Actualitats
La Corèa del Nòrd a mostrat tota sa poténcia militara amb una espectaclosa desfilada
L’an facha en escasença del setanten anniversari de la naissença del Partit dels Trabalhadors
L’armada populara de la Corèa del Nòrd desfilèt dissabte per las carrièras de Pyeongang en escasença del setanten anniversari de la naissença del Partit dels Trabalhadors. Pendent tres oras òm poguèt veire una procession de milièrs de soldats, de tancs e los classics mosaïcs umans, que dessenhavan lo nom de Gim Jeongeun (Kim Jong-un), lo cap de l’estat. Demest los missils, i aviá un KN-08, que segon los expèrts es capable d’arribar fins als Estats Units.
D’un autre costat, Gim Jeongeun faguèt sa primièra intervencion publica dels darrièrs dos ans e mièg. “La Corèa del Nòrd es preparada per luchar dins quina sòrta de guèrra que siá, provocada pels Estats Units”, çò afirmèt après la desfilada.
Vaicí lo vidèo de la desfilada:
D’un autre costat, Gim Jeongeun faguèt sa primièra intervencion publica dels darrièrs dos ans e mièg. “La Corèa del Nòrd es preparada per luchar dins quina sòrta de guèrra que siá, provocada pels Estats Units”, çò afirmèt après la desfilada.
Vaicí lo vidèo de la desfilada:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
policia e armada, son estadas lei reüssitas incontestablas dei dictaturas comunistas e en assistèn an aquela desfilada militar, podèm que li tirar lo capèu, au reiaume marxista-leninista de Corèa dau Nord, enfonçat Hitler e sei manifestacions gigantas, tota l'armada nord coreana, femnas compresas qu'observon la parietat, desfilon au pas de l'auca ! que dins l'armada alemanda li aviá soncament quauqueis unitats d'elèit que desfilavan au pas de l'auca -Gänzemarsch-a la tribuna, totei lei generaus saludan militrament e leis ierarques pican dei mans en cadència, mai aqui la parietat ei pas observada e mancan lei femnas, compreni pas lo corean, tanben a la votz emfatica dei comentators dau desfilat, pòdi devinar lo patriotisme e la devocion inconmensurabla que sordats, civils , femnas, nistons, bèstias fan pròva davant kim jung-un environat de quatre o cinc personagtes misteriós que elei, saludan pas e pican pas dei mans ! e que se parlan entre eli o ambe lo dictator
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari