Actualitats
Lo Front Nacional ganhariá las regionalas en Provença segon un sondatge d’Odoxa
Lo candidat del Partit Socialista es un desconegut pel 69% dels sondats
A dos meses de las eleccions regionalas de l’estat francés, la cap de lista del Front Nacional per la region de Provença, Marion Maréchal-Le Pen, es en cap de las intencions de vòte segon un sondatge d’Odoxa, publicat dimenge per Le Parisien e BFM TV. La deputada xenofòba es creditada del 37% al segond torn contra la lista del primièr cònsol de Niça, Christian Estrosi, que mena la coalicion d’LR, de l’UDI e del Modèm e qu’obtendriá lo 34% dels vòtes. Lo candidat del Partit Socialista, Christophe Castaner, obtendriá lo 29% dels vòtes. Cal soslinhar que lo 69% dels sondats sabon pas qual es lo candidat socialista dins la region alponiçardoprovençala. Libération ne publica una analisi.
Lo sondatge se faguèt amb 927 ciutadans inscriches sus las listas electoralas dins la region, interrogats per internet del 12 al 16 d’octòbre. La representativitat es assegurada per lo metòde de las quòtas per sèxe, edat, profession e après estratificacion per departament e categoria d’aglomeracion.
Lo sondatge se faguèt amb 927 ciutadans inscriches sus las listas electoralas dins la region, interrogats per internet del 12 al 16 d’octòbre. La representativitat es assegurada per lo metòde de las quòtas per sèxe, edat, profession e après estratificacion per departament e categoria d’aglomeracion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A una ora ont lo governament se trufa clarament de las regions en demesissent las dotacions, e amb lo fach que totas las region se tròben jol jog dels accòrdis unilaterals Estat-Regions, totes los elegits regionals se devriá levar, prepausar dins lors programas d'accions per assegurar la participacion de l'Estat dins la vida de lor region e l'augmentacion de las dotacions.
Totes los candidats devrián prepausar la mesa en plaça d'un programa mai o mens conflictual amb lo governament, amb l'Estat, per defendre sos dreches, tot simplament. De programas qu'al mens prepausarián de tibar las relacions amb lo governament.
Mas sembla que pas un partit o prepausa, e nos trobam dins un ambient de Moton de Panurge sus aquel nivèl, e es grèu, perque fa del FN la sola fòrça bravament contestatària.
Es grèu.
#6 Me sembla que l'eleccion es en decembre ... Qu'es pas denguera fach !
#2 mmmhhh me sembla qu'es lo contrari: los occitans vòlen pas auvir parlar daus partits politics occitanistas. Vesem ben lors resultats electoraus, ente son. Qu'es pas una critica, qu'es un constat.
Veni de veire que, bonòme, lo Jornalet a corregit "niçardoprovençala" en "alponiçardoprovençala".
Suggerissi "rodanencalponiçardoprovençalomediterranenca" per èstre lo mai just possible.
Sus lo subjècte, fau pas tombar dins la trapèla franco-franchimanda qu'inventa de denomicacion geografica per fin de negar leis identitats istoricas dei regions occitanas.
Lo nom lo mai corrècte e logic per nomenar aquesta region es ben "Provença", tot cortet ò "Provença - Daufinat.
E pas Provence Alpes Côte d'Azur qu'es una invencion tecnocratica talement ben implantada dins l'esperit dei gens qu'ara lei gents s'inventon una identitat "azuréenne" ò "alpine" diferenta de la realitat istorica.
Bota, avem ben de personas que creson a una identitat "sudiste" ò "nordiste" dins la França d'encuei. Lèu aurem lo pòble "alpin", que s'espandirà despuei Annecy fins a Digne, amb la mema cultura basada sus lo consum de vin caud e sus la pratica de l'snowboard.
#6 E Dalfinat, Escartons... = regions istoricas de l'espaci Alpenc coma Lengadòc, Provença...
L'espaci Alpenc es un tròç de la cultura occitana de dialècte vivaroalpenc.
#4 "Alpenc" es una denominacion geografica, pas culturala ni mai istorica.
Una part de Provença s'atròva dins Aups (e una part de Piedmont, d'Àustria, de Liguria, de Romandia, de Tyrol, etc...).
Barcelonnette es ben "Barcilona de Provença" en occitan e pas "Barcilona dals Aups", e es estada fondada per lo Comte de Provença, pas per lo "Comte dals Alps".
A despart d'aquò, siáu desesperat per la perspectiva de veire elegida una eiritiera parisenca parvenguda d'extrèma drecha en PACA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari