Actualitats
Erri de Luca es relaxat d’incitacion a la violéncia
L’escrivan èra jutjat per aver dich en una entrevista a l’Huffington Post que los trabalhs del TGV dins la Val de Susa los caliá sabotar
Lo tribunal de Turin relaxèt ièr l’escrivan napolitan Erri de Luca de l’acusacion d’incitacion a la violéncia. Un “procès de las idèas”, çò disiá lo quite escrivan e çò rapòrta La Stampa.
A la dobertura de la session, De Luca legiguèt una declaracion espontanèa: “Confirmi ma cresença que la dicha linha de granda velocitat es estada empedida e sabotada en defensa de la tèrra, de l’aire e de l’aiga”. “Quitament se ieu foguèsse pas l’escrivan acusat, m’agradariá de tornar èsser aicí, ont se fa una experiéncia, un ensag de silenciar las paraulas de çò contrari”. De contunh, l’escrivan diguèt que se sentissiá “part prejudicada”. “Soi dins aquesta sala per saber se lo cap de l’acusacion invalidarà l’article 21 de la Constuticion”, çò diguèt l’escrivan, en tot far referéncia a l’article de la carta magna italiana que defend que “tot individú es liure de professar la pensada pròpria, amb la paraula, a l’escrich a amb quin mejan de comunicacion que siá”.
“Reteni inaplicablas dins lo mieu cas las circonstàncias atenuantas. Se çò qu’ai dich es la delinquéncia, o tornariái dire e o torni dire. Los mieus mots persistisson e espèri de saber se son un delicte”.
Lo procuraire demandava uèch meses de preson
Lo tribunal de Turin, a travèrs de son procuraire, demandava uèch meses de preson per l’escrivan napolitan Erri De Luca, que son jutjament comencèt en genièr passat. De Luca l’an jutjat per aver dich en una entrevista a l’Huffington Post que los trabalhs del TGV dins la Val de Susa, en Arpitània e al limit d’Occitània, los caliá sabotar. De Luca diguèt tre lo primièr moment que se retractariá pas mas que voliá emplegar aquel jutjament per denonciar l’atac contra la libertat d’expression e l’especulacion que destrutz lo territòri.
Lo jutjament contra l’escrivan, de 65 ans d’edat, es estat fòrça polemic perque met en question la libertat d’expression dins l’estat italian.
Segon la cort, De Luca faguèt d’“incitacion a la violéncia” en disent que compreniá los actes de sabotatge contra lo tunèl entamenat dins la Val de Susa, que la majoritat de sos estatjants s’i opausan. Lo meteis tribunal ditz que la notorietat de l’escrivan fa que sos prepauses se considèren “determinants” per la comission d’actes de sabotatge contra la linha.
Al moment que l’escrivan faguèt aquelas declaracions, i aviá dins la Val de Susa 200 militars italians per protegir las installacions del tunèl.
La paraula contrària
De Luca a publicat un libre entitolat La parola contraria (La paraula contrària) coma responsa al tractament que recep. Dins lo libre, l’escrivan fa una allegacion en defensa de la libertat d’expression e dels ligams qu’a la cultura amb las luchas socialas.
Dins sos 65 ans, De Luca es un simbòl de la campanha italiana contra lo TGV. La construccion d’aquela linha, començada dins los ans 1990, ten los abitants de la Val de Susa en pè de guèrra a causa de l’enòrme impacte sus l’environament e dels risques per la santat derivats de la perforacion d’aquelas montanhas, qu’an de nauts nivèls d’amiant.
La campanha de sosten a De Luca se difond suls rets socials amb l’etiqueta #iostoconerri.
Solidaritat en Catalonha
En març passat se presentèt a Barcelona la traduccion catalana del libre. Entitolada La paraula contrària, aquela version conten un avantdire de l’èx-deputat de la CUP, David Fernández.
Amb la presentacion del libre, lo sosten a De Luca se manifestèt sus Twitter per una fiulada massissa. Los twitterejaires acompanhèron lors fiuladas amb las etiquetas #iostoconerri (ieu soi amb Erri), #laparaulacontraria (la paraula contrària) e #notav (pas de TGV), e capitèron a portar l’etiqueta #EsticambErri (soi amb Erri) als nivèls de subjèctes de mòda de l’estat espanhòl.
A la dobertura de la session, De Luca legiguèt una declaracion espontanèa: “Confirmi ma cresença que la dicha linha de granda velocitat es estada empedida e sabotada en defensa de la tèrra, de l’aire e de l’aiga”. “Quitament se ieu foguèsse pas l’escrivan acusat, m’agradariá de tornar èsser aicí, ont se fa una experiéncia, un ensag de silenciar las paraulas de çò contrari”. De contunh, l’escrivan diguèt que se sentissiá “part prejudicada”. “Soi dins aquesta sala per saber se lo cap de l’acusacion invalidarà l’article 21 de la Constuticion”, çò diguèt l’escrivan, en tot far referéncia a l’article de la carta magna italiana que defend que “tot individú es liure de professar la pensada pròpria, amb la paraula, a l’escrich a amb quin mejan de comunicacion que siá”.
“Reteni inaplicablas dins lo mieu cas las circonstàncias atenuantas. Se çò qu’ai dich es la delinquéncia, o tornariái dire e o torni dire. Los mieus mots persistisson e espèri de saber se son un delicte”.
Lo procuraire demandava uèch meses de preson
Lo tribunal de Turin, a travèrs de son procuraire, demandava uèch meses de preson per l’escrivan napolitan Erri De Luca, que son jutjament comencèt en genièr passat. De Luca l’an jutjat per aver dich en una entrevista a l’Huffington Post que los trabalhs del TGV dins la Val de Susa, en Arpitània e al limit d’Occitània, los caliá sabotar. De Luca diguèt tre lo primièr moment que se retractariá pas mas que voliá emplegar aquel jutjament per denonciar l’atac contra la libertat d’expression e l’especulacion que destrutz lo territòri.
Lo jutjament contra l’escrivan, de 65 ans d’edat, es estat fòrça polemic perque met en question la libertat d’expression dins l’estat italian.
Segon la cort, De Luca faguèt d’“incitacion a la violéncia” en disent que compreniá los actes de sabotatge contra lo tunèl entamenat dins la Val de Susa, que la majoritat de sos estatjants s’i opausan. Lo meteis tribunal ditz que la notorietat de l’escrivan fa que sos prepauses se considèren “determinants” per la comission d’actes de sabotatge contra la linha.
Al moment que l’escrivan faguèt aquelas declaracions, i aviá dins la Val de Susa 200 militars italians per protegir las installacions del tunèl.
La paraula contrària
De Luca a publicat un libre entitolat La parola contraria (La paraula contrària) coma responsa al tractament que recep. Dins lo libre, l’escrivan fa una allegacion en defensa de la libertat d’expression e dels ligams qu’a la cultura amb las luchas socialas.
Dins sos 65 ans, De Luca es un simbòl de la campanha italiana contra lo TGV. La construccion d’aquela linha, començada dins los ans 1990, ten los abitants de la Val de Susa en pè de guèrra a causa de l’enòrme impacte sus l’environament e dels risques per la santat derivats de la perforacion d’aquelas montanhas, qu’an de nauts nivèls d’amiant.
La campanha de sosten a De Luca se difond suls rets socials amb l’etiqueta #iostoconerri.
Solidaritat en Catalonha
En març passat se presentèt a Barcelona la traduccion catalana del libre. Entitolada La paraula contrària, aquela version conten un avantdire de l’èx-deputat de la CUP, David Fernández.
Amb la presentacion del libre, lo sosten a De Luca se manifestèt sus Twitter per una fiulada massissa. Los twitterejaires acompanhèron lors fiuladas amb las etiquetas #iostoconerri (ieu soi amb Erri), #laparaulacontraria (la paraula contrària) e #notav (pas de TGV), e capitèron a portar l’etiqueta #EsticambErri (soi amb Erri) als nivèls de subjèctes de mòda de l’estat espanhòl.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca ! Justícia es estada facha.
Mercés per aquel article long que remembrèt un pauc tota aquela peregrinacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari