Actualitats
L’OMS ditz que la carn tractada pòt causar lo càncer
L’Organizacion Mondiala de la Santat considèra tanben que la carn roja es “probable cancerogèna”
L’Organizacion Mondiala de la Santat (OMS) decidiguèt diluns passat d’inclure la carn tractada (coma lo lard, lo cambajon cuèch, las salsissas...) dins la lista dels possibles agents que causan lo càncer, mai que mai lo colorectal o lo de prostata. L’Agéncia Internacionala per la Rercèrca sul Càncer, que fa partida de l’OMS, a classificat aquela sòrta de carns dins lo grop 1 de las substàncias cancerogènas, al meteis nivèl que lo tabat e l’amiant. A decidit tanben de comprene qualques carns rojas dins lo grop 2A dels agents que pòdon causar un càncer.
La carn roja, segon l’agéncia, fa referéncia a tota sòrta de carn eissida de “teissuts musculars de mamifèrs coma lo buòu, lo vedèl, lo pòrc, l’anhèl amb la feda, lo caval e la cabra”.
Tocant los produches de carn tractada, fa referéncia a “la carn transformada per salason, madurason, fermentacion, fumatge o d’autres procèsses utilizats per n’aumentar lo gost o ne melhorar la conservacion”. La màger part de las carns tractadas contenon de pòrc o de buòu, coma las salsissas de Francfòrt, lo cambajon, las salsissas e la carn en consèrva.
L’OMS ditz que consumar 50 gramas de carn tractada cada jorn, coma de lard, de carnsalada e de salsissas, aumenta del 18% lo risc d’aver un càncer colorectal.
Fa ja qualques annadas que i a d’estudis que restacan lo consume excessiu d’aquela sòrta de carns amb lo càncer colorectal e lo de prostata. O dison coma los rapòrts del Grop Internacional d’Estudis del Càncer (WCRF), mas fins ara l’OMS los aviá pas preses en consideracion.
Sus son sit web, lo WCRF considèra que lo consume excessiu de carn tractada e roja se restaca dirèctament al càncer colorectal. Recomanda per tant de manjar un maxim de cinc cents gramas de carn roja per setmana “coma de vedèl, de pòrc e d’anhèl”, e pauc o ges de carn tractada “coma lo cambajon cuèch e lo lard”.
La carn roja, segon l’agéncia, fa referéncia a tota sòrta de carn eissida de “teissuts musculars de mamifèrs coma lo buòu, lo vedèl, lo pòrc, l’anhèl amb la feda, lo caval e la cabra”.
Tocant los produches de carn tractada, fa referéncia a “la carn transformada per salason, madurason, fermentacion, fumatge o d’autres procèsses utilizats per n’aumentar lo gost o ne melhorar la conservacion”. La màger part de las carns tractadas contenon de pòrc o de buòu, coma las salsissas de Francfòrt, lo cambajon, las salsissas e la carn en consèrva.
L’OMS ditz que consumar 50 gramas de carn tractada cada jorn, coma de lard, de carnsalada e de salsissas, aumenta del 18% lo risc d’aver un càncer colorectal.
Fa ja qualques annadas que i a d’estudis que restacan lo consume excessiu d’aquela sòrta de carns amb lo càncer colorectal e lo de prostata. O dison coma los rapòrts del Grop Internacional d’Estudis del Càncer (WCRF), mas fins ara l’OMS los aviá pas preses en consideracion.
Sus son sit web, lo WCRF considèra que lo consume excessiu de carn tractada e roja se restaca dirèctament al càncer colorectal. Recomanda per tant de manjar un maxim de cinc cents gramas de carn roja per setmana “coma de vedèl, de pòrc e d’anhèl”, e pauc o ges de carn tractada “coma lo cambajon cuèch e lo lard”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Mercés!
Emmanuèl , te poiriai far una responsa fòrça longa sus aquel sicut mas ai pas pro temps e es benlèu pas lo lòc dins los comentaris.
Cresi pas que los vegans volhèn tirar los umans de la "naturalitat" (neologisme meu sorry). Seria puslèu los transumanistas qu'o voldrian (podi pas far aisidament los accents sus aquela maquina, desencusatz).
Primièr, citarai aquela frasòta que correspond a pauc prèp a ma pensada, que sabi pas pus qui l'a escricha : "Entre los umans e los animals, es pas una question de diferença de natura mas de diferença de degrat".
Los umans son d'animals, segur, mas an una consciéncia morala, e una capacitat d'empatia benlèu (mas qu'un pòt trobar en cò d'autyres animals ça que là), mai elaborada, mai espandida, cresi, que los fai mai conscients de lors actes, en particuièr dels patiments que fan a subir als autres, als autres èssers vius, e donc mai responsables, cresi. Pasmen, sabi pas se totes los vegans partatjan aquel vejaire, pas forçadament.
Segond,, los comportaments umans, fa de temps que son pas pus indefectiblament consubstancials a la natura. Cada jorn, avèm de comportaments que se troban pas basicament dins la Natura, coma se penchenar, se mascarar, se vestir, manjar de plats elaborats, la sexualitat... afen, un fum d'activitats umanas (qu'una partida se podon tornar trobar en cò d'autras espécias ça que la, lo pròpre de l'òme èssent pas tant aisit a trobar). Doncas, invocar la Natura per dire oc, aquò es bon, o non, aquò es pas bon, me sembla pas valable.
Empacha pas de trobar melhor de s'eslonhar pas tròp de la Natura (quitament s'es en partida una construccion sociala la Natura amb una granda). Bon es mon vejaire e aquel de mantuns vegans mas pretend pas representar tot lo monde.
Per acabar, vòle dire qu'avèm auèi la possibilitat de causir de manjar o manjar pas de carn dins nòstres paises, avèm la possibilitat de viure coma cal en se passar de carn. Apondrai que nòstres cosins gorillas se passan de carn (per çò qu'es de carn, manjan sonque quauques insèctes sens o far intencionalament de costuma) sens que lor pause de problèma (son fòrça musclats tanben !). I a forçadament agut de pòbles umans pel passat (n'i a encara en fach) que se passavan de carn. Enfin, la consomacion de carn me sembla fòrça mai culturala que naturala (mas coma o disiai, es pas l'argument que rentendrai primièr) per çò que concernis los umans, me sembla.
Aqui, esperi d'aver respondut a ta question.
#10 I a un quicòm de curiós (de mon punt de vista) que me podriás benlèu explicar : d'ont ven que lo moviment vegan, qu'es tant atentiu e respectuós de la natura, vòlga sortir l'uman del cicle natural ? Precisi ma pensada : se un uman es una bèsita coma una autra, a lo drech de viure, se noirir, se reprodusir, caçar e tuar se cal per sa subrevida (e morir a son torn per noirir) ? Compreni ben la revòlta contra lo chaple animal que son los elevatges e masèls industrials, mas panar la mèl a las abelhas, la lana a las oèlhas, sagnar un polet o un vedèl de temps en temps me sembla dins lo cicle natural de la vida. O alara los umans son pas coma lors fraires (diriá Sant Francés) ors e monin ?
Mercés dels esclarziments.
#9 Manjar carn implica de tuar dètz cops mai de plantas puèi que las bèstias que consoman son evidentament noiridas amb de plantas cultivadas. Se pot tanben far coma los Jains e manjar pas que de granas, fruchas, tombadas solas de l'aubre. Ieu m'acontenti per ara de me comportar d'un biais vegan, es lo minim plan aisit de far.
Quora manjar carn tuam bè!stias. Mas quora non manjan carn, tuam plantas. La vida de soirís de la mòrt, tan segurament coma la riquesa se norís de la misèria. Per lo segond problèma, entrevesi unas solucions, mas pel primièr, a despart de se ficar de seguida un o dos plombs pel cap…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari