Actualitats
Los presidents de la China continentala e de Taiwan se reüniràn dissabte pel primièr còp dins l’istòria
Lo president de la China continentala, Xi Jinping e lo de Taiwan, Ma Yingjiu, se reüniràn aqueste dissabte que ven a Singapor per escambiar d’avises e vejaires sus las relacions entre los dos costats de l’Estrech de Taiwan.
Serà la primièra reünion entre los caps de las doas entitats dempuèi la fin de la guèrra civila de 1949, marcada per la victòria maoïsta sus lo continent e la retirada dels vièlhs nacionalistas a Taiwan.
La reünion la confirmèt aqueste dimècres passat a Pequin l’agéncia oficiala d’informacions Xinhua, en citant un foncionari del Burèu dels Afars de Taiwan.
La tòca de la reünion, çò diguèt lo foncionari, es de discutir sus un desvolopament pacific de las relacions entre las doas entitats. Lo Burèu dels Afars de Taiwan afirma qu’aquela reünion es lo resultat d’un “acòrdi pragmatic” sus lo “principi d’una China” e que descriu la posicion de las autoritats chinesas, que reconeisson pas l’independéncia de Taiwan.
Aquela reünion arriba en un moment delicat politicament a Taiwan, ont i aurà d’eleccions presidencialas e legislativas lo 16 de genièr. Lo partit nacionalista de Ma Yingjiu, lo Guomindang, es —segon los sondatges—davant lo Partit Democratic Progressista, lo principal partit de l’oposicion, tradicionalament en favor de l’independéncia de l’illa.
Serà la primièra reünion entre los caps de las doas entitats dempuèi la fin de la guèrra civila de 1949, marcada per la victòria maoïsta sus lo continent e la retirada dels vièlhs nacionalistas a Taiwan.
La reünion la confirmèt aqueste dimècres passat a Pequin l’agéncia oficiala d’informacions Xinhua, en citant un foncionari del Burèu dels Afars de Taiwan.
La tòca de la reünion, çò diguèt lo foncionari, es de discutir sus un desvolopament pacific de las relacions entre las doas entitats. Lo Burèu dels Afars de Taiwan afirma qu’aquela reünion es lo resultat d’un “acòrdi pragmatic” sus lo “principi d’una China” e que descriu la posicion de las autoritats chinesas, que reconeisson pas l’independéncia de Taiwan.
Aquela reünion arriba en un moment delicat politicament a Taiwan, ont i aurà d’eleccions presidencialas e legislativas lo 16 de genièr. Lo partit nacionalista de Ma Yingjiu, lo Guomindang, es —segon los sondatges—davant lo Partit Democratic Progressista, lo principal partit de l’oposicion, tradicionalament en favor de l’independéncia de l’illa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari