Actualitats
Marine Le Pen vòl “eradicar tota immigracion bacteriana”
Segon la cap xenofòba, “los espitals fan fàcia a la preséncia alarmanta de malautiás contagiosas non europèas, restacadas al flux migratòri”
La cap del Front Nacional, Marine Le Pen, faguèt aqueste dimars passat de declaracions polemicas al jornal francés La Voix du Nord: la cap del partit xenofòb prepausa d’“eradicar tota immigracion bacteriana”. Segon ela, “los espitals fan fàcia a la preséncia alarmanta de malautiás contagiosas non europèas, restacadas al flux migratòri”. E la dirigenta nacionalista francesa apondiá: “refusam aquela mesa en perilh de nòstres compatriòtas”.
Aquelas declaracions foguèron sul pic contestadas. Lo deputat socialista francés François Lamy declarèt sus Twitter que “la xenofobia de Marine Le Pen vira a la foliá”. De son costat, la candidata ecologista Sandrine Rousseau qualifiquèt l’expression “contaminacion bacteriana” de “pudenta e immonda”.
SOS Racisme estúdia “lo caractèr penalament reprensible”
Del costat d’SOS Racisme, s’estúdia “lo caractèr penalament reprensible” de las declaracions de Le Pen, que jutjan qu’an un “caractèr aparentament grotesc”. “La logica de Marine Le Pen es clara. Se tracta de s’atacar amb viruléncia a l’immigracion extraeuropèa, acusada, dins la bona vièlha logica d’extrèma drecha, d’èsser una font de disseminacion de malautiás”. L’entitat antiracista precisa que “i a solament un pas entre «eradicar l’immigracion bacteriana» e «eradicar los immigrats portant de bactèris»”.
Mas la còla de campanha del Front Nacional a pas cap de pena per justificar aquel discors. “Es simplament la seguida logica de la nòstra demanda de barradura de las frontièras. De nombrosas declaracions medicalas fan estat d’una recrudescéncia de malautiás autres còps eradicadas de França e d’Euròpa. Particularament a Calais, d’autra part, ont lo personal espitalièr sofrís e es submergit per un flux migratòti entraïnant de malautiás qu’arriban pas de las restancar”, çò rapòrta Le Figaro.
Aquel discors de l’FN, lo dison sens remarcar cap de contradiccion amb la volontat d’aquel partit ultrafrancista de suprimir l’ajuda medicala de l’estat.
Aquelas declaracions foguèron sul pic contestadas. Lo deputat socialista francés François Lamy declarèt sus Twitter que “la xenofobia de Marine Le Pen vira a la foliá”. De son costat, la candidata ecologista Sandrine Rousseau qualifiquèt l’expression “contaminacion bacteriana” de “pudenta e immonda”.
SOS Racisme estúdia “lo caractèr penalament reprensible”
Del costat d’SOS Racisme, s’estúdia “lo caractèr penalament reprensible” de las declaracions de Le Pen, que jutjan qu’an un “caractèr aparentament grotesc”. “La logica de Marine Le Pen es clara. Se tracta de s’atacar amb viruléncia a l’immigracion extraeuropèa, acusada, dins la bona vièlha logica d’extrèma drecha, d’èsser una font de disseminacion de malautiás”. L’entitat antiracista precisa que “i a solament un pas entre «eradicar l’immigracion bacteriana» e «eradicar los immigrats portant de bactèris»”.
Mas la còla de campanha del Front Nacional a pas cap de pena per justificar aquel discors. “Es simplament la seguida logica de la nòstra demanda de barradura de las frontièras. De nombrosas declaracions medicalas fan estat d’una recrudescéncia de malautiás autres còps eradicadas de França e d’Euròpa. Particularament a Calais, d’autra part, ont lo personal espitalièr sofrís e es submergit per un flux migratòti entraïnant de malautiás qu’arriban pas de las restancar”, çò rapòrta Le Figaro.
Aquel discors de l’FN, lo dison sens remarcar cap de contradiccion amb la volontat d’aquel partit ultrafrancista de suprimir l’ajuda medicala de l’estat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben nosautres, occitanistas, volèm erradicar tota contaminacion virala xenofòba e faiscista. Nos va caler far foncionar l'autoclava…
Es de bona guerra d'acusar los paubres e los marginaus de portar la pesta e las malaudias. Una bona igiena es la solucion la pus eficaça per eradicar las malaudias microbienas pus eficaça que las vaccinacions.
Dins los ospitaus, i a tanben de las malaudias iatrogenas provocadas per lo medecin e son tratament, segond la definicion dau diccionari.
Pensar coma Marina Lo Pen quo es pensar que l'estat ( l'autoritat) se planh de sos services; quo es l'ospitau que se planh de l'infirmaria.
Alara se va eradicar ela meteissa!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari