capçalera campanha

Actualitats

SocietatEnvironament
crotz-tolosaCreated with Sketch.GasconhaLanas e LabritMarsan

Audon: d’ecologistas e de jornalistas agressats a còps de pala per un ribairenc en eslip

De militants per la proteccion dels aucèls menavan una operacion contra lo braconatge dels quinçons

| Gaizka Iroz / AFP



De membres de la Liga de Proteccion dels Aucèls (LPO segon sa sigla en francés) foguèron atacats diluns passat per d’abitants d’Audon (Lanas Petitas). Los membres de l’LPO menavan una operacion contra lo braconatge dels quinçons, una espècia protegida. Atacats a còps de pala, en inclusent los quites los jornalistas qu’acompanhavan l’operacion, calguèt far intervenir la gendarmariá, çò rapòrtan l’AFP e Libération.
 
Èran mièja dotzena de militants de l’LPO qu’èran intrats dins un camp de milhòc del País de Tartàs, ont avián descobèrt de desenats de matòlas, es a dire, de dispositius tradicionals per agafar los aucèls. Alavetz, quand començavan de destruire las matòlas, un ribairenc apareguèt armat d’una pala, en insultant los militants e los jornalitas, e en los batent. Puèi apareguèt un segond ribairenc que brandiguèt un gatge agricòla e qu’ensagèt de prene las camèras dels jornalistas. Quinze minutas puèi, arribèron los gendarmas, que metèron fin a l’altercacion e tornèron la camèra de television a un dels jornalistas.
 
Ara las denóncias son mutualas. Lo president de l’LPO vòl far sa denóncia per las agressions, la degradacion dels veïculs e l’usatge de las matòlas per capturar d’espècias protegidas; del temps que lo ribairenc qu’atacava a còps de pala vòl far sa denóncia per violacion de proprietat privada.


 
 
Un imatge ridicul qu’es vengut viral
 
Lo fotograf de l’AFP Gaizka Iroz a fach de fòtos de l’agression. Son imatge de l’agressor de la pala, abilhat en eslip, es vengut mediatic. Internet es plen de visuals creatius e ridiculizants; entre eles podèm soslinhar lo tractament que n’a fach lo sit estatsunidenc Gawker o la seleccion d’imatges partejats sus Twitter que l’a facha BuzzFeed.






























Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Francesc Palma
14.

L'homo de cromanhon cresia que era de feia mil cinc-cents ans, mas vesi que encara n'hi ha.

  • 0
  • 0
Macarèl
13.

#12 Osca, aquel gus amb la pala representa pas brica lo pòble d'òc tot. Lo jorn que respectaràn los mai febles, que las bèstias ne fan partida, auràn progressat los umans. Ja que la caça servis de res uèi, (pièger, es nosibla), lo braconatge es pas que crudelitat dispensabla.
Per contra, soi contra l'utilizacion de l'imatge d'aquel gus mas aquela deriva es plan a l'imatge d'aquela societat descabestrada, ça que la, cresi pas que lo fach que l'imatge del gus passege pel web siá tan greu coma los damatges que lo tipe fa subir als pinçons e autras bèstias (que dobti pas que s'arrèsta pas als pinçons). Un pauc d'empatia diable e sabi que los païsans, sovent, ne mancan pas, que ne soi eissit del mond païsan, contràriament a l'estereotip que nos servisson de costuma los mèdias e las gents coma Roucau.

  • 10
  • 1
SaÏsset Trausse Menerbès
12.

N ' i a pro de totes los que volon tuar duscas al darnièr aucel, lo perdigalh e ara lo singlar que demesitz . Aquelas bandas de boronas son pas lo pòble , son pas que de boronas .

  • 15
  • 1
responsabilitat
11.

Cau considerar un problèma immediat que passa abans totei leis autrei problèmas. Es fòrça perilhós de brandir una pala còntra una persona. Un solet còp de pala pòt tuar o ferir grèvament. Ai pas de compassion per un tipe que menaça amb una pala. L'aparéncia o l'origina sociala d'aquel agressor a ges d'importància.

  • 15
  • 2
Terric Lausa Quilhan
10.

Aquestes gents, còp segur, son d'imbecils de braconar una espécia protegida. S'i a una lei, que l'apliquen! La sabon far aplicar endacòm mai.

Aprèp, l'explotacion de l'imatge d'aquel endemoniat enpallat la tròbi umilianta. Campa definitivament dins lo non respècte del dreit a l'imatge.

Al delai, voldriái ben veire un estudi que donariá los responsables del perilh d'aquesta espècia d'aucèl. Es la caça que los emperilha? O i a d'autras rasons mai ecologiment goobalas? Es aisit de torjorn tustar suls caçaires. Mas los polluaires e los agressors de l'environament son denonciats?

  • 13
  • 3

Escriu un comentari sus aqueste article