Actualitats
Catalonha e Aran: l’estat espanhòl se met en marcha contra la declaracion d’independéncia
Se demanda a totes los còrses policièrs de susvelhar e d’indicar “una possibla sedicion, rebellion o desobesissença al Tribunal Constitucional”
L’estat espanhòl a mes en marcha son procès contra la declaracion d’independéncia del Parlament de Catalonha e Aran de diluns passat. L’avocata de l’estat, Marta Silva de Lapuerta, presentèt ièr a miègjorn al Tribunal Constitucional lo recors contra la declaracion de la cambra catalana, en seguida d’una decision del conselh dels ministres. Sul pic, lo Tribunal Constitucional faguèt una reünion extraordinària e decidiguèt de suspendre la resolucion del Parlament catalan.
Puèi Silva de Lapuerta avertiguèt la presidenta del Parlament de Catalonha e Aran, Carme Forcadell, lo president en foncions de la Generalitat, Artur Mas, e lo govèrn catalan en general, que serián destituits de lors foncions e jutjats per sedicion en cas de desobesissença.
En seguida d’aquò, lo president del govèrn espanhòl, Mariano Rajoy, faguèt de declaracions oficialas als mèdias en tot afirmar que son a defendre “l’esséncia de la democracia, lo respècte de la sobeiranetat populara e l’unitat de la nacion”.
Lo Partit Socialista Obrièr Espanhòl (PSÒE) a tanben reagit. Son pus naut responsable, Pedro Sánchez, convoquèt los sèt presidents autonomics de son partit e lo cap d’aquel partit en Catalonha, Miquel Iceta (PSC), dins una reünion qualificada de “naut nivèl”. Los socialistas mòstran lor unitat amb lo Partit Popular quand se tracta de defendre l’unitat de l’estat espanhòl.
De son costat, l’Audiéncia Nacionala, un tribunal d’excepcion de l’estat espanhòl, a demandat als divèrses còrses policièrs, compreses los Mossos d’Esquadra (la polícia autonomica de Catalonha e Aran), de susvelhar e d’indicar una “possibla sedicion, rebellion o desobesissença al Tribunal Consticional”.
Puèi Silva de Lapuerta avertiguèt la presidenta del Parlament de Catalonha e Aran, Carme Forcadell, lo president en foncions de la Generalitat, Artur Mas, e lo govèrn catalan en general, que serián destituits de lors foncions e jutjats per sedicion en cas de desobesissença.
En seguida d’aquò, lo president del govèrn espanhòl, Mariano Rajoy, faguèt de declaracions oficialas als mèdias en tot afirmar que son a defendre “l’esséncia de la democracia, lo respècte de la sobeiranetat populara e l’unitat de la nacion”.
Lo Partit Socialista Obrièr Espanhòl (PSÒE) a tanben reagit. Son pus naut responsable, Pedro Sánchez, convoquèt los sèt presidents autonomics de son partit e lo cap d’aquel partit en Catalonha, Miquel Iceta (PSC), dins una reünion qualificada de “naut nivèl”. Los socialistas mòstran lor unitat amb lo Partit Popular quand se tracta de defendre l’unitat de l’estat espanhòl.
De son costat, l’Audiéncia Nacionala, un tribunal d’excepcion de l’estat espanhòl, a demandat als divèrses còrses policièrs, compreses los Mossos d’Esquadra (la polícia autonomica de Catalonha e Aran), de susvelhar e d’indicar una “possibla sedicion, rebellion o desobesissença al Tribunal Consticional”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Rajoy pòt bracejar tant coma o voldrà amb sa lei e sa constitucion. La lei ne Catalonha e la constitucion de Catalonha non son pas mai las del reialme borbon de las Espanhas…
alguns governants catalans no ténen ni trellat ni forrellat, han dut la pobra catalunya a la roïna provocant escama i confusió, per tant ara están desbussolats i el barquet de l'independència va a la deriva i a soles enmig de la foscor i la boira espesa.
¿qui arreüssarà eixa boira? només el trellat, una bona polìtica d'unitat d'estat ...
pobre Mas, l'han araconat, està fotut i arrimat a marge ... ignarant!
Lo Jornalet qu'ei lo solet media qui ahigeish "e Aran" a Catalonha. Pecat que Farri non sia pas eligible a President de la Generalitat. Qui's preocupa d'Aran e deu resultat de la votacion en Aran en aqueste moment? Qui continua de parlar deu dret a decidir deus Aranés en procès actuau? Arrés. Silenci ràdio. Los Aranés existeishen enqüèra?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari