Actualitats
De milierats de personas an manifestat a Montpelhièr per la lenga occitana
Malgrat una participacion inferiora a las manifestacions precedentas, un clam popular se manten
La crida de l’IEO Nacional e de Calandreta a manifestar, per una lei de desvolopament e ensenhament de l’occitan, a recebut dissabte 24 d’octòbre la responsa positiva de milierats de personas qu’an pres lo còr de Montpelhièr en una granda manifestacion revendicativa. Fasiá tres ans e mièg de la darrièra granda marcha, a Tolosa, en març de 2012, e la bona participacion faguèt evident que la clamor sociala en Occitània existís, qu’es pas una mòda.
Pendent tot lo matin, lo centre de la revendicacion foguèt l’Esplanada, ont las entitats e las associacions occitanas quilhèron los taulièrs e ont Òc Tèle e Ràdio Lenga d’Òc placèron lors estudis. Ailà, los manifestants poguèron manjar e beure un còp e escambiar d’idèas.
Puèi la protèsta comencèt de bolegar per carrièras dins Montpelhièr fins a tornar a l’Esplanada, dins un ambient festiu e convivial, animat per de musicians e de fanfaras. Coma los autres còps, los escolans de Calandreta foguèron nombroses dins la manifestacion malgrat lo periòde de vacanças escolaras.
Malgrat qualques empediments, coma las vacanças escolaras e l’oposicion de qualques collectius a l’organizacion de la manifestacion, lo president de Calandreta, Joan-Loís Blenet, a qualificat plan positivament la participacion qu’es estada pasmens inferiora a las convocacions precedentas: 15 000 personas segon la polícia. La protèsta, segon Blenet, cèrca de “desencalar la situacion de l’ensenhament amb de convencions estat-regions, e ansin vòl definir un estatut de lenga regionala dins l’ensenhament. E tanben vòl far una accion importanta de comunicacion per redreiçar l’imatge de la lenga”.
Un grop mai reduch de manifestants, en tot plànher que lo percors passava per de zònas pauc abitadas, decidiguèron de prene un trajècte alternatiu en passant per la prefectura. A la fin rejonguèron lo cortegi que s’acabèt tornarmai a l’Esplanada dins un ambient de fèsta. L’estrambòrd se podiá remarcar.
De ser, après la manifestacion, davant l’ostal de la comuna, clavèron la jornada los concèrts de Le Bal du Griffe, Cocanha, Laurent Cavalié e San Salvador.
Fòtos de Xavier Malafosse
Pendent tot lo matin, lo centre de la revendicacion foguèt l’Esplanada, ont las entitats e las associacions occitanas quilhèron los taulièrs e ont Òc Tèle e Ràdio Lenga d’Òc placèron lors estudis. Ailà, los manifestants poguèron manjar e beure un còp e escambiar d’idèas.
Puèi la protèsta comencèt de bolegar per carrièras dins Montpelhièr fins a tornar a l’Esplanada, dins un ambient festiu e convivial, animat per de musicians e de fanfaras. Coma los autres còps, los escolans de Calandreta foguèron nombroses dins la manifestacion malgrat lo periòde de vacanças escolaras.
Malgrat qualques empediments, coma las vacanças escolaras e l’oposicion de qualques collectius a l’organizacion de la manifestacion, lo president de Calandreta, Joan-Loís Blenet, a qualificat plan positivament la participacion qu’es estada pasmens inferiora a las convocacions precedentas: 15 000 personas segon la polícia. La protèsta, segon Blenet, cèrca de “desencalar la situacion de l’ensenhament amb de convencions estat-regions, e ansin vòl definir un estatut de lenga regionala dins l’ensenhament. E tanben vòl far una accion importanta de comunicacion per redreiçar l’imatge de la lenga”.
Un grop mai reduch de manifestants, en tot plànher que lo percors passava per de zònas pauc abitadas, decidiguèron de prene un trajècte alternatiu en passant per la prefectura. A la fin rejonguèron lo cortegi que s’acabèt tornarmai a l’Esplanada dins un ambient de fèsta. L’estrambòrd se podiá remarcar.
De ser, après la manifestacion, davant l’ostal de la comuna, clavèron la jornada los concèrts de Le Bal du Griffe, Cocanha, Laurent Cavalié e San Salvador.
Fòtos de Xavier Malafosse
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Els Ocitans ho teniu molt clar, sou Occitans hi parleu amb Occità, teniu una cultura, història i lengua pròpia, i sou un grand Pais.
A mi no m'importaria una confederació de Catalunya amb Occitàina, somni de Pere I i F. Macià per altre banda.
Així que la lluita continua, i a per la inependència, que ja toca.
"Tàrrega".
#26 La batalha de Muret ? Ren qu'aquò ?
Quant de mòrts ? Lo rei d'Aragon s'i prenguèt un marrit còp, lei soldats catalans se neguèran en fugissant ?
Ai mancat quicòm
#33: +1
La mei nombrosa e la mei mespresada totun...
#32 Cresi pas que siam los menaires (o senon del carnaval) de qué que siá. Sèm la minoritat istorica de França la pus mal respectada se comparam amb los corsos o los bascos.
Pòble organizat, Pòble respectat?
Una question: la data de la manif foguèt a l'iniciativa deis associacions culturalas occitanas e leis autres movements culturaus de França an seguit puèi fach lor manif cadun de son costat?
Perqué s'es ben çò qu'ai comprés, vòu dire que leis occitans son lei menaires de l'afar per la reconoisséncia dei lengas en França! Es aquò es positiu!! De que mostrar nòstra fòrça, en mai de la fòrça numerica!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari