Un policièr de la brigada anticriminalitat (BAC) de Marselha tirèt ièr sus un òme que raubava una veitura. Segon Le Figaro, que cita de fonts policièras, lo malfactor aviá ensajat d’agressar un autre policièr al cotèl. “Un policièr a degut utilizar son arma quand son collèga èra dirèctament atacat per un individú portant un cotèu qu’aviá menaçat prèviament dos autrei policiers”, çò i explica lo director departamental de la seguretat publica, Pierre-Marie Bourniquel.
 
A miègjorn, de policièrs de la BAC intervenguèron sus un raubament dins una veitura, en delicte flagrant, dins lo 3n arredondiment de Marselha, çò rapòrta La Provence. Es alavetz que l’autor presumit del raubament auriá ensajat d’agressar un dels agents a l’arma blanca, e un autre policièr empleguèt son arma de fuòc en ferissent lo panaire presumit a las lombaras. La ferida es pas mortala.