Actualitats
Khebez Dawle, La banda siriana qu’a fach de concèrts durant l’odissèa de Turquia a Berlin
La banda de rock a fach de concèrts amb d’instruments prestats per la populacion locala a Beirot, Zagrèb, Ljubljana e Viena
Dins l’èrsa de refugiats sirians qu’ensajan de traversar mièja Euròpa per cercar asil en Alemanha, se son passadas d’istòrias de tota sòrta. Una de las mai singularas l’a protagonizada la banda de rock siriana Khebez Dawle (“Pan del Govèrn”). Formada a Damasc en 2011, sos musicians deguèron quitar la capitala siriana en agost a causa de la guèrra en partissent vèrs Liban, ont faguèron qualques concèrts a Beirot.
Mas Liban èra pas la destinacion finala dels Khebez Dawle, e los concèrts a Beirot èran pas los darrièrs. Puèi se desplacèron en Turquia per traversar en barca los qualques quilomètres que separan la còsta turca de l’illa grèga de Lèsbos.
Dins l’Union Europèa, los musicians Anas Maghrebi, Mohamed Bazz e Hekmat Qasar entreprenguèron lo camin vèrs Alemanha amb d’autres centenats de milièrs de refugiats sirians. Dins lo complicat e fatigant periple fins a Berlin, ont arribèron fa qualques jorns sans e salves, s’arrestèron pas de far de concèrts amb d’instruments prestats per la populacion locala. Joguèron a Zagrèb (Cròacia), Ljubljana (Eslovènia) e Viena (Àustria): “Es una sòrta de tornada de l’exili”, çò declarèron als mèdias.
Los membres de Khebez Dawle arribèron fin finala a Berlin lo 4 d’octòbre passat, ont an demandat l’asil e ont espèran qu’aculhiràn lèu los dos companhs de grop que mancan: un demorèt a Beirot e l’autre poguèt pas quitar Damasc perque aviá desertat l’armada de Bashshar Al Asad e aviá pas de papièrs.
Mas Liban èra pas la destinacion finala dels Khebez Dawle, e los concèrts a Beirot èran pas los darrièrs. Puèi se desplacèron en Turquia per traversar en barca los qualques quilomètres que separan la còsta turca de l’illa grèga de Lèsbos.
Dins l’Union Europèa, los musicians Anas Maghrebi, Mohamed Bazz e Hekmat Qasar entreprenguèron lo camin vèrs Alemanha amb d’autres centenats de milièrs de refugiats sirians. Dins lo complicat e fatigant periple fins a Berlin, ont arribèron fa qualques jorns sans e salves, s’arrestèron pas de far de concèrts amb d’instruments prestats per la populacion locala. Joguèron a Zagrèb (Cròacia), Ljubljana (Eslovènia) e Viena (Àustria): “Es una sòrta de tornada de l’exili”, çò declarèron als mèdias.
Los membres de Khebez Dawle arribèron fin finala a Berlin lo 4 d’octòbre passat, ont an demandat l’asil e ont espèran qu’aculhiràn lèu los dos companhs de grop que mancan: un demorèt a Beirot e l’autre poguèt pas quitar Damasc perque aviá desertat l’armada de Bashshar Al Asad e aviá pas de papièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 "la pauretat e lo desbralhat dei paraulas generalament en anglés dei cançons de rock"
Sénher Pessamessa/Canonge, quina ignorància avètz, quina manca de cultura generala avètz, quina incompreneson sus lo rock...
De cançons de rock amb de paraulas recercadas e subtilas, n'i a de milions (en particular, amb de grops coma The Sisters of Mercy o Siouxsie and The Banshees). E de cançons de rock amb de paraulas simplas e eficaças, tanben n'i a de milions. La simplicitat, de còps, pòt èsser una vertut estilistica.
se comprenetz pas, aquò vòu dire qu'ei de trobar clus. la discutida, coma diatz ? non, la discussion ! dreicem ne'n lo quadre : de milions de gènts venguts de país en guerra e d'autres que lo son pas envaïsson lo nòstre continent a la crida (l'apèl) malencontrós de la canceliera Merkel, dins lo primier milion se tròba tota mena de gènts, subretot aquelei que son pas refugiats senon per de rasons economicas, e lo jornalet amb admiracion fai un articulet sus un grop de rock ? e voletz que siágue seriós ? dieu fóu, coma dison lei piemontès, d'aquí aquela cascada en seria de citacions literaris incoërentas, surrealistas qu'ai debanada per comprensar la pauretat e lo desbralhat dei paraulas generalament en anglés dei cançons de rock, mai, bota, se lei reviram dins una lenga intelligibla,' fant de petan, ne veiriam la pauretat evangelica ! aitant doncas se refugiar dins la fatrasiá e lo dadaïsme
#5 Es un tipe que li diguèron un jorn qu'èra un escrivan e que prenguèt dempuèi lo mendre de sos pets per de poemas.
#5 Es un tipe que li diguèron un jorn qu'èra un escrivan e que prenguèt dempuèi lo mendre de sos pets per de poemas.
#4
Desencusatz-me mas compreni pas brica de ço qu'escrivètz. Ensaji, mas aquò m'es impossible.
Fasètz de fautas d'ortografa d'en pertot, d'accòrdi, de conjugason, n'es una vergonha. I a pas brica de ponctuacion coerenta dins lo vòstre prepaus.
Vos vestissètz amb de referéncias literàrias mas sens sens ni ligason amb que que siá. Vau pas citar Montanha / Montaigne.
E subretot participatz en res en l'evolucion de la discutida. Savi pas perqué òm vos balha la paraula s'es per téner de prepauses incoerents.
N'ai un sadol.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari