Tèxte legit
Un grop recentamant fargat, anomenat Wir Shetland (Shetland Nòstre), lançarà a Lerwick aqueste dimècres 14 d’octòbre una campanha de renvendicacion per l’autonomia de Shetland. Aquel archipèla de l’Atlantic Nòrd, de cultura nordica, es jos jurisdiccion escocesa. L’independéncia d’Escòcia aviá pas vertadièrament convencut los shetlandeses ja que sonque un 36% dels electors avián votat en sa favor a l’ora del referendum de 2014. Las particularitats culturalas, istoricas e lingüisticas de Shetland avián desviat la populacion insulara del projècte escocés. Mas lo fach de non pas voler prene part a una Escòcia independenta, pels shetlandeses, vòl pas dire que vòlon pas prene en mans lor destinada coma país. Al contrari la revendicacion autonomista se refortís.
Lo grop Wir Shetland, a partir del constat que:
demanda:
Aquel grop compta ja 70 sòcis que sortisson tant de la societat civila coma dels mitans politics, economics e culturals. Se vòl transversal e non pas l’expression d’una sola tendéncia politica.
L’originalitat de lor revendicacion es que demandan per Shetland un estatut de territòri britannic otramarin. Los territòris jos aquela jurisdiccion son las ancianas colònias britanicas qu’an pas volgut accedir a l’independéncia. Demòran jos la jurisdiccion del Reialme Unit mas ne fan pas partida. Tenon una autonomia larga. Los shetlandeses prenon las Illas Malvinas coma exemple. Pensan que s’aquel territòri se pòt autogovernar amb eficacitat amb 3000 abitants a l’autre caire del planeta, serà facil per eles de gerir lors afars. Aquel estatut implicariá de sortir de l’Union Europèa, çò qu’es un desir consensual en Shetland.
Terric Lausa
Lo grop Wir Shetland, a partir del constat que:
— los interèsses de Shetland son fonzament diferents dels d’Escòcia e del Reialme Unit;
— la geografia, l’istòria e la cultura de Shetland e de las Illas Orcadas son especificas [...];
— dins l’abséncia d’un acòrdi d’autonomia amb Escòcia, l’independéncia d’Escòcia serà damatjosa per Shetland;
— la geografia, l’istòria e la cultura de Shetland e de las Illas Orcadas son especificas [...];
— dins l’abséncia d’un acòrdi d’autonomia amb Escòcia, l’independéncia d’Escòcia serà damatjosa per Shetland;
demanda:
— d’obténer de poders d’autogovèrn per Shetland que cobriràn totas las questions localas;
— de segurizar los dreches legals dels residents, dels afars e de totas las organizacions de Shetland;
— de desvolopar lo comèrci, los ligams culturals e la cooperacion mutuala entre Shetland e los sieus vesins politics e geografics [...];
— de protegir las resèrvas shetlandesas de petròli de l’espoliacion per d’autoritats luenchencas.
— de segurizar los dreches legals dels residents, dels afars e de totas las organizacions de Shetland;
— de desvolopar lo comèrci, los ligams culturals e la cooperacion mutuala entre Shetland e los sieus vesins politics e geografics [...];
— de protegir las resèrvas shetlandesas de petròli de l’espoliacion per d’autoritats luenchencas.
Aquel grop compta ja 70 sòcis que sortisson tant de la societat civila coma dels mitans politics, economics e culturals. Se vòl transversal e non pas l’expression d’una sola tendéncia politica.
L’originalitat de lor revendicacion es que demandan per Shetland un estatut de territòri britannic otramarin. Los territòris jos aquela jurisdiccion son las ancianas colònias britanicas qu’an pas volgut accedir a l’independéncia. Demòran jos la jurisdiccion del Reialme Unit mas ne fan pas partida. Tenon una autonomia larga. Los shetlandeses prenon las Illas Malvinas coma exemple. Pensan que s’aquel territòri se pòt autogovernar amb eficacitat amb 3000 abitants a l’autre caire del planeta, serà facil per eles de gerir lors afars. Aquel estatut implicariá de sortir de l’Union Europèa, çò qu’es un desir consensual en Shetland.
Terric Lausa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari