Un còp los campionats Superliga e NRL acabats, dintram dins un temps d’afrontaments internacionals.
Campionat europèu: los Blaus ganhan
Divendres, lo campionat europèu se dobriguèt per la victòria de Galas sus Escòcia: 18-12.
Dissabte de vèspre, sostenguts per 5 000 espectators a l’Estadi d’Albi, los Blaus recebián Irlanda. Los vesitaires dobriguèron la marca, mas Marginet destillèt doas passas al pè per sos alièrs (Robin a la 24a, Sigismeau a la mièja ora de jòc): 8-6 per França que se faguèt rejónher sus penalitat just abans la pausa (8-8).
A la represa, Gigòt interceptava una palma qu’anava pausar entre los pals, abans que Fages metèsse a profièit un reversament d’ataca de Joan Bodebza. Mas una error de recepcion de Sigismeau permetiá als Verds de demorar dins la partida (20-14, 55a). Calguèt esperar las uèit darrièras minutas per rendre mai bèla la victòria dels Blaus amb un tombat de Bodebza e dos ensages de mai (Gigòt; Larroyer): 31-14 al planchòt.
Abans d’anar desfisar Galas lo divendres 30, los Blaus an una partida “amicala” de jogar dissabte a Leigh fàcia a Anglatèrra que prepara la venguda dels Kiwis. Lo segonda linha dels Dracs Eliott Whitehead es estat convocat pel seleccionaire anglés. Caldrà plan mai de determinacion e de solidaritat qu’a Albi als Blaus per pas èsser chapats tot crus!
Lesinhan-Carcassona en cap d’aficha
L’actualitat internacionala empacha pas lo debanament del campionat d’Elèit 1. Al programa de la dimenjada: dissabte, Tolosa-Limós (19h) e Vilanuèva-Palau (20h); dimenge: Dragonets-Avinhon (15h30); e en cap d’aficha, al Molin (15h15), la partida entre las doas esquipas sens desfaita Lesinhan e Carcassona.
Los calendièrs de 2016
Los responsables de la Superliga venon de desvelar lo calendièr de la sason 2016. Los Dracs entamenaràn la sason lo divendres 5 de febrièr a Wigan abans de recebre Hull FC lo dissabte 12 de febrièr a Brutus. Lo diluns de Pascas veirà ongan la venguda dels Tigres de Castleford en tèrra catalana. Per la Dimenjada Magica de Newcastle, lo dimenge 22 de mai, l’adversari dels Dracs serà Wakefield.
L’Olimpic de Tolosa començarà son aventura anglesa en League One lo dissabte 5 de març amb la recepcion de Coventry.
Alan Roch
Campionat europèu: los Blaus ganhan
Divendres, lo campionat europèu se dobriguèt per la victòria de Galas sus Escòcia: 18-12.
Dissabte de vèspre, sostenguts per 5 000 espectators a l’Estadi d’Albi, los Blaus recebián Irlanda. Los vesitaires dobriguèron la marca, mas Marginet destillèt doas passas al pè per sos alièrs (Robin a la 24a, Sigismeau a la mièja ora de jòc): 8-6 per França que se faguèt rejónher sus penalitat just abans la pausa (8-8).
A la represa, Gigòt interceptava una palma qu’anava pausar entre los pals, abans que Fages metèsse a profièit un reversament d’ataca de Joan Bodebza. Mas una error de recepcion de Sigismeau permetiá als Verds de demorar dins la partida (20-14, 55a). Calguèt esperar las uèit darrièras minutas per rendre mai bèla la victòria dels Blaus amb un tombat de Bodebza e dos ensages de mai (Gigòt; Larroyer): 31-14 al planchòt.
Abans d’anar desfisar Galas lo divendres 30, los Blaus an una partida “amicala” de jogar dissabte a Leigh fàcia a Anglatèrra que prepara la venguda dels Kiwis. Lo segonda linha dels Dracs Eliott Whitehead es estat convocat pel seleccionaire anglés. Caldrà plan mai de determinacion e de solidaritat qu’a Albi als Blaus per pas èsser chapats tot crus!
Lesinhan-Carcassona en cap d’aficha
L’actualitat internacionala empacha pas lo debanament del campionat d’Elèit 1. Al programa de la dimenjada: dissabte, Tolosa-Limós (19h) e Vilanuèva-Palau (20h); dimenge: Dragonets-Avinhon (15h30); e en cap d’aficha, al Molin (15h15), la partida entre las doas esquipas sens desfaita Lesinhan e Carcassona.
Los calendièrs de 2016
Los responsables de la Superliga venon de desvelar lo calendièr de la sason 2016. Los Dracs entamenaràn la sason lo divendres 5 de febrièr a Wigan abans de recebre Hull FC lo dissabte 12 de febrièr a Brutus. Lo diluns de Pascas veirà ongan la venguda dels Tigres de Castleford en tèrra catalana. Per la Dimenjada Magica de Newcastle, lo dimenge 22 de mai, l’adversari dels Dracs serà Wakefield.
L’Olimpic de Tolosa començarà son aventura anglesa en League One lo dissabte 5 de març amb la recepcion de Coventry.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari