“Jamai diguèt pas a degun çò qu’aviá vist aquel ser, pel camin de Compostèla”… Escrivètz la seguida en occitan o en francés.
Es partit per la dètz-e-oitena edicion del concors d’escritura del Lector del Val! Amb la frasa çai-sus per començar, e abans lo 12 de febrièr 2016.
Se la forma es la novèla, de segur lo genre demòra liure: fantastic, policièr, sciéncia-ficcion, istoric, romanèsc, aventura, etc… o pas brica de genre que siá.
Tot lo monde i pòt participar: la jurada presidida per Alem Surre-Garcia legirà a despart los tèxtes d’adultes e de licèans, collègians e de primari; l’escritura pòt esser individuala o collectiva.
Totas las varietats de la lenga d’òc son benvengudas, a carga pel participant de passar l’incipit dins sa varietat pròpria.
Los melhors tèxtes seràn publicats e/o enregistrats sus CD.
Còssi se marcar? En linha sus www.lecteurduval.org o dins unas de las 27 bibliotècas de l’associacion.
De segur, lo concors es anonim, e l’autor s’engatja sul caractari personal, original e inedit de l’òbra presentada. Entresenhas al +33 (0)5 61 00 51 16 o per e-mail (info@lect...) Tanben podètz mandar los tèxtes a: Lecteur du Val, 10-12 Bd dels Genèstes (Bd des Genêts), F-31320 Castanet Tolosan.
Danís Fize
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jamais diguèt pas a degun çò qu'aviá vist aqueste ser sul camin de Compstèla. E coma sabiá escriure ni legir, es per aquò que l'istòria s'acabèt aquí…?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari