Actualitats
Tony Blair demanda perdon per l’invasion d’Iraq
L’explicacion que donèron èra que lo govèrn iraquian aviá d’armas de destruccion massissa, çò qu’èra pas vertat
“Demandi perdon pel fach que las informacions del servici d’intelligéncia que recebèrem èran erronèas”, çò diguèt l’èx-primièr ministre britanic, Tony Blair, dins una entrevista concedida a la CNN estatsunidenca. Es aital qu’a demandat perdon lo politician laborista, qu’en 2003 contribuiguèt a l’invasion d’Iraq amb la collaboracion dels Estats Units e de l’estat espanhòl. L’explicacion que donèron èra que lo regim de Saddam Husayn aviá d’armas de destruccion massissa, una informacion que pus tard se demostrèt qu’èra pas segura e es pr’amor d’aquò qu’ara Blair demanda perdon.
Perdon per aver causat l’espelida de l’Estat Islamic
“Demandi perdon tanben per qualques unas de las errors de planificacion e, de segur, per la nòstra error quand caliá comprene çò que se passariá un còp tombat lo regim de Saddam”, çò apondèt, en referéncia a l’espelida de grops armats coma l’Estat Islamic. Reconeis per tant que çò que se faguèt en 2003 a los sieus efièches en 2015. Tocant Saddam Husayn, Blair reconeis que li còsta de demandar perdon per l’aver eliminat.
Vaicí las declaracions de Tony Blair a la CNN:
Vaicí las explicacions de Tony Blair al Parlament:
Perdon per aver causat l’espelida de l’Estat Islamic
“Demandi perdon tanben per qualques unas de las errors de planificacion e, de segur, per la nòstra error quand caliá comprene çò que se passariá un còp tombat lo regim de Saddam”, çò apondèt, en referéncia a l’espelida de grops armats coma l’Estat Islamic. Reconeis per tant que çò que se faguèt en 2003 a los sieus efièches en 2015. Tocant Saddam Husayn, Blair reconeis que li còsta de demandar perdon per l’aver eliminat.
Vaicí las declaracions de Tony Blair a la CNN:
Vaicí las explicacions de Tony Blair al Parlament:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quina barra! morts i mès morts,! Un Pais destruit, i l'home ara demana perdó, vols dir que ja ho savia hi ha callat fins ara per salvar la barretina.
Nomès cal mirat les coseqüencies, potser l'únic que volien era el petroli d'Iraq i dominar el Món, però mira els ha sortit malament hi ara ens demana perdó, fa gràcia, però el que ha fet, i han fet, és molt greu, algú hi tindria que pagar per les consequencies.
Els bons iraquians no en tenen la culpa.
"El Tàrrega".
Demanda perdon per l'invasion de l'Iraq ? E per l'invasion d'Irlanda, de Gàlias e d'Escòssia, demanda tanben perdon ? E per las invasions economicas de totas las tèrras colonizadas, demanda perdon ? E per l'invasion del sistèmi economic anglosaxon pertot dins lo mond, demanda perdon ? Parlas d'un arlèri !
Ja en 2003 se parlava de mensòrgas a prepaus de la volentat de batre Irac en causa d'una preséncia d'armas de destruccion massissas...
Sabiái qu'èra un arlèri mas pensavi pas qu'aniriá duscas a se fotre de nautres aital!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari