Diluns passat a Sant Orenç (Tolosan), un passant levèt las claus de l’escotèr de dos malfactors qu’èran a bracar una joielariá. Aital lo passant permetèt als gendarmas d’arrestar aisidament los raubaires, çò rapòrta Actu Côté Toulose.
 
Los panaires èran intrats amb l’escotèr dins una galariá comerciala, se parguèron davant la joielariá qu’anavan bracar mas daissèron las claus al contacte. Mentre que panavan a man armada, un passant levèt las claus del veïcul. Aquò forcèt los panaires a fugir a pè e, per tant, los gendarmas los poguèron percaçar e agafar lèu e los metre en gàrdia a vista.
 
La Dépêche publica una entrevista d’aquel eròi anonim.
 
E los gendarmas del departament rapòrtan lo fach sus lor sit Facebook.