Actualitats
Irlanda del Nòrd: un èx-soldat britanic detengut dins l’enquèsta sul Dimenge Sagnós
Un èx-soldat britanic es estat detengut en seguida de l’enquèsta sul Dimenge Sagnós (Domhnach na Fola, Bloody Sunday) de 1972, un dels episòdis mai escurs dels trenta ans de violéncia al Nòrd d’Irlanda, coma o diguèt dimars lo Departament de la Defensa britanica.
“Sèm conscients qu’un èx-soldat foguèt detengut per la polícia de l’Irlanda del Nòrd en relacion amb l’enquèsta suls eveniments del Dimenge Sagnós”, çò a dich lo ministèri dins un comunicat. La polícia de l’Irlanda del Nòrd a dich solament que l’òme a seissanta sièis ans e qu’es interrogat dins un comissariat de la polícia a Béal Feirste (Belfast).
Lo Dimenge Sagnós
Lo Dimenge Sagnós (Domhnach na Fola, Bloody Sunday) es lo tèrme emplegat per far referéncia al masèl que se debanèt dins lo quartièr de Taobh an Bhogaigh (Bogside) de la vila de Doire (Derry), lo 30 de genièr de 1972.
Aquel jorn, 15 000 personas manifestavan contra una lei que permetiá al govèrn britanic d’empresonar de mond suspèctes d’aperténer a l’IRA, sens cap de jutjament prèvi. La manifestacion, convocada per l’Associacion pels Dreches Civils de l’Irlanda del Nòrd, s’organizava pacificament fins qu’un grop isolat de personas comencèron de lançar de pèiras contra una barricada de soldats. Aqueles respondèron primièr amb de gas, amb de balas de goma e amb d’aiga jos pression, e posteriorament amb de fuòc real, çò que causèt que las carrièras de Doire venguèsson un caos.
Amb lo Dimenge Sagnós de 1972, segon las donadas oficialas, se parla de 13 mòrts demest los quals i aviá 6 menors, e mai de 26 ferits per bala demest los quals 5 foguèron visats per l’esquina. Al total, i aguèt mai de 30 ferits, que qualques unes foguèron desquilhats per de veïculs de l’armada.
De fonts independentas, mai que mai de jornalistas, certifiquèron que cap dels ferits èra pas armat.
Lo primièr batalhon dels paracasudidas, responsable del masèl del Dimenge Sagnós, foguèt enquestat pel govèrn britanic, mas fin finala, las responsabilitats foguèron pas esclarzidas. En 1988, lo primièr ministre Tony Blair demandèt una autra enquèsta e lo 15 de junh de 2010, après dotze ans de recèrcas, se faguèt public lo rapòrt oficial, de 5000 paginas, qu’acusava formalament l’armada britanica d’aquel masèl.
Lo grop irlandés U2 escriguèt una cançon suls faches, nomenada Sunday, Bloody Sunday, un grand succès de vendas internacionalas, que serviguèt per far conéisser la situacion de l’Irlanda del Nòrd a la comunautat internacionala.
“Sèm conscients qu’un èx-soldat foguèt detengut per la polícia de l’Irlanda del Nòrd en relacion amb l’enquèsta suls eveniments del Dimenge Sagnós”, çò a dich lo ministèri dins un comunicat. La polícia de l’Irlanda del Nòrd a dich solament que l’òme a seissanta sièis ans e qu’es interrogat dins un comissariat de la polícia a Béal Feirste (Belfast).
Lo Dimenge Sagnós
Lo Dimenge Sagnós (Domhnach na Fola, Bloody Sunday) es lo tèrme emplegat per far referéncia al masèl que se debanèt dins lo quartièr de Taobh an Bhogaigh (Bogside) de la vila de Doire (Derry), lo 30 de genièr de 1972.
Aquel jorn, 15 000 personas manifestavan contra una lei que permetiá al govèrn britanic d’empresonar de mond suspèctes d’aperténer a l’IRA, sens cap de jutjament prèvi. La manifestacion, convocada per l’Associacion pels Dreches Civils de l’Irlanda del Nòrd, s’organizava pacificament fins qu’un grop isolat de personas comencèron de lançar de pèiras contra una barricada de soldats. Aqueles respondèron primièr amb de gas, amb de balas de goma e amb d’aiga jos pression, e posteriorament amb de fuòc real, çò que causèt que las carrièras de Doire venguèsson un caos.
Amb lo Dimenge Sagnós de 1972, segon las donadas oficialas, se parla de 13 mòrts demest los quals i aviá 6 menors, e mai de 26 ferits per bala demest los quals 5 foguèron visats per l’esquina. Al total, i aguèt mai de 30 ferits, que qualques unes foguèron desquilhats per de veïculs de l’armada.
De fonts independentas, mai que mai de jornalistas, certifiquèron que cap dels ferits èra pas armat.
Lo primièr batalhon dels paracasudidas, responsable del masèl del Dimenge Sagnós, foguèt enquestat pel govèrn britanic, mas fin finala, las responsabilitats foguèron pas esclarzidas. En 1988, lo primièr ministre Tony Blair demandèt una autra enquèsta e lo 15 de junh de 2010, après dotze ans de recèrcas, se faguèt public lo rapòrt oficial, de 5000 paginas, qu’acusava formalament l’armada britanica d’aquel masèl.
Lo grop irlandés U2 escriguèt una cançon suls faches, nomenada Sunday, Bloody Sunday, un grand succès de vendas internacionalas, que serviguèt per far conéisser la situacion de l’Irlanda del Nòrd a la comunautat internacionala.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A lo general, a los capitans, als sargents, als caporals e a tota la mala trota de paracaigudistas que assassinaren a los manifestants, haurien de fotre en prisson.
Béal Feirste, Domhnach na Fola, Taobh an Bhogaigh, Doire… òsca al Jornalet. La primièra e mai elementària marce de respècte davant la memòria de las victimas es de nommar las causas pel sieu nom vertadièr, dins la lenga legitima de las victimas !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari