La majoritat independentista del Parlament de Catalonha e Aran (Amassa per l’Òc e CUP) registrèron ièr una proposicion de declaracion que deu “marcar lo començament de la legislatura” e que deu menar a “la creacion d’un estat independent en forma de republica catalana”. Lo tèxt es ara dobèrt als emendaments dels autres partits, se ne vòlon prepausar, e se votarà abans la session d’investidura.
 
Segon aquel escrich, “lo mandat democratic” de las eleccions del 27 de setembre passat obliga de trabalhar per que “Catalonha venga un estat independent”; e mai ditz que la “larga majoritat sobeiranista en vòtes e en sètis” deu “dobrir un procès constituent e non subordenat”. Per tant, se “sollicita lo futur govèrn per adoptar las mesuras necessàrias e per far efectivas aquelas declaracions”. La declaracion establís un “relambi maximal de 30 jorns de preparacion de las leis del procès constituent, de la seguretat sociala e del tresaur public”.
 
Al delà, lo tèxt especifica exprèssament qu’es lo Parlament qu’es lo “depositari de la sobeiranetat e de l’expression del poder constituent”, e alavetz aquel parlament “se sometrà pas a las decisions de las institucions de l’estat espanhòl”, en tot mençonar particularament lo “Tribunal Constitucional” espanhòl que lo tèxt considèra “deslegitimat e sens competéncia”.

 
Lo govèrn espanhòl la vòl impugnar
 
Lo ministre de la justícia espanhòl, Rafael Catalá, a declarat qu’“estudiarà juridicament” aquela declaracion, e non pas politicament, e que s’es contrària a la Constitucion espanhòla, el “defendrà tornarmai l’estat de drech”. Pasmens deu esperar que lo document s’apròve per l’impugnar.
 
 
Operacion policièra al domicili de l’èx-president Pujol
 
Lo meteis jorn, la polícia espanhòla a montat una granda operacion per furnar la residéncia de l’èx-president de la Generalitat, Jordi Pujol, e de tres de sos enfants. Segon çò que rapòrtan qualques mèdias espanhòls, se tracta d’una operacion de l’Unitat dels Delictes Economics de la Polícia Espanhòla (UDEF), qu’a fach catòrze furns simultanèus amb l’intervencion


Menaça de Mariano Rajoy
De son costat, lo president espanhòl Mariano Rajoy convoquèt d’urgéncia una conferéncia de premsa. Rajoy menacèt lo Parlament de Catalonha e Aran d’emplegar “totes los mecanismes politics e juridics” s’aquela declaracion anava endavant. “Capitaràn pas cap de lors objectus”, çò diguèt, en afirmant qu’el, aquò “o garentís”. Vilaweb publica lo vidèo entièr de la declaracion de Rajoy.

---

— Reuters: Catalan parties start independence roadmap, Rajoy vows to block it

— La Stampa: La Catalogna accelera verso l’indipendenza: “Iniziato il processo per una nostra repubblica

— Corriere della Sera: Catalogna, i partiti secessionisti firmano proposta di indipendenza 

— Cadena ST1: Separatisten Kataloniens leiten Unabhängigkeits-Prozess ein 

— The Guardian: Spanish PM dismisses Catalan secession proposals ‘as act of provocation’  

— El País: Rajoy garantiza que la declaración no logrará ninguno de sus objetivos

— ABC: Junts Pel Sí y la CUP pactan iniciar el proceso independentista ignorando al TC

— El Mundo: Junts pel Sí y la CUP presentan el ‘inicio del proceso de creación del estado catalán’ en el Parlament

— ABC News: Spanish PM: We Will Defend Unity, Fight Catalan Secession 

— CTV News (TV canadiana): Pro-secession Catalan parties file parliament motion to break from Spain 

— CNBC: Spanish PM: We will defend unity, fight Catalan secession

— New York Times: Spanish PM: We Will Defend Unity, Fight Catalan Secession