Actualitats
Lo Quartet Nacional del Dialòg de Tunisia, Prèmi Nobel de la Patz 2015
Lo comitat del Nobel d’Òslo n’a avalorat “la contribucion a la construccion d’una democracia plurala dins aquel país pendent la Revolucion del Gensemin de 2011”
Lo Prèmi Nobel de la patz d’ongan l’an liurat al Quartet Nacional del Dialòg de Tunisia, una organizacion qu’amassa qualques grops de la societat civila tunisiana. Lo comitat del Nobel d’Òslo n’a avalorat “la contribucion a la construccion d’una democracia plurala dins aquel país pendent la Revolucion del Gensemin de 2011”.
Lo quartet se creèt l’estiu de 2013 quand lo procès de democratizacion èra en perilh après una seguida d’assassinats politics e un malèsser social generalizat, çò explica lo comitat: “En un moment que lo país s’abocava a una guèrra civila, [lo quartet] establiguèt una alternativa e un procès politic pacific”. Lo grop es estat premiat perque foguèt “instrumental per permetre a Tunisia, en pauc d’ans, d’establir un sistèma constitucional de govèrn que garentís los dreches fondamentals de tota la populacion, sens distincion de genre, conviccion politica o cresença religiosa”.
L’organisme intègra quatre entitats clau de la societat civila tunisiana: l’Union Generala Tunisiana del Trabalh (UGTT); l’Union Tunisiana de l’Indústria, del Comèrci e de l’Artisanat (UTICA); la Liga Tunisiana per la Defensa dels Dreches Umans (LTDH) e l’Òrdre Nacional dels Avocats de Tunisia.
Lo Nobel soslinha lo ròtle d’aquelas organizacions coma mediatrises e impulsoras d’un desvolopament democratic en Tunisia “amb granda autoritat morala”. Lo comitat del Prèmi Nobel de la Patz soslinha que lo quartet facilitèt lo camin per un dialòg pacific “entre ciutadans, partits politics e autoritats” e ajudèt a trobar “de solucions de consens tocant un grand nombre de provocacions a causa de las nombrosas divisions politicas e religiosas”.
“Tunisia afronta de provocacions politicas, economicas e de seguretat significativas. Lo comitat norvegian del Nobel espera que lo prèmi d’ongan contribuiguèsse a protegir la democracia en Tunisia e qu’inspirèsse los que vòlon promòure la patz e la democracia en l’Orient Mejan”, çò assegura lo comunicat: “Mai que cap d’autra causa, lo prèmi a la tòca d’encoratjar lo pòble tunisian que, malgrat los grands problèmas, a establit la basa per aver una fraternitat nacionala”.
Pel Nobel de la Patz, lo comitat norvegian aviá recebut 273 candidaturas: 205 correspondent a de personas e 68 a d’organizacions. L’an passat se lo concediguèt a la paquistanesa Malala Yousafzai e a l’indian Kailash Satyarthi per lor lucha en favor dels enfants e l’educacion.
Lo quartet se creèt l’estiu de 2013 quand lo procès de democratizacion èra en perilh après una seguida d’assassinats politics e un malèsser social generalizat, çò explica lo comitat: “En un moment que lo país s’abocava a una guèrra civila, [lo quartet] establiguèt una alternativa e un procès politic pacific”. Lo grop es estat premiat perque foguèt “instrumental per permetre a Tunisia, en pauc d’ans, d’establir un sistèma constitucional de govèrn que garentís los dreches fondamentals de tota la populacion, sens distincion de genre, conviccion politica o cresença religiosa”.
L’organisme intègra quatre entitats clau de la societat civila tunisiana: l’Union Generala Tunisiana del Trabalh (UGTT); l’Union Tunisiana de l’Indústria, del Comèrci e de l’Artisanat (UTICA); la Liga Tunisiana per la Defensa dels Dreches Umans (LTDH) e l’Òrdre Nacional dels Avocats de Tunisia.
Lo Nobel soslinha lo ròtle d’aquelas organizacions coma mediatrises e impulsoras d’un desvolopament democratic en Tunisia “amb granda autoritat morala”. Lo comitat del Prèmi Nobel de la Patz soslinha que lo quartet facilitèt lo camin per un dialòg pacific “entre ciutadans, partits politics e autoritats” e ajudèt a trobar “de solucions de consens tocant un grand nombre de provocacions a causa de las nombrosas divisions politicas e religiosas”.
“Tunisia afronta de provocacions politicas, economicas e de seguretat significativas. Lo comitat norvegian del Nobel espera que lo prèmi d’ongan contribuiguèsse a protegir la democracia en Tunisia e qu’inspirèsse los que vòlon promòure la patz e la democracia en l’Orient Mejan”, çò assegura lo comunicat: “Mai que cap d’autra causa, lo prèmi a la tòca d’encoratjar lo pòble tunisian que, malgrat los grands problèmas, a establit la basa per aver una fraternitat nacionala”.
Pel Nobel de la Patz, lo comitat norvegian aviá recebut 273 candidaturas: 205 correspondent a de personas e 68 a d’organizacions. L’an passat se lo concediguèt a la paquistanesa Malala Yousafzai e a l’indian Kailash Satyarthi per lor lucha en favor dels enfants e l’educacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E an pas pensat a l'Alliot-Marie, conselhièra en truca-colhos per apasimar las manifestacions contra Ben Ali? Ingrats que son!
una decision redemptriz dau prèmi Nobel de la patz que de còps que i a se desavia a coronar d'òmes politics, Obama per la color de sa pèu , l'israëli e lo palesti per una patz somniada e impossibla. aquest an, brave, que son dins lei piadas de l'an passat quje rendiá implicitament omenatge an aquelei que s'opausan a l'obscurantisme menaçant que pòt èstre ren que l'Islam sota sei fòrmas radicalas o autras pretendudas moderadas e sovetem qu'aquò aguèsse de retombadas economicas per la Tunisia e que lei gros cataus d'occident anesson mai se rabinar au solèu sus lei platges laïcas dau solet estat de religion musulmana qu'aguèsse adoptat sei valors ! sota la sabla, la revolucion! e lei pavats per leis imans
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari