Actualitats
Nòu militants anarquistas detenguts en Catalonha
Son acusats d’organizacion criminala amb tòca terrorista
La polícia autonomica catalana, los Mossos d’Esquadra, escorcolhèron ièr qualques abitanças e locals anarquistas de Catalonha en arrestant 9 personas. Son acusats d’organizacion criminala amb tòca terrorista.
Las detencions foguèron ordenadas per l’Audiéncia Nacionala, un tribunal d’excepcion de l’estat espanhòl, dins l’encastre de la dicha operacion Pandòra. Arunan foguèron ja detengudas onze personas per de presumits depauses d’explosius dins de bancas. Sèt d’aqueles detenguts foguèron meses en preson e un mes après èsser meses en libertat condicionala.
Protèsta de la CUP
Lo grop parlamentari de la CUP a remandat la reünion prevista amb Amassa per l’Òc tocant la creacion d’un govèrn per Catalonha. “Denonciam la decision del govèrn en foncions de la Generalitat de Catalonha que los Mossos d’Esquadra executen los òrdres de l’Audiéncia Nacionala espanhòla”, çò an declarat.
Per la CUP, l’afar Pandòra es una nòva operacion policièra amb una “clara intencion politica de reprimir un movement contestatari e d’oposision a la situacion economica e sociala actuala”.
Las detencions foguèron ordenadas per l’Audiéncia Nacionala, un tribunal d’excepcion de l’estat espanhòl, dins l’encastre de la dicha operacion Pandòra. Arunan foguèron ja detengudas onze personas per de presumits depauses d’explosius dins de bancas. Sèt d’aqueles detenguts foguèron meses en preson e un mes après èsser meses en libertat condicionala.
Protèsta de la CUP
Lo grop parlamentari de la CUP a remandat la reünion prevista amb Amassa per l’Òc tocant la creacion d’un govèrn per Catalonha. “Denonciam la decision del govèrn en foncions de la Generalitat de Catalonha que los Mossos d’Esquadra executen los òrdres de l’Audiéncia Nacionala espanhòla”, çò an declarat.
Per la CUP, l’afar Pandòra es una nòva operacion policièra amb una “clara intencion politica de reprimir un movement contestatari e d’oposision a la situacion economica e sociala actuala”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Quora se tracta d'una informacion relativa à Paris o la França del nòrd, òm ausís pas de romegaires. E tant melhor. Doncas quand nos informam sus l'injusticia en Catalonha, deuriá èsser çò parièr.
#1 Un estat qu'ultradretisa son economia e que constèsta pas per pagar sos deutes a las bancas privadas que manejan Euròpa es un país democratic… Tot çò mai es intertdit, impensable, inadmissible. Alavetz, carris d'assalhs per carrièras e constestataris en preson per delicte d'opinion : e ben, son pas sos caulets… Aquò se ditz Euròpa. Euròpa nos es pas una democracia. Cal dobrir los uèlhs.
#2 Lo director de Jornalet o a volgut ansin: nòstre (inclusiu, non exclusiu) jornal a un foncionament amplament participatiu. Se i a de subjèctes que vos semblan mai importants, podètz escriure a la redaccion (http://www.jornalet.com/contacte).
Totun, ieu cresi qu'es un tèma interessant. Se tracta de detencions per delicte d'opinion (sembla pas que i aja de pròvas d'una actitivita terrorista vertadièra) dins una Euròpa supausadament democratica. Ni Le Monde ni Le Figaro ni Libération ne parlan pas: me pensi qu'es lo meriti de Jornalet de tractar lo subjècte.
catalonha, catalonha.
urosament qu'i a catalonha ende balhar subjèctes a Jornalet.
solide, en occitània, n'i a pas d'enjòcs de tractar, pas besunh de balhar idèa d'occitània aus sons poblants, pas besonh de balhar una consciéncia politica occitana aus locutors, pas besonh d'arren.
un sondatjòt sus aqueras arrestacions, ende conéisher l'opinion occitana sus l'accion deus mossos ?
Amb aquò e d'autras causas, lo PP a mas enviat l'armada en Catalonha mas s'n manca pas gaire. E qué ditz l'Union Europèa sus la democracia en Espanha? Son pas sos caulets, benlèu?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari