Actualitats
Tuador d’Alès: lo procuraire a dobèrt una enquèsta
Un vidèo de l’associacion L214 denóncia las condicions de patiment que i se tuan los animals dins lo tuador de la capitala cevenòla
Lo procuraire d’Alès (Cevenas) anoncèt aqueste dijòus passat d’aver dobèrt una enquèsta preliminara sus de “faches d’actes de cruseltat e de marrits tractaments sus d’animals” al tuador de la vila. L’enquèsta s’es dobèrta après la denóncia facha per l’associacion L214 qu’alèrta sus las condicions que i se tuan los animals dins aquel tuador.
L’enquèsta es estada fisada a la brigada nacionala d’enquèstas veterinàrias amb la seccion de recèrcas de la gendarmariá de Nimes.
Un filme esglasiant
L’associacion a difondut un filme que mòstra los marrits tractaments que se debanan dins lo tuador. Per far aquel filme an pres “mai de cinquanta oras de presas de vistas netas e precisas”, rodadas clandestinament sus un desenat de jorns entre abril e mai. Es aital que l’associacion L214 a volgut mostrar objectivament çò que se passa dins l’interior d’aquel tuador, que lo presenta coma “una vertadièra caissa negra tenguda a l’escart del public” ont “se produtz un carnatge quotidian”.
De son costat, lo responsable del tuador atanben a fach sa denóncia per “atemptat a la vida privada per fixacion o transmission de l’imatge de personas”.
Reprodusèm pas aicí lo filme en question, pr’amor que los imatges son esglasiants, chocants e pòdon ferir la sensibilitat e mai la dignitat de las bèstias que patisson abans de morir. Ça que la, podètz trobar los vidèos e mai d’un imatge sus Le Point.
L’enquèsta es estada fisada a la brigada nacionala d’enquèstas veterinàrias amb la seccion de recèrcas de la gendarmariá de Nimes.
Un filme esglasiant
L’associacion a difondut un filme que mòstra los marrits tractaments que se debanan dins lo tuador. Per far aquel filme an pres “mai de cinquanta oras de presas de vistas netas e precisas”, rodadas clandestinament sus un desenat de jorns entre abril e mai. Es aital que l’associacion L214 a volgut mostrar objectivament çò que se passa dins l’interior d’aquel tuador, que lo presenta coma “una vertadièra caissa negra tenguda a l’escart del public” ont “se produtz un carnatge quotidian”.
De son costat, lo responsable del tuador atanben a fach sa denóncia per “atemptat a la vida privada per fixacion o transmission de l’imatge de personas”.
Reprodusèm pas aicí lo filme en question, pr’amor que los imatges son esglasiants, chocants e pòdon ferir la sensibilitat e mai la dignitat de las bèstias que patisson abans de morir. Ça que la, podètz trobar los vidèos e mai d’un imatge sus Le Point.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal far veire los imatges. Cal que lo mond sapian d'ont sortis la carn que manjan, cal que dobrissen los uèlhs. Co qu'es encara mai violent que los imatges es lo fach d'amagar la realitat, los mèdias mostran pas aqueles imatges que serian trop violents, e o son, solide ! mas se los mostran pas, lo mond continuaràn de viure dins l'ignoréncia, o en far cara d'ignorar ço que se passa darrièr las parets pas que per contentar lor plaser gustatiu (que om se pot facilament passar de carn e trobar de savors força mai diversas), ço qu'es pièger que tot en matèria de violéncia.
Qu'esperi qu'aquesta accion harà cambiar las causas : bèstias qui pateishen, que n'i a dens tots los tuadèrs!
Mercés au jornalet de nos tiéner assabentats de las avançadas sus aquò!
Jo som vegetaria ovolates, es a dire que mengi ous e let e sos deritats, e ho faig per no matar animals. Me començaren a sortir a las analisis que tenia trigliceris e hi havia pas manera que me fugissen amb lo regim. Lavors me venguet l'ideia de fer-me vegetaria, mi feri e desaparegueron los trigliceris. A mai la meva santat ha milhorat e som jamai pas malalt. A l'India son per sa religion vegetarians e coneissen pas lo qu'es lo cancer d'estomac, de budels.... Solament hi ha cancer de pel, perquè alà fa molt de sol. Anim amics, fei-vos un pauc vegetarians e milhor vegetarians, que necessitan pas pagar als carnissers que tuan animals, ni peissos. Visca la vida tamben dels animals !
Lo nivèu de civilizacion d'un òme se coneish au son tractar deus mei febles qu'eth, tots los que ne se pòden pas defénder : las hemnas , los mainats, los vièlhs, los praubes, los estrangèrs, las bèstias, la natura .... etc.... etc .... E n'oblidi ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari