Actualitats
Un atemptat suicidari a Beirot tua 41 personas
L’Estat Islamic a atacat un dels bastions de l’Hizbullah e dels shiitas dins la capitala de Liban
Almens 41 personas moriguèron dijòus passat, 12 novembre, en un doble atemptat al sud de Beirot. L’atac foguèt revendicat pel grop jihadista Estat Islamic.
A l’entorn de 18h, dos suicidaris faguèron detonar successivament lors cenchas d’explosius dins una carrièra comerciala fòrça concorreguda al districte de Burj Al Barajina, un bastion de l’Hizbullah, lo grop islamic libanés fondat en 1982 qu’a un braç armat per combatre l’ocupacion israeliana del Sud de Liban.
L’Estat Islamic diguèt dins un comunicat que “los soldats del Califat reüssiguèron a far detonar una bomba dins una motocicleta, contra una reünion de «rafidas»” (nom pejoratiu qu’emplegan per nomenar los shiitas).
Se tracta de l’atac mai sagnós contra un bastion de l’Hizbullah dempuèi lo començament de 2013. L’Hizbullah es un grop format basicament per de shiitas e que s’es engatjat dins la guèrra de Siria al costat de Bashshar Al Asad e, doncas, contra los rebèls e los jihadistas predominantament sunnitas, coma son los membres de l’Estat Islamic.
A l’entorn de 18h, dos suicidaris faguèron detonar successivament lors cenchas d’explosius dins una carrièra comerciala fòrça concorreguda al districte de Burj Al Barajina, un bastion de l’Hizbullah, lo grop islamic libanés fondat en 1982 qu’a un braç armat per combatre l’ocupacion israeliana del Sud de Liban.
L’Estat Islamic diguèt dins un comunicat que “los soldats del Califat reüssiguèron a far detonar una bomba dins una motocicleta, contra una reünion de «rafidas»” (nom pejoratiu qu’emplegan per nomenar los shiitas).
Se tracta de l’atac mai sagnós contra un bastion de l’Hizbullah dempuèi lo començament de 2013. L’Hizbullah es un grop format basicament per de shiitas e que s’es engatjat dins la guèrra de Siria al costat de Bashshar Al Asad e, doncas, contra los rebèls e los jihadistas predominantament sunnitas, coma son los membres de l’Estat Islamic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Son los umans que cometon las atrocitats "al nom de", pas las religions en tant que talas que son pas de personas. Se podon cometre de crimes al nom de tota ideologia per pauc que sia considerada coma absoluda. Las ideas religiosas podon tanben veïcular amor e empatia, cal arrestar d'essencializar las religions e de ne far d'objèctes fora societat, fora umans. L'Islam es pas pièger que lo Crestianisme, i a de tot al dedins, i a de tot dins las Escrituras, son los umans que decidisson de causir e de ne far ço que volon, per ço pièger o ço melhor.
Las religions del Libre son l'ochena plaga de l'umanitat. Cal legir Jean Soler, un que se'n fa gaire la reclama perque es pas de mòda d'èsser laïc.
Aquò dich, las autras religions son la novena plaga...
Es impossible d'anar sunita e armat, shiita e armat, catar e armat, coma catolic e armat. E pasmens, quantes crimis al nom de religions que non son pas que lo rebat lordassat de çò que deurián èsser. L'instrumentalizacion de las religions a de fins poltiicas es generalament ca pe tot desastrosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari