Actualitats
Syriza participèt a la cauma generala contra lo govèrn de Syriza
La cauma paralisèt dijòus passat una bona partida del sector public, mai que mai a Atenas
Lo govèrn del primièr ministre grèc, Alexis Tsipras, foguèt dijòus passat objècte de sa primièra cauma generala. Aperaquí 20 000 personas manifestèron a Atenas a miègjorn, segon las autoritats, e qualques 8000 a Salonica, al nòrd del país. Près de la Plaça Sintagma d’Atenas, i aguèt d'incidents entre un grop nombrós de joves e la polícia.
La mobilizacion foguèt promoguda pels sindicats, per protestar contra los auments d’impòstes e la reforma de las retiradas. Se paralisèt lo govèrn e los transpòrts; los musèus e los sits arqueologics èran barrats e los jornalistas faguèron tanben la cauma. Dins los espitals foncionèron solament las urgéncias.
La posicion ambigua d’Alexis Tsipras e lo sieu govèrn a superat los limits e quitament lo sieu partit, Syriza, faguèt una crida a se mobilizar contra las “politicas antisocialas del neoliberalisme extrèm” menadas a tèrme pel govèrn… de Syriza.
La mobilizacion foguèt promoguda pels sindicats, per protestar contra los auments d’impòstes e la reforma de las retiradas. Se paralisèt lo govèrn e los transpòrts; los musèus e los sits arqueologics èran barrats e los jornalistas faguèron tanben la cauma. Dins los espitals foncionèron solament las urgéncias.
La posicion ambigua d’Alexis Tsipras e lo sieu govèrn a superat los limits e quitament lo sieu partit, Syriza, faguèt una crida a se mobilizar contra las “politicas antisocialas del neoliberalisme extrèm” menadas a tèrme pel govèrn… de Syriza.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari