Divèrses comandos curds e estatsunidencs an fach aquesta setmana un atac contra la vila iraquiana d’Hawija, un luòc dominat per de soldats de l’Estat Islamic, e liberèron divèrses presonièrs que los islamistas los gardavan dins una preson d’aquela vila. Los atacants tanben prenguèron divèrses presonièrs islamistas, segon çò que confirman d’oficials iraquians de Bagdad.
L’atac foguèt una operacion secreta facha ensems per l’armada curda e l’estatsunidenca, mas los oficials militars declinèron de far mai de comentaris pr’amor que l’operacion èra encara classada secreta. Ara, segon plusors oficials iraquians, l’operacion èra estada un còp plan fort contra los islamistas pr’amor que fasiá partida d’una contraofensiva contra Estat Islamic e èra estada una escasuda. Aqueles meteisses oficials tanben confirmèron qu’en l’atac i aviá agut d’elicoptèrs e d’avions estatsunitencs e mai divèrses grops d’operacions especialas, tan curds coma estatsunidencs.
Una auta version parla d’un atac principal fach solament per los curds, mas sembla segur que los estatsunidencs foguèron tanben dins l’atac. Mentre qu’aquò se passava, plusors avions estatsunitencs atacavan diferentas estradas que menavan a l’endrech. Aital se poguèt capturar mantes nauts oficials islamistas mentre que divèrses presonièrs iraquians e curds foguèron liberats.
Contraofensiva estatsunidenca en Iraq
Tot aquò sembla d’èsser inclús dins una contraofensiva menada per l’armada iraquiana, per la curda e per l’estatsunidenca e que ja es estada reconeguda per Washington. Demest los objectius que’s vòlon conquistar, que i a la vila iraquiana de Ramadi e la de Baiji. La vila d’Hawija, plaçada al nòrd d’Iraq, ja fasiá de meses qu’èra estada capturada per los islamistas e qu’èra coneguda pr’amor que i aviá una càrcer amb de presonièrs iraquians e curds importants dins la lucha que divèrses païses —los aliats— fan contra los islamistas de l’EI.
Dins aquela contraofensiva curdoestatsunidenca, l’atac fach contra la preson d’Hawija es estrategicament important pr’amor que, fins al jorn d’uèi, s’èra fach divèrsas operacions en Siria mas encara pas cap en Iraq dempuèi plusors meses. Amb la confirmacion oficiala de Washington, e de divèrses oficials de l’armada iraquiana, los aliats vòlon donar de publicitat a la lor lucha contra l’Estat Islamic dins un moment que l’opinion publica mondiala demanda de mai en mai d’esfòrces contra la barbariá islamista dins aquela region.
De fach, aquela operacion tanben sembla d’èsser estada la mai importanta realizada per los estatsunitencs dempuèi que lancèron un atac contra l’ostal d’un financièr plan important de l’Estat Islamic, apelat Abu Sayyaf, a l’èst de Siria. Aquò se passèt al mes de mai passat, e los estatsunidencs acabèron l’operacion en tot tuar lo financièr e en recuperar los sieus ordenadors, fòrça importants segon los servicis d’intelligéncia estatsunidencs.
Christian Andreu
New York Times: The State of the War Against ISIS
L’atac foguèt una operacion secreta facha ensems per l’armada curda e l’estatsunidenca, mas los oficials militars declinèron de far mai de comentaris pr’amor que l’operacion èra encara classada secreta. Ara, segon plusors oficials iraquians, l’operacion èra estada un còp plan fort contra los islamistas pr’amor que fasiá partida d’una contraofensiva contra Estat Islamic e èra estada una escasuda. Aqueles meteisses oficials tanben confirmèron qu’en l’atac i aviá agut d’elicoptèrs e d’avions estatsunitencs e mai divèrses grops d’operacions especialas, tan curds coma estatsunidencs.
Una auta version parla d’un atac principal fach solament per los curds, mas sembla segur que los estatsunidencs foguèron tanben dins l’atac. Mentre qu’aquò se passava, plusors avions estatsunitencs atacavan diferentas estradas que menavan a l’endrech. Aital se poguèt capturar mantes nauts oficials islamistas mentre que divèrses presonièrs iraquians e curds foguèron liberats.
Contraofensiva estatsunidenca en Iraq
Tot aquò sembla d’èsser inclús dins una contraofensiva menada per l’armada iraquiana, per la curda e per l’estatsunidenca e que ja es estada reconeguda per Washington. Demest los objectius que’s vòlon conquistar, que i a la vila iraquiana de Ramadi e la de Baiji. La vila d’Hawija, plaçada al nòrd d’Iraq, ja fasiá de meses qu’èra estada capturada per los islamistas e qu’èra coneguda pr’amor que i aviá una càrcer amb de presonièrs iraquians e curds importants dins la lucha que divèrses païses —los aliats— fan contra los islamistas de l’EI.
Dins aquela contraofensiva curdoestatsunidenca, l’atac fach contra la preson d’Hawija es estrategicament important pr’amor que, fins al jorn d’uèi, s’èra fach divèrsas operacions en Siria mas encara pas cap en Iraq dempuèi plusors meses. Amb la confirmacion oficiala de Washington, e de divèrses oficials de l’armada iraquiana, los aliats vòlon donar de publicitat a la lor lucha contra l’Estat Islamic dins un moment que l’opinion publica mondiala demanda de mai en mai d’esfòrces contra la barbariá islamista dins aquela region.
De fach, aquela operacion tanben sembla d’èsser estada la mai importanta realizada per los estatsunitencs dempuèi que lancèron un atac contra l’ostal d’un financièr plan important de l’Estat Islamic, apelat Abu Sayyaf, a l’èst de Siria. Aquò se passèt al mes de mai passat, e los estatsunidencs acabèron l’operacion en tot tuar lo financièr e en recuperar los sieus ordenadors, fòrça importants segon los servicis d’intelligéncia estatsunidencs.
Christian Andreu
New York Times: The State of the War Against ISIS
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercès als Russos que han ajudat al paure poble sirià e kurd. Ara començan los americans a far qualque causa,ho fan perquè no els critiquen de que no foten res de bo. Fins ara només bombardejavon als kuds.
Los autre s'escapan. los curds, eles al mens, ensajan de fotre los rat fòra l'ostal. E degun los ajuda pas! Vergonha!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari