doas penalitats passadas per Kotze.
Dimars 29 de setembre, las Aglas de Mar de las Illas Tònga afrontèron Namibia e ganhèron 35 a 21. Quò era una partida descosuda mas plasenta ont las esquipas marquèron uech eissais: cinc per los pacifics e tres per los africans. Contra Argentina, dimenge passat, comencèron plan la partida mas los Pumas se desvelhèron e passèron cinc eissais per ganhar 45 a 16 emb lo bònus ofensiu.
Las doas partidas venentas deurián pas chamjar lo classament actuau.
Grop D: incertitud sus lo classament finau
Fàcia a Canadà, l’esquipa de França obtenguèt lo bònus ofensiu en inscriure cinc eissais. Los Canucks ne marquèron totparier dos a la fin de la primiera meitat, quoras los Blaus se desalenèron un pauc. Mas perdèron 41 a 18. Contra Romania, los nòrd-americans menavan 15 a 0 d’aicí a la 53a minuta. Mas los Jarrics revenguèron a la marca gràcias au doblat dau capitani Mihai Macovei e d’una penalitat de darriera minuta de Florin Vlaicu. Puei lo carton rossèu au tresesma linha Jebb Sinclar a la 72a minuta chamgèt tot. Los Canucks venguèron invisibles e los romanés s’impausèron 17 a 15.
Irlanda aguèt de las dificultats a ganhar contra una Squadra Azzurra transformada per lo retorn de lor capitani Sergio Parisse. Los cèltas foguèron excellents per çò de la conservacion de la bala mas decevents per çò de l’ataca que mancava de creativitat. Itàlia perdèt 16 a 9 en tot opausar una brava resisténcia dins una partida plan equilibrada.
Las doas partidas de la dimenjada determinaràn lo classament finau: quau d’Irlanda o de França serà primier e quau d’Itàlia o de Romania serà tresesme e qualifiat per 2019.
Maime Caillon
Adonc, lo XV de la Ròsa participarà pas a la fasa finala de quela Copa dau Mond per lo primier còp de l’istòria de la competicion. Perdèt las doas partidas que l’opausèron a sos adversaris principaus. Mai generalament, los qualifiats per la seguda son coneguts dins chada grop. Retorn sus una setmana decisiva.
Grop A: Austràlia e País de Galas qualifiats
Lo 1r d’octòbre, los galés an confirmat lor posicion en tot batre 23 a 13 daus Fijians Volants fòrça bons. La victòria d’Austràlia fàcia au XV de la Ròsa 33 a 13 lor a assegurat la qualificacion. La partida de dissabte nos dirà quau daus Wallabies o de la Porrada serà primier.
Lo XV de la Ròsa patiguèt la pression australiana dins quela partida istorica. Los australians, aplicats dins la conservacion dau balon, inspirats dins l’ataca, dominèron quitament en mesclada. Quò es una desfacha amara per los anglés que participaràn pas a la fasa finala de lor mondiau.
A la fin dau classament, trobam las Illas Fiji e Uruguai que s’afrontèron dimars passat. Los fijians ganhèron lor primiera partida de la competicion 47 a 15. Marquèron 7 eissais dont 2 de penalitats. La performança de l’alier Nemani Nadolo emb un eissai mai 12 punts au pè es de notar. Mas los Teros faguèron bona figura en marcar dos eissais.
Grop B: los Boks sauvats e los japonés brilhants
Maugrat un meschant debut de competicion, los Springboks reüssisson a ’chabar primiers de lor grop. Umilièron las Aglas americanas 64 a 0 en marcar dètz eissais e batèron Escòcia, lor adversari dirècte. Lo XV dau Chardon endurèt chada impacte sud-african, tant en ataca coma en defensa. E mai lo juec de l’obreire André Pollard, plan realista e eficaç, permetèt aus Springboks de demorar fòra portada daus cèltas, quitament se manquèron lo bònus ofensiu.
Los japonés son a reüssir lo melhor mondiau de lor istòria. Emb lor victòria contra los samoans 26 a 5, faguèron tombar doas esquipas mielhs plaçadas qu’ilhs au classament World Rugby. Dins quela partida son estats melhors en possession de la bala mai en ocupacion dau terren. La segonda plaça dau grop lor es totjorn accessibla mas faudrà un esplech daus samoans contra los escocés. Seràn aumens los tresesmes e adonc qualifiats per la Copa dau Mond venenta.
Grop C: Georgia a sa bilheta per 2019
Sens surpresa, la Nuòva Zelanda s’impausèt fàcia aus Lelos 43 a 10 emb lo bònus ofensiu. E mai los Blacks marquèsson quatre eissais en mens de 25 minutas, los georgians èran plan presents e opausèron una brava defensa.
Georgia s’assegura la tresesma plaça dau grop e la qualificacion per lo mondiau venent mercés a sa corta victòria 16 a 17 contra Namibia. Los africans, privats de Jacques Burger, lor capitani, nafrat en debut de partida, resistiguèron 50 minutas. A la meitat, menavan 6 a 0 mercés a doas penalitats passadas per Kotze.
Dimars 29 de setembre, las Aglas de Mar de las Illas Tònga afrontèron Namibia e ganhèron 35 a 21. Quò era una partida descosuda mas plasenta ont las esquipas marquèron uech eissais: cinc per los pacifics e tres per los africans. Contra Argentina, dimenge passat, comencèron plan la partida mas los Pumas se desvelhèron e passèron cinc eissais per ganhar 45 a 16 emb lo bònus ofensiu.
Las doas partidas venentas deurián pas chamjar lo classament actuau.
Grop D: incertitud sus lo classament finau
Fàcia a Canadà, l’esquipa de França obtenguèt lo bònus ofensiu en inscriure cinc eissais. Los Canucks ne marquèron totparier dos a la fin de la primiera meitat, quoras los Blaus se desalenèron un pauc. Mas perdèron 41 a 18. Contra Romania, los nòrd-americans menavan 15 a 0 d’aicí a la 53a minuta. Mas los Jarrics revenguèron a la marca gràcias au doblat dau capitani Mihai Macovei e d’una penalitat de darriera minuta de Florin Vlaicu. Puei lo carton rossèu au tresesma linha Jebb Sinclar a la 72a minuta chamgèt tot. Los Canucks venguèron invisibles e los romanés s’impausèron 17 a 15.
Irlanda aguèt de las dificultats a ganhar contra una Squadra Azzurra transformada per lo retorn de lor capitani Sergio Parisse. Los cèltas foguèron excellents per çò de la conservacion de la bala mas decevents per çò de l’ataca que mancava de creativitat. Itàlia perdèt 16 a 9 en tot opausar una brava resisténcia dins una partida plan equilibrada.
Las doas partidas de la dimenjada determinaràn lo classament finau: quau d’Irlanda o de França serà primier e quau d’Itàlia o de Romania serà tresesme e qualifiat per 2019.
Maime Caillon
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E doblidetz pas de seguir aqueste dissabte de ser (19h sus BeInSport) la finala de Super-Liga a Òld Traffòrd (75 000 espectators) entre Wigan e Leeds !
S'aimatz la circulacion de la pauma.....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari