Actualitats
Lo filh de Trudeau, francofòn e quebequés, a ganhat las eleccions e reviscòla lo sòmi dels federalistas canadians
Pierre Trudeau foguèt una de las grandas figuras de la politica canadiana, un intellectual brilhant e un grand defensor de las causas que i cresiá. Èra un liberal quebequés prigondament opausat a l’independéncia. Mas cambièt la federacion canadiana en establissent de mesuras tant importantas coma la consolidacion efectiva del bilingüisme francés-anglés dins tot lo país, la reconeissença de la singularitat quebequesa, lo retorn de la constitucion —que trenquèt los darrièrs ligams que lo país aviá amb lo Reialme Unit dins l’encastre parlamentari— e mai la proclamacion dels dreches civils. Totun, en Quebèc se’n remembran per son oposicion vigorosa e de còps violenta al nacionalisme quebequés.
Quinze ans après sa mòrt, lo nom d’ostal Trudeau es tornat dins la politica canadiana, e per la granda pòrta. Lo sieu Partit Liberal a tornat ganhar las eleccions contra lo conservator Stephen Harper, amb una victòria espectaclosa dirigida per Justin Trudeau, lo filh de Pierre Trudeau.
Dins lo recompte electoral, i pesa fòrça encara lo resultat en Quebèc, que ne ven la familha Trudeau. En Quebèc, lo Partit Quebequés, independentista, se presenta pas jamai a las eleccions federalas. Per contra se i presenta lo Blòc Quebequés, tanben independentista. A l’ora d’ara, lo Partit Quebequés es lo segond partit de l’Assemblada Nacionala quebequesa e lo principal partit de l’oposicion, luènh de las majoritats que lo menèron a convocar dos referendums d’independéncia.
Pel Blòc Quebequés, la situacion es fòrça pièger. Entre 1993 e 2011, ganhèt totjorn la majoritat dels 75 sètis que Quebèc elegís dins lo parlament federal. Èra lo segond partit de Canadà e l’oposicion oficiala. Totun, dins las eleccions de 2011, lo Blòc Quebequés obtenguèt solament dos deputats e, e mai s’ara ven de recuperar una partida dels sètis perduts, es fòrça luènh d’ont èra fa d’ans e la siá influéncia a Ottawa serà nulla. En Canadà, las circonscripcions son uninominalas e qui i ganha obten lo sèti. Mas la realitat es que dins las eleccions de 1993, lo Blòc Quebequés atenguèt lo 49,3% dels vòtes e en 2011 s’èra reduch al 23,4%. E mai se lo recompte es encara parcial, dins aquelas eleccions an davalat d’un 20% dels vòtes.
En Quebèc, dins las darrièras eleccions, lo Partit Liberal aviá solament sèt sètis e dins aquesta ocasion a ganhat a las eleccions amb clartat.
Un refús clar del “George Bush canadian”
En tèrmes generals, se pòt dire que la victòria estonanta dels liberals se basa sus la denóncia de l’estil de govèrn dels conservators d’Stephen Harper, qu’an dominat la vida politica canadiana aqueste darrièr decenni.
Harper es vist generalament coma un politician tròp pròche de çò qu’òm espèra d’un politician dels Estats Units, amb d’accions e de proposicions fòrça drechistas en tèrmes socials e amb una alineacion creissenta amb los Estats Units sus totes los terrens, comprés lo militar. L’imatge del “George Bush de Canadà” li es pas estat profechós dins aquestas eleccions, çò qu’es estat fòrça ben aprofechat per la campanha del jove Justin Trudeau.
Qualques eveniments recents, coma l’assag d’atemptat al parlament quand temptava d’aprovar una lei draconiana de l’estil del Patriot Act, o ben la critica de la participacion de la fòrça aeriana dins los atacs recents en Iraq, an pas agradat majoritàriament a la societat canadiana, qu’es fòrça multiculturala e pauc atracha per l’estil del país vesin del sud.
Los canadians semblan fatigats de la politica conservatritz e se son estrambordats amb l’aparicion d’aquel jovenòme que degun se fisava pas d’el abans l’estiu e que semblava destinat solament a gerir lo passatge pel desèrt que los liberals se i èran meses en 2011. Ara, amb una victòria istorica en mans, aurà l’escasença de redessenhar Canadà, coma o faguèt ja son paire. Es una aspiracion que, en venent d’un quebequés francòfon coma el, pausa de dificultats seriosas als independentistas.
Vilaweb
— Sit web de la CBC amb tota l’informacion de la nuèch electorala
— Sit web del jornal Le Devoir, amb d’informacion especiala sus Quebèc
— Sit web de la television quebequesa TVA Nouvelles.
Quinze ans après sa mòrt, lo nom d’ostal Trudeau es tornat dins la politica canadiana, e per la granda pòrta. Lo sieu Partit Liberal a tornat ganhar las eleccions contra lo conservator Stephen Harper, amb una victòria espectaclosa dirigida per Justin Trudeau, lo filh de Pierre Trudeau.
Dins lo recompte electoral, i pesa fòrça encara lo resultat en Quebèc, que ne ven la familha Trudeau. En Quebèc, lo Partit Quebequés, independentista, se presenta pas jamai a las eleccions federalas. Per contra se i presenta lo Blòc Quebequés, tanben independentista. A l’ora d’ara, lo Partit Quebequés es lo segond partit de l’Assemblada Nacionala quebequesa e lo principal partit de l’oposicion, luènh de las majoritats que lo menèron a convocar dos referendums d’independéncia.
Pel Blòc Quebequés, la situacion es fòrça pièger. Entre 1993 e 2011, ganhèt totjorn la majoritat dels 75 sètis que Quebèc elegís dins lo parlament federal. Èra lo segond partit de Canadà e l’oposicion oficiala. Totun, dins las eleccions de 2011, lo Blòc Quebequés obtenguèt solament dos deputats e, e mai s’ara ven de recuperar una partida dels sètis perduts, es fòrça luènh d’ont èra fa d’ans e la siá influéncia a Ottawa serà nulla. En Canadà, las circonscripcions son uninominalas e qui i ganha obten lo sèti. Mas la realitat es que dins las eleccions de 1993, lo Blòc Quebequés atenguèt lo 49,3% dels vòtes e en 2011 s’èra reduch al 23,4%. E mai se lo recompte es encara parcial, dins aquelas eleccions an davalat d’un 20% dels vòtes.
En Quebèc, dins las darrièras eleccions, lo Partit Liberal aviá solament sèt sètis e dins aquesta ocasion a ganhat a las eleccions amb clartat.
Un refús clar del “George Bush canadian”
En tèrmes generals, se pòt dire que la victòria estonanta dels liberals se basa sus la denóncia de l’estil de govèrn dels conservators d’Stephen Harper, qu’an dominat la vida politica canadiana aqueste darrièr decenni.
Harper es vist generalament coma un politician tròp pròche de çò qu’òm espèra d’un politician dels Estats Units, amb d’accions e de proposicions fòrça drechistas en tèrmes socials e amb una alineacion creissenta amb los Estats Units sus totes los terrens, comprés lo militar. L’imatge del “George Bush de Canadà” li es pas estat profechós dins aquestas eleccions, çò qu’es estat fòrça ben aprofechat per la campanha del jove Justin Trudeau.
Qualques eveniments recents, coma l’assag d’atemptat al parlament quand temptava d’aprovar una lei draconiana de l’estil del Patriot Act, o ben la critica de la participacion de la fòrça aeriana dins los atacs recents en Iraq, an pas agradat majoritàriament a la societat canadiana, qu’es fòrça multiculturala e pauc atracha per l’estil del país vesin del sud.
Los canadians semblan fatigats de la politica conservatritz e se son estrambordats amb l’aparicion d’aquel jovenòme que degun se fisava pas d’el abans l’estiu e que semblava destinat solament a gerir lo passatge pel desèrt que los liberals se i èran meses en 2011. Ara, amb una victòria istorica en mans, aurà l’escasença de redessenhar Canadà, coma o faguèt ja son paire. Es una aspiracion que, en venent d’un quebequés francòfon coma el, pausa de dificultats seriosas als independentistas.
Vilaweb
— Sit web de la CBC amb tota l’informacion de la nuèch electorala
— Sit web del jornal Le Devoir, amb d’informacion especiala sus Quebèc
— Sit web de la television quebequesa TVA Nouvelles.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés per aquela novela de las eleccions al Quebèc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari