Dempuèi la fin de las accions piratas en 2012, Somalia semblava mai o mens calma. E mai se l’estat practicament non existís e se lo govèrn contraròtla solament qualques camins e un pichon territòri près de la termièra amb Kenya, ara s’avisan que lèu i aurà un problema nòu: lo retorn dels piratas.
Après l’escrancament de l’estat somalian, las Nacions Unidas o an tot assajat: enviaments d’aliments per tèrra e per aire, intervencions d’armadas —coma la dels Estats Units en 1994 que finiguèt per un mortalatge de soldats americans e per d’atacs intermitents de tropas kenyanas o de l’ÒNU per assajar de conquerir un pauc de territòri—.
Mas lo resultat qu’es estat decebeire. Primièr, declarèt la sieuna independéncia Somaliland, la partida mai a l’èst de la Bana d’Africa d’aquel país. Puèi Puntland faguèt parièr, mas es pas estat reconegut encara per cap d’autre país. La rèsta del país es en mans dels islamistas mai radicals e solament la capitala, Mogadisho, a las vilas de Baydhabo (Baidoa) e Kismaayo, son contrarotladas per los soldats del govèrn somalian.
E aquelas vilas son reliadas solament per d’estreches camins. En defòra d’aqueles, sonque i a un mot per descriure la situacion: lo caos. Entre 2009 e 2012 totòm s’estonèt pr’amor que, de còps, de batèls èran assautats per de piratas. De piratas en l’an 2009? Òc, e n’i aviá fòrça pertot. Fins a tal ponch que divèrses estats europèus envièron lors armadas per luchar contra eles: França, lo Reialme Unit, Espanha, los Estats Units, Canadà, etc.
L’accion foguèt eficaça mas degun non demorava pas que foguèsse solament temporari. Los darrièrs piratas de la region desapareguèron en 2012 mas ara lo govèrn somalian alèrta de lor retorn.
Demanda d’ajuda internacionala
“Lo patrolhatge de la còsta amb de vaissèls de guèrra e tanben la preséncia de gardians armats an reduch plan la piratariá”, çò confirma lo ministre de Puntland, Abadalla Jama Saleh, qu’a tot un ministeri per n’acabar amb aquel problèma, “mas los piratas son pas encara finits; dormisson e tornaràn lèu quan los darrièrs vaissèls de guèrra internacionals partiràn”.
Per tant, lo govèrn de Puntland demanda una ajuda internacionala per trobar de trabalh “a fòrça gents que se veson abocadas a la misèria e a la piratariá, qu’es solament un mejan de subrevivença. Las gents que demòran enfre tèrra se convertisson en terroristas, e las que demòran près de la costa en piratas”.
“L’Occident a una dobla morala”, çò ditz lo president de Puntland Abdiweli Ali Gaas, “los batèls qu’arribèron avián coma mission sonque de metre fin als atacs dels piratas e pas mai. Aqueste problema finiguèt en 2012 mas, que s’es fach per lutar contra lo raubament de las ressorsas naturalas somalianas qu’an fach los pescadors iranians?”
Aquò, segon lo president somalian, solament pòt far tornar los piratas un autre còp. Pr’amor que, se non s’ajuda lo sieu pòble, çò insistís Abdediweli Ali Gaas, es clar que quand las personas an pas res de manjar, arriban lèu a la violéncia.
Mas aquò tanben es un autre problèma. Dempuèi l’escrancament de l’estat somalian, lo país lucha contra la sieuna reïntegracion dins las Nacions Unidas. Mas totjorn i a un dos o tres govèrns. Non se pòt pas negociar res amb tant de govèrns. Puntland es un govèrn un pauc ordenat mas ailà tanben se pensa que i a de corrupcion.
“L’incertitud es totala entre lo govèrn federal somalian e de regions coma Puntland o Somaliland, que son arribadas a se declarar independentas”, çò ditz Alau Cole, lo delegat de las Nacions Unidas del programa contra la piratariá en Africa de l’Èst; “los unes donan de licéncias de pesca e los autres dison que son pas validas. Aquò es un problèma important qu’encara lo cal resòlver”.
E mai, Puntland a la sieuna Fòrça Maritima Policièra que la poguèt fondar amb l’ajuda dels Emirats Arabis Units. Mas aquestes reconeisson que son una fòrça plan pichona per contrarotlar tota la costa somaliana, la mai longa de tota Africa. Donc lo retorn dels piratas es assegurat.
Christian Andreu
Après l’escrancament de l’estat somalian, las Nacions Unidas o an tot assajat: enviaments d’aliments per tèrra e per aire, intervencions d’armadas —coma la dels Estats Units en 1994 que finiguèt per un mortalatge de soldats americans e per d’atacs intermitents de tropas kenyanas o de l’ÒNU per assajar de conquerir un pauc de territòri—.
Mas lo resultat qu’es estat decebeire. Primièr, declarèt la sieuna independéncia Somaliland, la partida mai a l’èst de la Bana d’Africa d’aquel país. Puèi Puntland faguèt parièr, mas es pas estat reconegut encara per cap d’autre país. La rèsta del país es en mans dels islamistas mai radicals e solament la capitala, Mogadisho, a las vilas de Baydhabo (Baidoa) e Kismaayo, son contrarotladas per los soldats del govèrn somalian.
E aquelas vilas son reliadas solament per d’estreches camins. En defòra d’aqueles, sonque i a un mot per descriure la situacion: lo caos. Entre 2009 e 2012 totòm s’estonèt pr’amor que, de còps, de batèls èran assautats per de piratas. De piratas en l’an 2009? Òc, e n’i aviá fòrça pertot. Fins a tal ponch que divèrses estats europèus envièron lors armadas per luchar contra eles: França, lo Reialme Unit, Espanha, los Estats Units, Canadà, etc.
L’accion foguèt eficaça mas degun non demorava pas que foguèsse solament temporari. Los darrièrs piratas de la region desapareguèron en 2012 mas ara lo govèrn somalian alèrta de lor retorn.
Demanda d’ajuda internacionala
“Lo patrolhatge de la còsta amb de vaissèls de guèrra e tanben la preséncia de gardians armats an reduch plan la piratariá”, çò confirma lo ministre de Puntland, Abadalla Jama Saleh, qu’a tot un ministeri per n’acabar amb aquel problèma, “mas los piratas son pas encara finits; dormisson e tornaràn lèu quan los darrièrs vaissèls de guèrra internacionals partiràn”.
Per tant, lo govèrn de Puntland demanda una ajuda internacionala per trobar de trabalh “a fòrça gents que se veson abocadas a la misèria e a la piratariá, qu’es solament un mejan de subrevivença. Las gents que demòran enfre tèrra se convertisson en terroristas, e las que demòran près de la costa en piratas”.
“L’Occident a una dobla morala”, çò ditz lo president de Puntland Abdiweli Ali Gaas, “los batèls qu’arribèron avián coma mission sonque de metre fin als atacs dels piratas e pas mai. Aqueste problema finiguèt en 2012 mas, que s’es fach per lutar contra lo raubament de las ressorsas naturalas somalianas qu’an fach los pescadors iranians?”
Aquò, segon lo president somalian, solament pòt far tornar los piratas un autre còp. Pr’amor que, se non s’ajuda lo sieu pòble, çò insistís Abdediweli Ali Gaas, es clar que quand las personas an pas res de manjar, arriban lèu a la violéncia.
Mas aquò tanben es un autre problèma. Dempuèi l’escrancament de l’estat somalian, lo país lucha contra la sieuna reïntegracion dins las Nacions Unidas. Mas totjorn i a un dos o tres govèrns. Non se pòt pas negociar res amb tant de govèrns. Puntland es un govèrn un pauc ordenat mas ailà tanben se pensa que i a de corrupcion.
“L’incertitud es totala entre lo govèrn federal somalian e de regions coma Puntland o Somaliland, que son arribadas a se declarar independentas”, çò ditz Alau Cole, lo delegat de las Nacions Unidas del programa contra la piratariá en Africa de l’Èst; “los unes donan de licéncias de pesca e los autres dison que son pas validas. Aquò es un problèma important qu’encara lo cal resòlver”.
E mai, Puntland a la sieuna Fòrça Maritima Policièra que la poguèt fondar amb l’ajuda dels Emirats Arabis Units. Mas aquestes reconeisson que son una fòrça plan pichona per contrarotlar tota la costa somaliana, la mai longa de tota Africa. Donc lo retorn dels piratas es assegurat.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
constati que, entre lei pais arabò-musulmans solets Marròc monarquia multiseculària e Tunisia reformada per Bourguiba capitan mai o mens ben de s'adaptar au mond modèrne, leis autres se son agut prefondats dins la tirannia o lo caòs : siá de dictaturas que mantenon lo pòble sota lo jo qu'una fes abatudas au nom de la democracia e dei drechs de l'òme viran a l'islam mai radicau, siá d'ancianas colonias onte l'anarquia es endemica despuei son independéncia e que s'entretuion alegrament leis uns leis autres sus un rèire fons cade còp mai islamic. Saludèm lo marechau Al-Sissi en Egipt e l'Argeria de la dictatura FLN que toti dos an fach parier, escartar lei fraires musulmans qu'avián ganhat democraticament leis elecions e de segur leis an pas escartats amb d'encantacions poeticas. veni de legir quatre romans principaus dau commandant -retirat de l'armada argeriana, aquela qu'a combatut lo FIS victoriós ai eleccions Yasmina Khadra qu'ai rescontrat quand li remeteriam lo grand prèmi de Provença seccion lenga francesa,-lo prèmi lenga provençala o occitana siguènt atribuït a Patrici Gauthier autor d'un bèu roman e de novèlas-en grafia mistralenca- e vos pòdi dire la lectura d'aquest flame romancier argerian de lenga francesa vos apren fòrça causas vengudas de gènts que frequentan pas tròp lei mosquèias
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari