Lo sindic d’Aran, Carlos Barrera, aperaquí quatre cents cònsols de comunas catalanas e qualques milierats de manifestants acompanhèron ièr de matin lo president de Catalonha, Artur Mas, al palais de Justícia. Après èsser entendut pel jutge, e en essent acusat d’aver menat lo movement participatiu del 9 de novembre de 2014. La justícia espanhòla a mes tanben en causa la conselhièra de l’educacion Irene Rigau e l’alavetz vicepresidenta de la Generalitat Joana Ortega, que foguèron entendudas dimars passat.
 
 
Artur Mas assumís tota la responsabilitat davant lo jutge
 
Artur Mas assegurèt ièr davant lo jutge del Tribunal Superior de Justícia de Catalonha qu’el es lo “responsable unic” del procès participatiu e lo “promotor politic”. Diguèt que la consulta als ciutadans èra un dels “eveniments fondamentals” de la legislatura e pr’aquò, après que lo Tribunal Constitucional enebiguèsse lo referendum per l’independéncia, se vegèt obligat de far lo procès participatiu e de convocar d’eleccions al Parlament de Catalonha. Artur Mas apondèt que compren pas perqué es estat mes en causa coma un criminal per una decision politica.
 
Après la compareissença davant lo jutge, Artur Mas faguèt una declaracion institucionala al Palais de la Generalitat. Ailà mercegèt la multitud que l’acompanhèt e manifestèt que lo procès participatiu del 9 de novembre de 2014 “foguèt consequéncia d’una evidenta volontat institucionala e politica, mas tanben d’una implicacion ciutadana plan fòrta”. E apondèt: “per una accion coma aquela, caldriá comparéisser davant un parlament, mas pas jamai davant un tribunal. E encara mens dins una causa penala. Me declari lo maximal responsable d’aver pres l’iniciativa politica, d’aver inventat e d’aver impulsat lo procès participatiu del 9 de novembre passat. Escotèri lo clam de fòrça mond qu’empliguèron las carrièras, las avengudas e las plaças los 11 de setembre de 2012, 2013 e 2014”.
 
E encara diguèt: “Soi responsable d’aver obesit a de decisions del Parlament de Catalonha de plaçar las urnas per consultar los ciutadans de Catalonha. Soi responsable d’aver escotat de centenats de municipis de tot lo país. Soi responsable d’aver avançat las eleccions en 2012 e en 2015 per recebre los mandats democratics. Compreni pas que pel fach d’èsser responsable de tot aquò calga declarar davant un tribunal”.
 
 
Lo govèrn espanhòl irritat pel sosten popular
 
Lo govèrn espanhòl a reagit fòrça mal davant las protèstas de sosten al president Mas. Lo president espanhòl, Mariano Rajoy, diguèt dins una conferéncia de premsa a Brussèlas que las manifestacions d’aqueles jorns davant lo palais de justícia son “absoludament inacceptablas”, en tot afirmar que se tracta “de menaças e de preséncias intimidantas davant los tribunals de justícia”. Rajoy assegurèt que “la justícia es independenta” e que “velha per que se complisca la lei”. “Sénher Mas a la meteissa obligacion de complir la lei que los 46 milions d’espanhòls”, çò remarquèt.
 
Tanben se prononcièt lo ministre espanhòl de l’interior, Jorge Fernández Díaz, que desaprovèt lo rassemblament de ciutadans, de cònsols e del sindic d’Aran: “quina accion que siá que de manièra reala o en aparéncia ensage de perturbar o condicionar l’independéncia del poder judiciari atempta contra los fondaments de la democracia”.
 
 
Criticas del Partit Socialista
 
De son costat, lo secretari general del Partit Socialista (PSÒE), Pedro Sánchez, critiquèt tanplan Artur Mas e tanben “las personas qu’an ovacionat Sénher Mas”. A tot aquel mond, Sánchez lor a “remembrat que Sénher Mas a ensajat de plaçar Catalonha en defòra de la legalitat e qu’es lo president d’un partit qu’a pas netejat la taca de corrupcion per finançament irrregular qu’a fracturat Catalonha d’un ponch de vista social e emocional”. Sánchez a apondut que “las leis las cal complir”.
 
 
Vejatz lo vidèo del sosten popular qu’a recebut Mas a la sortida de la cort:
 

Mas ja ha acabat de declarar al TSJC. Així ha estat la sortida del Palau de Justícia http://t.co/3wJscgckvChttps://t.co/ldNDYsqlPM

— BTVNOTíCIES (@btvnoticies) October 15, 2015

 
 
L’encausament del president de Catalonha a agut un fòrt resson dins los mèdias internacionals:
 
— Financial Times:Catalan election has solved little on secession,
 
— The Washington Post: Thousands turn up at court to support Catalan president
 
— The Guardian: Catalan leader marches to court at head of huge flag-waving crowd
 
— The New York Times: Catalan Head Testifies in Court on Referendum Charges
 
— Yahoo! News: Catalan leader in court on independence vote charge
 
— Global News: Thousands rally in support of Catalan leader as he is questioned over secession poll
 
— RTS: L’indépendantiste catalan Artur Mas devant la justice espagnole
 
— Libération: Mas devant la justice pour sa “rébellion démocratique”
 
— L’Express:  Mas devant la justice pour sa “rébellion démocratique” en publicant una granda fotografia.

— The Telegraph: Catalan officials deny November independence vote was criminal act
 
— L’Arena: Catalogna: sindaci con Mas in tribunale
 
— RSI: Artur Mas in tribunale
 
— Jornal de Notícias: Manifestantes apoiam Artur Mas à porta de tribunal
 
— TVI24: Catalunha: mais de 3.000 acompanharam Artur Mas ao tribunal
 
— Expresso: Multidão apoia presidente catalão à porta de tribunal de Barcelona

— Salzburger Nachrichten: Unabhängigkeit von Katalonien: Mas wegen Befragung vor Gericht
 
— Blick: Katalanenpräsident Mas wegen Unabhängigkeitsreferendums vor Gericht
 
— Bieler Tagblatt: Katalanenpräsident Mas wegen Unabhängigkeitsreferendums vor Gericht
 
— Neue Luzerne Zeitung: Kataloniens Präsident vor Gericht 
 
— FM1 Today: Katalanenpräsident Mas wegen Unabhängigkeitsreferendums vor Gericht
 
— Die Welt: Katalanenpräsident Mas wegen Unabhängigkeitsreferendums vor Gericht