Actualitats
París: mai d'un centenat de mòrts al Bataclan e de fusilhadas dins qualques quartièrs, França es en estat d'emergéncia
Hollande decreta l'estat d'emergéncia dins tot l'estat francés e barra las frontièras
A París, divendres de ser, partir de 21h30, de fusilhadas an agut luòc a la terrassa del restaurant Le Carillon e dins la sala de fèstas Le Bataclan, al centre de París (10n e 11n arredondiments). An fach qualques desenats de mòrts segon las primièras informacions. Los terroristas aurián pres un seissantenat d'ostatges.
A l'encòp, fòrça mèdias parlan d'explosions dins las proximitats de l'Estadi e França, ont se debanava la partida de fotbòl de las seleccions de França e Alemanha. Lo president francés François Hollande, que se trobava dins l'estadi, es estat evacuat en elicoptèr. La cellula de crisi s'es plaçada al Ministèri de l'Interior.
A mièjanuèch, François Hollande a fach una brèva declaracion televisiva e a anonciat de mesuras tot plen excepcionalas: decreta l'estat d'emergéncia dins tot l'estat francés e barra las frontièras.
Qualques testimònis, escapats del Bataclan e interrogats per la cadena de television France 3, afirman aver vist e ausit d'assalhidors que se revendican del jihadisme en Siria.
Mesa a jorn 01h30
La polícia a mes fin a l'assaut del Bataclan en tuant tres terroristas. I an trobat una barbàrie. Segon de fonts policièras i auriá un centenat de mòrts dins aquela sala. Lo president François Hollande e lo primièr ministre Manuel Valls son anats sus plaça.
A l'encòp, fòrça mèdias parlan d'explosions dins las proximitats de l'Estadi e França, ont se debanava la partida de fotbòl de las seleccions de França e Alemanha. Lo president francés François Hollande, que se trobava dins l'estadi, es estat evacuat en elicoptèr. La cellula de crisi s'es plaçada al Ministèri de l'Interior.
A mièjanuèch, François Hollande a fach una brèva declaracion televisiva e a anonciat de mesuras tot plen excepcionalas: decreta l'estat d'emergéncia dins tot l'estat francés e barra las frontièras.
Qualques testimònis, escapats del Bataclan e interrogats per la cadena de television France 3, afirman aver vist e ausit d'assalhidors que se revendican del jihadisme en Siria.
Mesa a jorn 01h30
La polícia a mes fin a l'assaut del Bataclan en tuant tres terroristas. I an trobat una barbàrie. Segon de fonts policièras i auriá un centenat de mòrts dins aquela sala. Lo president François Hollande e lo primièr ministre Manuel Valls son anats sus plaça.
Numéro appel CIP pour toutes informations 0800 40 60 05
— Préfecture de police (@prefpolice) November 13, 2015Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Mancava quicòm a la vòstra responsa : « espandit ara dins fòrça lengas romanicas » la completi doncas « es un mot ben format, ben autentic e ja ben atestat dins una partida de la lenga ».
E la « declaracion televisiva » ?
Mas avètz rason, es pas gaire decent aqueste debat ara.
Òsca per l'analisi de qualitat de Rei-Bèthvéder.
#7 plan d'acòrdi damb les prepausicions aquestas. s'associar damb los pais arabes e musulmans que son pas esparnhats tanpauc per la holia d'aqueths fascistas.
pasmens au plan estatau francés, la question de las banlègas e de l'apartheid dont patissen los immigrats e sons còishes, aquò's de purmèir òrdi tanben. e dempuish pausa. la haine, lo filme, aquò's sortit i a mei de 20 ans adara. n'èra pas un testimoniatge sociologic, aquò segur, mès muishava totun que la question èra déjà pausada dempuish un moment; çò qu'es estat hèit dempuish ?
#1 Ieu auriái escrich "urgéncia", e non pas "emergéncia"; pasmens se tracta pas d'un "catalanisme" (comentari leugièrament catalanofòb, non?), mas... d'un anglicisme (emergency), espandit ara dins fòrça lengas romanicas... que tanben coneisson "urgéncia": cast. "urgencia", it. "urgenza".
Aquò dich, es decent de voler bandir de polemiquetas lexicologicas al mièg de circonstàncias tan tragicas?
L'orror de la nueit passada que'm hè hasti e que provòca la condamnacion fèrma de tot democrata. Beirot que vivó atemptats deus grèus dus dias i a. L'Angletèrra, l'Espanha que conegón tuaderas de massa dins las annadas passadas pr'amor deus terroristas islamistas.
La Siria que sagna d'açò cada dia.
La França n'ei pas ua isla ; e lo terrorisme deus islamo-faishistas de DAESH qu'ei mondiau.
Qu'espèri que los Europèus qu'èm nos desvelharam e despassaram las paurs d'un continent envielhit e hredolic. Que i avoi vergonha dab lo tractament deus refugiats sirians. Uei lo dia, qu'èi vergonha de l'incapacitat deus Europèus a arrestar la holia de Baishar e de DAESH.
Créder que la solucion passarà peus Estats-Units e la Russia de Pótin ei illusòria. Ne passarà pas tanpòc per ua solucion franco-francesa.
La solucion que's trobarà dilhèu dab l'acòrd deus Europèus units e deus país de la Mediterranèa. Avisam-nos, que calerà associar los musulmans a la nosta accion pr'amor que l'enemic n'ei pas l'islam mes l'islamisme e tots los faishismes.
Òc, que calerà anar en Siria, a costat deus Curdes, de las hemnas e deus òmis de bona volentat shens jamei estar xenofòbes.
Los enemics que son tots los fanatismes que n'acòrdan pas nat prètz a la vita umana. L'enemic qu'ei l'islamo-faishisme de DAESH.
Coratge, respècte de las valors democraticas que deven estar le centre de l'accion de nosautes, los europèus.
#2 Tota politica s'establissent sul mesprés e lo rejècte de l'autre es a metre sul meteis plan. Après, i de questions de proporcion dins l'òdi, dins l'asir. Mas la direccion politica es la meteissa, qué mai ne vos plaga de creire… Jornalet a plan rason.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari