Dissabte passat, lo 7 de novembre, la vila de Les (Aran) a fach un omenatge a Aymar Navarro e a Nacho Sacau, per los meritis esportius qu’an complits. “Consideram oportun d’arreconéisher era nauta valor des sòns desfisi esportius e personaus e desiram de formalizar en un acte institucionau era arreconeishença publica”, çò disiá la comuna.
 
Navarro es esquiaire professional, especializat en free ride, e participa al Free Ride World Tour. Dins aquela disciplina es considerat un dels melhors d’Euròpa. E mai en America dobriguèt una davalada extrèma, en tot l’esquiar per lo primièr còp, e la nomenèt “Canau de Les” en onor a la vila ont nasquèt.
 
Sacau es dilhèu l’alpinista que coneis melhor las vias d’escalada, de ròca e de glaç de la Val d’Aran. Tanben collabòra amb las institucions per n’esquipar las installacions. Al nivèl internacional sa darrièra reüssida foguèt de coronar la cima de Nun, de 7135 mètres, en Imalaia.