Un “acte de guèrra comés per una armada terrorista”
 
Aqueste matin, François Hollande es comparegut per far una avaloracion oficiala de la nuèch d’orror qu’a viscuda París. Considèra que los atemptats planificats son un “acte de guèrra comés per una armada terrorista”. E a assegurat que França respondrà fermament a aquel atac. E mai, França Hollande a raportat que i a cent vint e uèch mòrts e aperaquí dos cents ferits, entre los quals nonanta nòu son dins un estat critic.
 
Hollande a dich que los atemptats èran estats preparats metodicament e a explicat que l’armada patrolharà per París. “França serà implacabla contra los barbars de l’Estat Islamic dintre e en defòra de França”, çò a dich. Lo president francés a explicat tanben que l’estat d’alèrta es absolut e al nivèl maximal dins tot l’estat.
 
 

 
 
Sèt atacs, mai de 128 mòrs e dos centenats de ferits
 
Sèt atacs an causat mai de cent vint e uèch mòrts e mai de dos cents ferits aquesta nuèch passada a París. I a agut de fusilhadas al bar Le Carillon, de la Carrièra Bichat, e après al club Bataclan, del Baloard Voltaire, ont se fasiá un concèrt e ont los autors de l’atemptat an fach de centenats d’ostatges. A l’entorn d’una ora del matin, la polícia a assalhit la sala en tuant dos dels atacants. Mas ailà i a trobat mai de cent cadavres.
 
Lo president Hollande a proclamat l’estat d’emergéncia dins tot lo país e a ordenat lo barrament de las frontièras. D’un autre costat, la Comuna de París a demandat als ciutadans que sortiscan pas de l'ostal.
 
Lo jornalista Erwan Desplanques ditz qu'un amic sieu que poguèt sortir de la sala Le Bataclan entendèt parlar cinc o sièis òmes armats que, pendent l’atac, mençonèron Siria. Segon d’autres testimònis, los atacants fasián de proclamacions jihadistas.
 
Simultanèament a las fusilhadas, i a agut, a l'entorn de l’Estadi Saint Denis, tanben a París, una seguida d’explosions mentre que se jogava la partida de fotbòl França-Alemanha. François Hollande, qu'èra dins l’estadi, foguèt evacuat en elicoptèr. Segon la comuna de Sant-Denis, i a agut sièis mòrts, que tres serián probablament d’assalhidors suicidaris.
 
En aqueste vidèo se vei coma los espectators de la partida França-Alemanha a l’Stade de France son blocats dintre e ne sòrton pauc a cha pauc.
 
 

{ #FRAALL } Les supporters bloqués au Stade de France. #Fusilladepic.twitter.com/m5R9EfUdtu

— Spécial Football ⚽️ (@spe_football) November 13, 2015

 
 
 
Estat d’emergéncia
 
Lo president francés, François Hollande, compareguèt d’urgéncia per emetre un messatge televisat ont a anonciat que s’establís l’estat d’urgéncia dins tot l’estat francés e que las frontièras son barradas. Lo procuraire de la Republica a anonciat que uèch dels autors dels atemptats son estats mòrts, mas que la polícia pensa que n’i auriá un qu’auriá reüssit a fugir.
 

---

Podètz seguir en dirècte las informacions de France 24