Actualitats
Erdoğan a recuperat la majoritat parlamentària en Turquia
Lo partit pròcurd HDP reüssís a se manténer dins lo Parlament mas denóncia d’intimidacions e de menaças generalizadas als elegeires
Recep Tayyip Erdoğan a recuperat la majoritat parlamentària en Turquia. Cinc meses après las eleccions del 7 de junh, los ciutadans de l’estat turc tornèron ièr a las urnas davant l’impossibilitat de formar un govèrn del conservator Partit de la Justícia e Desvolopament (AKP). En junh, luènh de ratificar la majoritat absoluda que gaudissiá dempuèi tretze annadas, lo parlament turc demorèt fòrça fragmentat. Alavetz i intrèt per lo primièr còp e amb fòrça un partit d’esquèrra pròcurd, lo Partit de la Democracia del Pòble (HDP).
Aperaquí 54 milions d’elegeires tornèron votar ièr dimenge, dins un estat devesit per la deriva autoritària del govèrn, la represa del conflicte entre l’estat e los curds e lo jihadisme de l’Estat Islamic en Iraq e Siria. Erdoğan tornarà aver la majoritat parlamentària e ara poirà formar un govèrn tot sol gràcias al gaireben 51% dels vòtes qu’a obtengut lo conservator Partit de la Justícia e Desvolopament (AKP). Lo principal partit de l’oposicion, lo Partit Republican del Pòble (CHP) despassa lo 22%, del temps que los nacionalistas de l’MHP an despassat lo 15% dels vòtes. Los pròcurds de l’HDP son arribats al 10% necessari per intrar dins lo Parlament. Los resultats poirián encara cambiar quand lo recompte dels vòtes serà acabat.
D’intimidacions e de menaças als elegeires de Curdistan
Dins lo Curdistan de l’estat turc se denoncièt pertot d’intimicadions e d’agressions als elegeires per los empedir d’anar votar amb normalitat als collègis electorals. Dins mantas vilas i a agut d’incidents entre la polícia e de manifestants que protestavan contra aqueles problèmas.
La lucha del pòble curd marca l’eleccion
Dempuèi lo 7 de junh, lo govèrn turc a romput la trèva que teniá amb la guerrilha del Partit dels Trabalhadors de Curdistan (PKK), a secutat e bombardat de vilas e de posicions curdas tant dins l’estat turc coma dins l’estat sirian, e mai se son produches dos atemptats sagnoses, non revendicats, contra de membres e simpatizants de l’HDP. E mai, recentament, l’estat turc a barrat qualques mèdias curds.
Marcha mondiala per Kobanê
Atanben, l’eleccion d’ièr se celebrèt dins l’encastre del Jorn Internacional de Kobanê, lo dich #WorldKobaneDay, una jornada de solidaritat internacionala amb la resisténcia del pòble curd. Se commemòra dempuèi l’an passat dins quatre centenats de vilas de tot lo Mond e se mòstra lo sosten a aquela vila del Curdistan occidental qu’a reüssit a arrestar l’avançada de l’Estat Islamic, e quitament a lo far recular.
La marcha mondiala per Kobanê se debanèt tanben en Occitània, que i aguèt de manifestacions de solidaritat a Marselha, Bordèu, Tolosa e Montpelhièr.
Aperaquí 54 milions d’elegeires tornèron votar ièr dimenge, dins un estat devesit per la deriva autoritària del govèrn, la represa del conflicte entre l’estat e los curds e lo jihadisme de l’Estat Islamic en Iraq e Siria. Erdoğan tornarà aver la majoritat parlamentària e ara poirà formar un govèrn tot sol gràcias al gaireben 51% dels vòtes qu’a obtengut lo conservator Partit de la Justícia e Desvolopament (AKP). Lo principal partit de l’oposicion, lo Partit Republican del Pòble (CHP) despassa lo 22%, del temps que los nacionalistas de l’MHP an despassat lo 15% dels vòtes. Los pròcurds de l’HDP son arribats al 10% necessari per intrar dins lo Parlament. Los resultats poirián encara cambiar quand lo recompte dels vòtes serà acabat.
D’intimidacions e de menaças als elegeires de Curdistan
Dins lo Curdistan de l’estat turc se denoncièt pertot d’intimicadions e d’agressions als elegeires per los empedir d’anar votar amb normalitat als collègis electorals. Dins mantas vilas i a agut d’incidents entre la polícia e de manifestants que protestavan contra aqueles problèmas.
La lucha del pòble curd marca l’eleccion
Dempuèi lo 7 de junh, lo govèrn turc a romput la trèva que teniá amb la guerrilha del Partit dels Trabalhadors de Curdistan (PKK), a secutat e bombardat de vilas e de posicions curdas tant dins l’estat turc coma dins l’estat sirian, e mai se son produches dos atemptats sagnoses, non revendicats, contra de membres e simpatizants de l’HDP. E mai, recentament, l’estat turc a barrat qualques mèdias curds.
Marcha mondiala per Kobanê
Atanben, l’eleccion d’ièr se celebrèt dins l’encastre del Jorn Internacional de Kobanê, lo dich #WorldKobaneDay, una jornada de solidaritat internacionala amb la resisténcia del pòble curd. Se commemòra dempuèi l’an passat dins quatre centenats de vilas de tot lo Mond e se mòstra lo sosten a aquela vila del Curdistan occidental qu’a reüssit a arrestar l’avançada de l’Estat Islamic, e quitament a lo far recular.
La marcha mondiala per Kobanê se debanèt tanben en Occitània, que i aguèt de manifestacions de solidaritat a Marselha, Bordèu, Tolosa e Montpelhièr.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segur qu'aquestas eleccions son pas estada gaire netas mas segur tanben que los religioses son pas estats neutres dins aqueste afar. En legissent Oran Pamuk, lo ciutadin d'Istambol, s'auriá pogut pensar que la Turquia modèrna avançava; en legissent Yashar Kemal, son de figas d'un autre panièr. Jos un vernís modèrn subsistís la Turquia patriarcala e retrograda, lo deputat contunha essent lo bey. Ismet Inönü s'enganèt quand se pensèt que se podiá tornar donar de corda als religioses. Cal mai d'una generacion per sortir de l'obscurantisme e mai, quand s'avança un pauqueton, es un combat de cada jorn per pas recular.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari