La lista que Christian Troadec la dirigís tempta de s’erigir en tresena via, en marge de la drecha e de l’esquèrra francesas. La coalicion recampa l’UDB e l’MBP. Lo darrièr sondatge li baila un 8% d’intencions de vòte.
Una coalicion electorala formada sonque per de partits bretons s’atròba pròche lo 10% d’intencions de vòte per lo primièr torn de las eleccions de decembre, al conselh regional de Bretanha. O nòta un sondatge que tanben prevei una victòria incontestabla dels socialistas. Lo resultat de la coalicion bretona seriá istoric, que permetriá a l’autonomisme de se projectar coma tresena via, entre la drecha e l’esquèrra d’obediéncia francesa.
La coalicion Oui la Bretagne (Òc Bretanha) es formada per l’Union Democratica Bretona (UDB) e lo Movement Bretanha e Progrès (MBP). La dirigís lo maire de Karaez, Christian Troadec, fòrça popular en Bretanha despuèi que menèt las manifestacions dels Bonets Roges, amb un excepcional resson mediatic; aquel movement qu’amassèt d’agricultors, de pichons proprietaris e d’obrièrs opausats a l’ecotaxa e favorables a una màger descentralizacion de l’estat francés envèrs Bretanha.
La coalicion, que se reclama de centresquèrra, es favorabla a l’autonomia, a la plena reconeissença de la lenga e de la cultura bretonas e a la reünificacion de Bretanha. En consequéncia, es contra la reforma regionala, vòl la “relocalizacion del poder de decision” en Bretanha, evitant, d’aquela manièra, las presas de decision que prenon pas en compte la situacion locala.
Objectiu: lo 10% dels vòtes
Lo grand objectiu de Oui la Bretagne es d’obténer lo 10% dels vòtes al primièr torn de las eleccions, lo 6 de decembre venent. Segon la lei electorala francesa, las listas qu’obtenon aquel percentatge al primièr torn se pòdon presentar soletas al segond e intrar dins la desparticion dels sètis. S’una lista obten entre lo 5% e lo 10% dels vòtes al primièr torn, se pòt presentar al segond mas deu fusionar amb una de las qu’an despassat lo lindal.
Segon lo sondatge publicat per l’IFOP la setmana passada, la lista de Troadec auriá ara un 8% d’intencions de vòtes e se situariá coma quatrena fòrça, davant los ecologistas e lo Front d’Esquèrra. La victòria seriá per lo Partit Socialista (32%), seguit per la coalicion dels Republicans (anciana UMP, 27%) e per lo Front Nacional (16%).
Aquesta nòva es adaptada de Nationalia, amb qui Jornalet a un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primer el 10%, després ell 60%, i després l'independència, evolució natural
"El Tàrrega".
L'Esquèrra bretona tan bèstia e sectària que l'Esquèrra occitana (lo PÒC que refusa de trabalhar amb lo PNO). Atal Òc per Bretanha refusèt de prene dins la coalicion lo Partit Breton per çò qu'es de centredrech: "une interview dans laquelle Troadec affirme que la gauche a des valeurs non négociables comme «l'humanisme et le progressisme». Cette affirmation sous-entend qu'un parti de droite ou du centre ne peut être, ni humaniste, ni progressiste". Quina cròia! Quina imbecilitat de l'Esquèrra bretona que preferís son assujetiment a l'imperialisme francés puslèu que de far aligança amb un partit breton de drecha!
Manca d'astre, totjorn segon l'Agéncia Bretanha Premsa lo Partit Breton representa los 2% que riscan de mancar a la coalicion per èsser presenta al segond torn "Ironiquement, les 2% qui manquent auraient facilement pu être comblés par le Parti Breton qui fait en moyenne plus de 2% aux élections quelqu'elles soient et qui demandait à faire partie de cette liste. Rejeté, le PB présente sa propre liste emmenée par Bertrand Deléon".
Quand pensi que los imperialistas parisencs aurán quitament pas la mendre reconeissença per l'esquèrra bretona, me disi qu'es de pan benesit a la glèisa! Los traïdors an pas que çò que s'ameritan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari